RUHAGOYACU.com

Ijisho Rya Ruhago: Ni ugusaba imbabazi cyangwa se hari ikibyihishe inyuma?

Iby’imbabazi, iby’ururimi rwanyereye, tubirekere Nzamwita De Gaule umuyobozi mukuru w’ishyirahamwe ry’umukino w’umupira w’amaguru mu Rwanda (FERWAFA). Mu gihe benshi mu babikurikiranira hafi basanga imbabazi ze ari nk’iza nyirarureshwa, ndetse bagatekereza ko ari iturufu yo kurangaza abantu, bashishikajwe no kumenya niba koko ari uwo kugirirwa ikizere muri ariya mabanga akomeye yo kuzahura umupira nyarwanda.

Ijisho Rya Ruhago rikomeje kwitegereza agakino kari gukinirwa i Remera ku cyicaro cya FERWAFA, hagamije kwibaza niba iby’umupira nyarwanda bifite aho byerekeza, niba hari uwitaye ku maganya yawo cyangwa se niba abanyamuryango barakomeza kwiterera agati mu ryinyo no kwirebera hirya, nkaho ibyo bibazo bitabareba.

Imbabazi za Perezida wa Ferwafa ntabwo zivugwaho rumweImbabazi za Perezida wa Ferwafa ntabwo zivugwaho rumwe

Iminsi iri kwicuma gahoro gahoro iganisha k’umunsi w’amatora y’umuyobozi mukuru wa FERWAFA. Ndetse nk’iyo witegereje neza, ubona ibimenyetso bikwereka ko byibura De Gaule we ashobora kuba ari gukusanya amaturufu ye, ngo yongere yiyamamarize uwo mwanya, yewe anafite amahirwe menshi yo kuwutsindira.

Ariko se, ni De Gaule turi buhe ijwi ryacu na none?

Kubakurikiranira hafi ibya ruhago yacu ubu impaka ni zose, cyane ko benshi nta kizere na gito bagifite muri De Gaule. Ahanini ni nyuma y’amakuru menshi akomeje gucicikana agaragaza uburyo akomeje guhuzagurika muri iyo mirimo, akoresha nabi umutungo, ibikoresho, n’ububasha afite nk’umuyobozi.

Hari n’abafite ubwoba bw’aho ari busige ibintu. Icyizere cyose cyo kubaka umupira cyarayoyotse, ndetse urugero rufatika ni ikigo cyo kwigisha umupira cya FERWAFA i Remera kidafite kugeza ubu aho cyerekeza, ukuburizwamo kw’imikorere y’abirya bakimara bagerageza gushinga ibigo by’abana biga umupira, gupfobya, gusuzugura ndetse no kurimbura burundu ibyo abamubanjirije basize bubatse, kwibasira ubuzima bwite bw’abakinnyi no kwikoma abatavuga rumwe nawe.

Ni n’aha ndetse benshi banshingira bibaza niba atari uwo guhozaho ijisho mbere y’uko agira ibindi yonona.

None se hakorwe iki?

Ejo h'umupira w'amaguru haribazwahoEjo h’umupira w’amaguru haribazwaho

Iki kibazo kiri gukorogoshora benshi mu mitwe yabo; cyane ko abakagize icyo bakora, ni babandi bahagararira amakipe mu nteko y’umuryango, akaba ari na bo batora. Ubu u Rwanda rwose rubafiteho ikibazo: Ibivugwa ko batora bakurikije inyungu, amarangamutima cyangwa se igitinyiro, byaba koko bifite ishingiro?

Ku rundi ruhande, abasesengura ibya ruhago yacu basanga iki gihe cyihariye, kuko De Gaule akomeje gutakaza agaciro k’isura ye, ndetse ku rwego byagora abifuza kumuhagararaho (uretse ko nabo ntawifuza kwiyanduriza isura).

Ubu amatsiko ni yose ku cyo abanyamuryango ba FERWAFA muri rusange bari bubikoreho...Tubitege amaso!

Ibitekerezo byatanzwe kuri iy'inkuru

  1. Peter

    Kuya 30-09-2017 saa 14:15'

    Nzamwita DeGaule yongeye kuyobora ferwafa twahita dusezera burundu umupira wamaguru tukawangisha nabo tuzabwara. se tu!

  2. King Tvs

    Kuya 30-09-2017 saa 08:15'

    bro! uri ijishoryarubanda ndabyemeye. none uriyamugabo utwangiza football yitwajeko atari umunyarwanda ntazi icyo abanyamahanga bakoreye abanyarwanda babacamo ibice? nazinge utwangushe agende. ntidukeneye abaturyanisha ngo ibyari ukwidagadura bihinduke urwango hagatiyabakinnyi nabanyarda murirusange.

  3. Okelo bebe

    Kuya 8-04-2017 saa 18:56'

    Uwo mugabo rero mbona ntanubwenge agira yarireguye avuga ko atazi ikinyarwanda kdi arangije afata abahuje amateka nawe arabirukana NGO so abanyarwanda none she mbabaze ari ugukinira ikipe uri umunyamahanga no kuyobora uri umunyamahanga uwakabaye ava kukazi mbere ninde koko gusa ariko nanone ibye mbona hari ikibyihishe inyuma iyo mbonye abanyamafuti muzindi institution beguzwa cg bagafungwa we ntakorweho umenya agira imiyi yo gatsindwa umuntu udakunda football akayibera umuyobozi nibuka ukuntu yirukanye cedrick nawamutoza sha mbega ikigabo pu

  4. baveko

    Kuya 29-03-2017 saa 11:50'

    naveho.arigukumira abashoboye,kugirango akomeze. kayizali yinjire.

  5. joan

    Kuya 28-03-2017 saa 11:30'

    IKIRYABAREZI

  6. Alphonse

    Kuya 26-03-2017 saa 17:23'

    ntitwaceceka nkuko abayoboye baceceka niyegurerwose kuko turambiwe imyitwarireye idahwitse naho ibyogusaba imbazi ntazo akwiye kuko nubundi ntakinyarwanda azi yazipfusha ubusa ntidushaka umuntu upeobya amateka uhakanana ibyakozwe nabandi agashaka kushyira ibye imbere bitanahari nagende tuzatora nabandi nubundi iterambererye ntaryotubona!

  7. Bula

    Kuya 25-03-2017 saa 16:21'

    Ako niba haba abaswa muriki gihugu dufite ni abanyamakuru ba sport mukunda amatiku ntarabona ubu se mwe mwubaka mute? amunkuru muduha yubaka ate?amatiku gusa

  8. kamana alexis

    Kuya 25-03-2017 saa 16:08'

    jyenda dukuze uri umunyamakuru w’umwuga pe! ! bose bakora nkawe byaba aribyiza pe! iyi nkuru ikoranywe ubushishozi 100%.naho rero degaule we aho agiriyeho ntacyo navuga kuko ibyo akora biterwa na mission yahawe ajya kujyaho kuko wasanga baramushyizeho ngo azambye ruhago nyarwanda ntawamenya kuko ntiwambwira ukuntu umuntu akora amakosa hafi 98% ntihagire igikorwa harya ngo nuko inteko rusange ntabubasha imufiteho kuko yateretsweho? gusa nubwo yakoze ibibi byinshi cyane reka twenokwirengagiza ibyiza yakoze.1)YIGEZE GUSABA PRIME KANDI ATARUMUKINNYI. 2) YATUMYE DUTERWA MPAGA KUMUKINO WA CONGO BRAZZA. 3) YIRUKANYE BURUNDU EMERY MVUYEKURE MU IKIPE Y’IGIHUGU CYE NKAHO AFITE UBURENGANZIRA BWO KWIRUKANA UMUNYARWANDA MUGIHUGU CYE AMUBUZA GUKINIRA URWAMUBYAYE.4) KWIRUKANA ABASHOBOYE AKAZANA ABAJARAJARA BATAZIBYO BAKORA BABA ABAKOZI BA FERWAFA CGWA ABATOZA. (urugero nk’umunyabanga we ).5.KWIRUKANA RICHARD TARDY NA ALOYS KANAMUGIRE MU MUPIRA W’URWANDA KANDI BARATUJYANYE MU GIKOMBE CY’ISI MURWEGO RWO GUTESHA IBYAGEZWEHO NABAMUBANJIRIJE .6.KUDASHYIRA IKIPE YIGIHUGU YABATARENGEJE IMYAKA 17 MUGIHE DUFITE IKIPE Y’ISONGA NDETSE N’ACADÉMIE YA APR FC (nyamara mubana niho tugira amahirwe byibura).7.GUKORA IBARA AGAHAKANA IZUBA RIVA KO URWANDA RUTIGEZE RUJYA MUGIKOMBE CY’AFRICA KO HAGIYEYO ABANYAMAHANGA,MUZI NINGUFU IGIHUGU CYAKORESHEJE NGO DUKORE AMATEKA ATEMERWA NA DEGAULE. (gupfobya ibi ndamwumva kuko yagirango ateshe agaciro ibyo abamubanjirije mu rwego rwo kugaragaza ko uretse nawe nabamubanjirije ntacyo bakoze bityo akunde yongere atuyobore nako atuyobye cgwa aturohe)

  9. ERICE

    Kuya 25-03-2017 saa 14:39'

    Iyonyatsi kuyitora ntabwo waba ushaka iterambere ryaruhagoyacu yaba ari itera nyuma nonese umuntu utazi ikinyarwanda arutwa nabo yita abanyamahanga kuko baritanze nubwo ibyo bubatse ashaka kubisenya naveho turamurambiwe najye kuroba amafi kuko nibyo ashoboye

  10. moses

    Kuya 25-03-2017 saa 13:56'

    abatora nzamwita no abatifuza iterambere rya ruhago yacu!mbese batinya iki nakera tukijya inyuma y’abo twahisemo mu matora ntacyo twabaga


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru