RUHAGOYACU.com

CHAN 2016: Abakinnyi ba Congo batuye igikombe Luvumbu wabafashije gusezerera Amavubi

Abakinnyi b’ikipe y’igihugu ya Congo Kinshasa batuye mugenzi wabo, Hertier Luvumbu “Nzinga”, igikombe cya CHAN begukanye batsinze Mali. Hertier Luvumbu yavunikiye mu mukino wa ¼ wabahuje n’Amavubi y’u Rwanda, bituma atabasha gukomeza gukina muri iri rushanwa.

Nzinga Hertier Luvumbu wavutse tariki ya 23 Nyakanga 1992, asanzwe akinira ikipe ya Vita Club, ndetse ni umwe mu bakinnyi Congo Kinshasa yari ishingiyeho dore ko ariwe wari ku isonga mu isezererwa ry’Amavubi muri CHAN nubwo yaje kuvunikira muri uyu mukino.

Nzinga Hertier Luvumbu (8) na Doxa Gikanji (7) ni bamwe mu bakinnyi bagoye Amavubi muri 1/4Nzinga Hertier Luvumbu (8) na Doxa Gikanji (7) ni bamwe mu bakinnyi bagoye Amavubi muri 1/4

Ubwo Congo Kinshasa yari imaze gutsinda Mali ibitego 3-0 ku mukino wa nyuma, abakinnyi bayo bambaye imipira y’umweru, mu gituza, iriho amagambo agira ati: ” Pour Hertier Luvumbu No8 a nous la Victoire”.

Ku mipira y'abakinnyi ba Congo Kinshasa, harimo amagambo agaragaza ko bifatanyije na Herier LuvumbuKu mipira y’abakinnyi ba Congo Kinshasa, harimo amagambo agaragaza ko bifatanyije na Herier Luvumbu
Jonathan Bolingi watsinze igitego cya gatatu cya Congo KinshasaJonathan Bolingi watsinze igitego cya gatatu cya Congo Kinshasa

Uyu mukinnyi kandi, akaba ariwe wambaye umudali w’abatwaye CHAN ya 2016 mbere y’abandi bose, aho yagenderaga ku mbago.

Nzinga Hertier Luvumbu ni we wabanje imbere bajya kwambikwa imidali, ndetse yambaye ibinyuranye n'iby'abandiNzinga Hertier Luvumbu ni we wabanje imbere bajya kwambikwa imidali, ndetse yambaye ibinyuranye n’iby’abandi
Perezida Kagame yambika Hertier Luvumbu umudaliPerezida Kagame yambika Hertier Luvumbu umudali

Ni ku nshuro ya kabiri Congo Kinshasa yegukana CHAN. Iya mbere niyo mu 2009 batwariye muri Cote d’Ivoire batsinze Ghana 2-0.

Mu 2011 na 2014, baviriyemo muri ¼, batsinzwe na Tunisia na Ghana igitego 1-0 ku nshuro zombi.


Map : Ahabanza  \  CHAN 2016

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru