RUHAGOYACU.com

Umutoza wa Congo Kinshasa yashimagije Abanyarwanda

Umutoza w’ikipe y’igihugu ya Congo Kinshasa, Florent Ibenge yashimiye abanyarwanda uburyo bitwaye muri CHAN, byumwihariko ku mubano wabo n’abakinnyi ba Congo Kinshasa nyuma yaho iki gihugu gisezereye u Rwanda muri ¼ .

Ibi, Florent Ibenge yabitangaje mu kiganiro n’abanyamakuru nyuma y’umukino wa nyuma wa CHAN.

“Twari dufite ubwugarizi bukomeye, ariko hagati niho ikipe yanjye yari yubakiye. Iyo utsinz, biragushimisha kandi ukanezezwa n’ikipe yawe. Kubona indi nyenyeri ku mwambaro wawe n’ishema ku ikipe iyo ariyo yose. Ku bakinnyi nk’aba, gutwara igikombe n’uburyo bwiza kuri kariyeri yabo. Icyaruse ibindi muri iri rushanwa, ni ubworoherane. Nubwo twatsinze ikipe yakiriye irushanwa muri ¼, nari nziko bashobora kutugirira nabi, ariko siko byagenze. Abanyarwanda bakomeje kutuba inyuma kuva kuri sitade kugera kuri hoteli. Ni ibintu utasanga i Kinshasa. Aba bantu baratangaje!”

“Congo Kinshasa iragenda izamuka kandi natwe turakora ngo ibe ikipe nziza. Twitwaye neza mu irushanwa kandi tuzakomerezaho.”

“Intego yacu ikurikiye ni igikombe cya Afurika cya 2017 kizabera muri Gabon. Kubwanjye nanone, mfite intego yo kujya mu gikombe cy’isi Congo Kinshasa yananiwe kugeramo kuva mu 1974.”

Umutoza wa Mali, Djibril Drame, we yavuze ko Congo Kinshasa yabatsinze ibarusha, ndetse ngo yari itandukanye n’andi makipe yose bahuye mbere.

Djibril Drame, umutoza wa MaliDjibril Drame, umutoza wa Mali

Djibril Drame yakomeje agira ati:”Ibitego bitatu byose twatsinzwe, byavuye ku makosa y’abakinnyi buri umwe ku giti cye, ntabwo natunguwe n’uburyo bitwaye muri rusange bitewe n’igihe cy’ibyumweru bibiri twateguyemo irushanwa. Abakinnyi banjye bari batangaje. Ubushize mu 2014 muri Afurika y’Epfo twaviriyemo muri ¼ , ubu dutsindiwe ku mukino wa nyuma. Kuki mu 2018 tutatwara igikombe? Tuzakomeza gukora cyane. Ndashimira abakinnyi banjye kandi ndakeka bamwe muri bo bazabona umwanya mu ikipe nkuru."

Map : Ahabanza  \  CHAN 2016

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru