RUHAGOYACU.com

TdF: Chris Froome yongereye amahirwe yo kwegukana isiganwa, hunamirwa abaguye mu bitero i Nice

Umwongereza Chris Froome akomeje kuyobora abandi mu isiganwa rya Tour de France, aho kuri uyu wa Gatanu, yabaye uwa kabiri mu gusiganwa kw’abakinnyi ku giti cyabo, inyuma ya Tom Dumoulin wabaye uwa mbere kuri etape ya 13 yabaye.

Umuholandi Tom Dumoulin (Giant-Alpecin) akaba ari we wakoresheje ibihe byiza, bava Bourg-Saint-Andeol kugera La Caverne du Pont-d’Arc, aho ku bilometero 37.5 basiganwe, yakoresheje iminota 50 n’amasegonda 15, aho yasize Chris Froome (Team Sky) wabaye uwa kabiri arengejeho umunota umwe n’amasegonda 3 mu gihe Nelson Oliveira (Movistar) yaje inyuma ho umunota 1 n’amaseonda 31.

Tom Dumoulin yegukanye etape ya 2 muri Tour de France 2016Tom Dumoulin yegukanye etape ya 2 muri Tour de France 2016

Chris Froome akaba ari we waje hafi mu bakinnyi bakomeye muri iri siganwa ndetse bahabwa amahirwe yo kuryegukana, dore ko yaje imbere ho ya Adam Yates (Orica-BikeExchange) umunota 1 n’amasegonda 58, Nairo Quintana (Movistar) iminota 2 n’amasegonda 5 na Bauke Mollema (Trek-Segafredo) ho amasegonda 51.

Uyu mugabo w’imyaka 31, akaba yahise yongera ikinyuranyo hagati ye n’umukirikiye ku mwanya wa kabiri, dore ko yasigaga Adam Yates amasegonda 47, none akaba yasize Mollema wafashe umwanya wa kabiri, avuye ku mwanya wa Kane, umunota umwe n’amasegonda 47.

Adam Yates yatakaje umwanya wa 2, kubera kugorwa na etape ya 13Adam Yates yatakaje umwanya wa 2, kubera kugorwa na etape ya 13

Yates (Orica-BikeExchange) akaba yaje gutakaza umwanya wa kabiri, aba uwa gatatu, ni nyuma yo kuza inyuma ho iminota 2 n’amasegonda 45 kuri etape y’uyu munsi, mu gihe Nairo Quintana na we wagowe n’umuyaga uyu munsi, yahageze nyuma y’iminota 2 n’amasegonda 59, ndetse kuri ubu ari ku mwanya wa Kane ku rutonde rusange.

Chris Froome akaba ashobora kwegukana iri siganwa ry’uyu mwaka, byaba bibaye irya gatatu mu gihe cy’imyaka ine gusa.

Mbere yuko etape y’uyu munsi iba, abategura irushanwa bakaba bakoze inama yo kuba basubika etape ya 13 kubera ibitero byabereye mu mujyi wa Nice kuri uyu wa Kane, ariko bahitamo ko iba ndetse abakinnyi bunamira abaguye muri ibi bitero byahitanye abarenga 83.

JPEG - 46.6 kb
Abasiganwa bunamiye abaguye mu bitero i Nice, uhereye i bumoso, Adam Yates, Thomas De Gendt, Peter Sagan, Froome na Dumoulin.

Uko abakinnyi 10 ba mbere bitwaye kuri etape ya 13

  1. Tom Dumoulin (Ned) Giant-Alpecin, 50:15
  2. Chris Froome (GB) Team Sky, +1:03
  3. Nelson Oliveira (Por) Movistar, +1:31
  4. Jerome Coppel (Fra) IAM Cycling, +1:35
  5. Rohan Dennis (Aus) BMC Racing, +1:41
  6. Bauke Mollema (Ned) Trek-Segafredo, +1:54
  7. Geraint Thomas (GB) Team Sky, +2:00
  8. Ion Izagirre (Esp) Movistar, +2:02
  9. Tony Martin (Ger) Etixx - Quick-Step, +2:05
  10. Steve Cummings (GB) Dimension Data, +2:24

Abandi

15. Alejandro Valverde (Esp) Movistar, +2:48

18. Adam Yates (GB) Orica-BikeExchange, +3:01

20. Nairo Quintana (Col) Movistar, +3:08

21. Richie Porte (Aus) BMC Racing, ‘’

Urutonde rusange

  1. Chris Froome (GB) Team Sky, 58:02:51
  2. Bauke Mollema (Ned) Trek-Segafredo, +1:47
  3. Adam Yates (GB) Orica-BikeExchange, +2:45
  4. Nairo Quintana (Col) Movistar, +2:59
  5. Alejandro Valverde (Esp) Movistar, +3:17
  6. Tejay van Garderen (USA) BMC Racing, +3:19
  7. Romain Bardet (Fra) Ag2r-La Mondiale, +4:04
  8. Richie Porte (Aus) BMC Racing, +4:27
  9. Dan Martin (Irl) Etixx - Quick-Step, +5:03
  10. Fabio Aru (Ita) Astana, +5:16

Kuri uyu wa Gatandatu, abasiganwa barava Montelimar berekeza Villars-les-Dombes, ahareshya na kilometero 208.5, kuri etape ya 14 ya Tour de France.

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru