RUHAGOYACU.com

TdF: Nubwo yakoze impanuka akagenda n’amaguru, Chris Froome akomeje kwanikira abandi

Umwongereza Chris Froome byabaye ngombwa ko agenda n’amaguru, agata igare rye mu isiganwa rya Tour de France ryabaye kuri uyu wa Kane, ubwo basiganwaga kuri etape ya 12 yegukanywe n’umubiligi Thomas de Gendt ukinira (Lotto-Soudal).

Ubwo bari bageze Mont Ventoux, Richie Porte yagonze moto yari ishaka guhagarara kubera gusagarira n’abafana, maze bituma na we agusha bagenzi be barimo Chris Froome na Bauke Mollema.

Moto yitambitse Porte, agusha abandiMoto yitambitse Porte, agusha abandi
Froome yasanze igare rye atarikomezanyaFroome yasanze igare rye atarikomezanya
Yaritaye, agenza amaguru kugeza igihe yaboneye irindiYaritaye, agenza amaguru kugeza igihe yaboneye irindi


Nyuma yo kugwa ubwo yari ategereje ko bamuhindurira igare, Chris Froome ukinira Team Sky, yagenze n’amaguru, ndetse imodoka y’ikipe ye yamugezeho nyuma yo kugenda nka metero 200.

Froome yageze ku murongo nyuma y’umunota umwe n’amasegonda 40 Mollena ahageze ndetse hari nyuma y’amasegonda 44, Porte ahageze, ariko birangira bose bahawe ibihe bimwe.

Itegeko ry’isiganwa rivuga ko, iyo umukinnyi akoze impanuka bitamuturutseho kandi ari mu bilometero bitatu bya nyuma by’isiganwa, ahabwa ibihe bimwe n’iby’abo bari kumwe.

Nyuma y'akanama kabaye agahabwa ibihe nk'iby'abandi, Froome yagumanye umwambaro w'umuhondoNyuma y’akanama kabaye agahabwa ibihe nk’iby’abandi, Froome yagumanye umwambaro w’umuhondo

Ibi, byatumye Chris Froome asiga Adam Yates amasegonda 47 ku rutonde rusange, mu gihe yamusigaga amasegonda 28 gusa, mbere y’isiganwa ry’uyu munsi.

UCI ivuga ko umukinnyi ashobora kugera ku murongo agenza amaguru, ariko ibi bihabwa agaciro igihe afite igare gusa.

Abakinnyi 10 ba mbere kuri etape ya 12

  1. Thomas De Gendt (Bel/Lotto) 4hrs 31mins 51secs
  2. Serge Pauwels (Bel/Dimension Data) +2secs
  3. Daniel Navarro (Spa/Cofidis) 14secs
  4. Stef Clement (Ned/IAM Cycling) +40secs
  5. Sylvain Chavanel (Fra/Direct Energie) same time
  6. Bert-Jan Lindeman (Ned/LottoNL) +2mins 52secs
  7. Daniel Teklehaimanot (Eri/Dimension Data) +3mins 13secs
  8. Sep Vanmarcke (Bel/LottoNL) +3mins 26secs
  9. Chris Sorensen (Den/Fortuneo) +4mins 23secs
  10. Bauke Mollema (Ned/Trek) +5mins 5secs

Urutonde rusange nyuma ya Etape ya 12

  1. Chris Froome (GB/Team Sky) 57hrs 11mins 33secs
  2. Adam Yates (GB/Orica) +47secs
  3. Nairo Quintana (Col/Movistar) +54secs
  4. Bauke Mollema (Ned/Trek) +56secs
  5. Romain Bardet (Fra/AG2R) +1mins 15secs
  6. Alejandro Valverde (Spa/Movistar) +1mins 32secs
  7. Tejay van Garderen (USA/BMC Racing) same time
  8. Fabio Aru (Ita/ Astana) +1min 54secs
  9. Daniel Martin (Ire/Etixx-Quick-Step) +1min 56secs
  10. Joaquim Rodriguez (Spa/ Katusha) +2mins 11secs

Ibitekerezo byatanzwe kuri iy'inkuru

  1. moya

    Kuya 14-07-2016 saa 16:42'

    uyu nintwari niba mwakurikiranye najye nabikunze yirukanka namaguru mutu bwire kuntu bigenda ngo naba cyiryi bacu bajye babo neka muriri rushanwa plzzz rya bafasha kujyira icyo bimarira kuko rira henze murakoze


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru