RUHAGOYACU.com

Dream Taekwondo yahize guhigika amahanga mu irushanwa yatumiwemo muri Kenya

N’ubwo ari ryo rushanwa rya mbere mpuzamahanga igiye gukina nk’ikipe, Dream Taekwondo Club ikinira mu Gatenga yatumiwe mu irushanwa muri Kenya, ariko ngo intego ni uguhigika amahanga u Rwanda rugakomeza kwesa imihigo no mu mukino wa Taekwondo.

Ku matariki ya 22 na 23 Nyakanga ni mu mpera z’iki cyumweru, muri Kenya hazaba habera irushanwa muri Yaekwondo ryiswe ‘Professors Cup International Open Championship’ ryateguwe n’ishyirahamwe ry’iyo mikino muri icyo gihugu ku bufatanye na Kaminuza ya Kibabii.

Dream Taekwondo Club ni yo yegukanye igikombe cya Rwanda Ambassador's Cup 2016Dream Taekwondo Club ni yo yegukanye igikombe cya Rwanda Ambassador’s Cup 2016

Iryo rushanwa mpuzamahanga ryatumiwemo ikipe yo mu Rwanda yitwa Dream Taekwondo Club, yanahagurutse i Kigali kuri uyu wa 19 Nyakanga, igizwe n’abakinnyi 13, Umutoza w’ikipe y’igihugu, Irenee Bagire ndetse na Ntawangundi Eugene usanzwe ari umutoza akaba n’umuyobozi w’iyo kipe, bakaba kandi bari kumwe na Bagabo Placide watumiwe nk’umusifuzi.

Mbere yo guhaguruka, Kayitare Benon, Kapiteni wa Dream Taekwondo Club yatangarije RuhagoYacu ko ikibajyanye ari ugutsinda bagatwara imidali ya Zahabu n’ubwo mu bakinnyi ayoboye harimo benshi bitabiriye amarushanwa mpuzamahanga ku nshuro ya mbere.

Ati “Intego ni intsinzi gusa, imidali yose ya zahabu ndetse n’ibikombe bizaba bicaracara muri iryo rushanwa twiteguye kubikukumba byose.”

Icyizere we na bagenzi bagikomora ku myitozo bakoze, kandi ngo si n’ubwa mbere bazaba batsinze muri ubwo buryo, kuko no muri Gicurasi barabikoze begukana imidali ya zahabu indwi ku bakinnyi umunani, bibahesha igikombe cya Uganda Ambassador’s Cup.

Ndacyayisenga Aline, Kapiteni w’ikipe y’abakobwa, yatangaje ko na bo bagiye bagiye kuzana intsinzi bagahesha ishema u Rwanda kandi na bo batiretse.

Ati “Ntabwo tugiye gutembera, ikitujyanye ni imidali kandi tugomba kuyizana, kuko iyo twitegura kenshi, twitegura nk’abagomba kuba aba mbere.”

Ndacyayisenga usanzwe ari we nomero ya mbere mu bakobwa muri EAC arashaka kongera kubihamyaNdacyayisenga usanzwe ari we nomero ya mbere mu bakobwa muri EAC arashaka kongera kubihamya

Ntawangundi Eugene, Umutoza wa Dream Taekwondo Club, yatangaje ko ari ishema ku ikipe ye kuba nyuma yo gutsinda mu Rwanda yatangiye no gutumirwa mu marushanwa mpuzamahanga.

Ati “Ni iby’ingenzi, ndetse ni intambwe tumaze gutera kandi igaragaza ibikorwa tumaze gukora, nizera ko bizadufasha kureba urwego turiho, kuko dusanzwe dutsinda imbere mu gihugu ariko twari tutarabasha gusohoka, none ‘Federation’ yaduteye inkunga tubashije gusohoka. Ni cyo gihe cyo kwerekana no hanze ko dufite ubushobozi.”

Yakomeje yizeza ko kuba ari ubwa mbere bitabiriye amarushanwa mpuzamahanga nk’ikipe ya Dream Club nta mpungenge bibateye, ati “Icyizere turagifite, ndetse abo tujyanye ntawe uzaza atazanye umudali, kandi n’igikombe cy’ikipe ya mbere muri iryo rushanwa nizera ko ari twe tuzagitwara.”

harimo abakina mu bana (Ingimbi n'abangavu) ndetse n'abakina mu bakuze ariko na bo bakiri batoharimo abakina mu bana (Ingimbi n’abangavu) ndetse n’abakina mu bakuze ariko na bo bakiri bato

Bagabo Placide, Umunyamabanga mukuru w’ishyirahamwe ry’imikino ya Taekwondo akaba n’umusifuzi mpuzamahnga muri iyo mikino yatangarije RuhagoYacu ko iryo rushanwa ari n’amahirwe yo gutegura abakinnyi bazahagararira u Rwanda mu mikino Olempike y’abana izaba umwaka utaha.

Ati “Hatumiwe ikipe ya Dream Taekondo Club, ariko by’umwihariko iyi kipe iragendamo abana batandatu barimo abakobwa batatu n’abahungu batatu turimo gutegurira imikino Olempike y’abana izabera muri Argentine umwaka utaha. Ku nkunga ya Komite Olempike twahawe ngo tubategure, twashatse izo mpano, banakinnye imikino itandukanye mu Rwanda, igihe cyari kigeze rero ngo batangire no kwitabira amarushanwa mpuzamahanga.”

Yakomeje avuga ko batagiye kureba ahandi uko bimeze ngo batahane uburambe gusa, ahubwo ari n’irushanwa bagiyemo kandi biteguye gutahukana intsinzi.

Icyizere cyo kwegukana imidali bagikomora ku myitozo bakoze, ndetse no kuba bamwe mu bakinnyi bazaba bahanganye ari abo bakinnye mu irushanwa ryo Kwibuka ku nshuro ya 23 Jenoside yakorewe Abatutsi mu Rwanda, ryabereye i Kigali mu kwezi gushize.

Ikipe yerekeje muri Kenya igizwe n'abana batoIkipe yerekeje muri Kenya igizwe n’abana bato

Ndacyayisenga ni we utwara imidali ya zahabu yose ikinirwa mu cyiciro cy'abari munsi y'ibiro 52 mu karereNdacyayisenga ni we utwara imidali ya zahabu yose ikinirwa mu cyiciro cy’abari munsi y’ibiro 52 mu karere

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru