RUHAGOYACU.com

Karate : Club Kensei yabujijwe gukorera imyitozo muri KIE ku mpamvu zidafututse !!

Muri iyi munsi mu mukino wa Karate hamaze iminsi havugwa ikibazo cya Club Kensei yirukanwe muri KIE aho yakoreraga imyitozo bamwe bakaba baremezaga ko bamwe mu bayobozi ba FERWAKA babigizemo uruhare.

Ruhagoyacu yaherageje kubakurikiranira hafi iby’iki kibazo maze ibasha kwegera buri ruhande kugirango ukuri muri iki kibazo kijye ahagaragara.

Uwitwa Nkubito Emile ariwe uhagarariye Club Kensei yadutangarije ko ibimaze iminsi bivugwa aribyo ko bahagaritswe aho bakoreraga imyitozo muri KIE na Dean of Student muri KIE.

Nkuko Emile uhagarariye Club Kensei yabidutangarije mu kiganiro twagiranye nawe kuri telefoni yatangaje ko bijya gutangira babanje kubabwira ko muri Club yabo harimo abantu batari abanyeshuli , ibyo byakurikiyeho kubaka ibyangombwa bibemerera gukora biturutse muri FERWAKA.

Nkuko Emile akomeza abidutangariza bitabaje telefoni icyo gihe maze bahamagara ushinze tekiniki muri FERWAKA atangaza ko mu rwego rw’amategeko iyo club batayizi muri federation , ibi bikaba byari biturutse kuko iyi club nta buzima gatozi yari yakabonye.

Ntibyatinze Emile yazanye ibyangombwa byo muri FERWAKA ariko biba iby’ubusa KIE binyuze kuri Dean of Student ikomeza kubahakanira.

Nyuma yo kubura icyumba bakoreragamo imyitozo byabaye ngombwa ko bitabaza minisiteri ngo ibashe kubaha umwanya kuri Stade , ibi byaje kwanga ubwo muri minisiteri bababwiraga ko batavugana n’ama club.

Hongeye kwitabazwa ubuyobozi bwa FERWAKA aho banabwiwe ko bidashoboka ko ibyo baka bitareba Federation cyangwa Minisiteri.

Byabaye ngombwa ko Emile ajya kureba ushinzwe ikibuga muri minisiteri amusaba kuzana ibaruwa ivuye muri FERWAKA ariko muri FERWAKA bamubwira ko bitashoboka ahubwo ko yakwandika bakamusinyira ko babonye urwo rwandiko.

Nyuma yaho twagerageje kuvugana n’ushinzwe teiniki bwana Guy maze adutangariza ko ibyabaye kuri iyi cluba ari uko yakiniraga muri KIE noneho baza kuyibwira uko amategeko ya KIE agenda ko nta bantu bo hanze bemerewe kwinjira mu kigo uko bishakiye , ibi bikaba byaraje bikurikiwe n’ibyemezo byari byavuye muri feseration byemeza ko iyi club yabonye ibyangombwa ariko KIE ikomeza kwangira iyi club gukora imyitozo.

Guy yakomeje adutangariza ko mbere nta byangombwa bagiraga ariyo mpamvu yari yavuze ko muri federation batabazi , ikindi kubwe yabonaga akaba ari akajagari kazaga mu gihe abakinnyi baza mu myitozo baje muri KIE kuko abenshi bazagamo baturukaga hanze.

Guy yakomeje adutangariza ko kubwe abona ikibazo nyamukuru cyajemo abona cyari amafaranga kuko igihe cyo kwishura cyari kigeze. Akaba yarakomeje adutangariza ko federation itagera mu bibazo by’imbere mu ma club , aha akaba yaranadutangarije ko federation idashakira club aho ikorera imyitozo.

Ruhagoyacu yagerageje kuvugisha Dean of student wa KIE ariko kugeza ubwo twinjiraga mu icapiro numero ye ntiyacagamo.

Abakinnyi ba club Kensei bakaba ubu baratatanyijwe mu yandi ma club abegereye kugirango bakomeze gukurikirana imyitozo yabo dore ko n’umutoza uzajya atoza ikipe y’igihugu ya Karate yamaze kugera inaha mu Rwanda nubwo ataratangira imirimo ye.

Joe

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru