RUHAGOYACU.com

Amafoto-Uko imikino ya Basketball yagenze mu mpera z’icyumweru

Shampiyona y’umukino wa Basketball hano mu Rwanda yari yakomeje kuri uyu wa gatanu tariki 21 Mata, amakipe nka Patriots BBC ikomeza kwiyongerera amahirwe yo gutwara igikombe naho 30 Plus ikomeza kugirwa insina ngufi nyuma yo kunyagirwa na Espoir BBC amanota 129-41.

Nyuma y’igihe kitari gito shampiyona y’umukino wa Basketball hano mu Rwanda idakinwa kubera impamvu zo guha agaciro no kuzirikana inzirakane z’Abatutsi zazize Jenoside, kuri uyu wa gatanu yasubukuwe hakinwa imikino ibiri mu gihe mikino nayo izakomeza weekend yose.

Umukino wabimburiye indi yose watangiye ku isaha ya Saa kumi n’ebyiri (18:00) ubwo ikipe ya 30 Plus yihanangirizwaga na Espoir ikayitsinda amanota 129 yose kuri 41. Gusa nubundi gutsindwa kwa 30 Plus ntibyatunguranye kuko kuva shampiyona yatangira iyi kipe ikomeje kwibasirwa n’andi makipe bihanganye.

Umukino benshi bitaga uwumunsi wahuje Patriots BBC na IPRC Kigali, birangira Patriots yongeye gusekerwa n’intsinzi mbere yo kwinjira muri weekend batsinda amanota 84 kuri 67 ya IPRC Kigali yagaragaje imbaraga nyinshi n’ubwitange ariko ibura amahirwe.

Nyuma y’uyu mukino Buhake Albert, umutoza wa IPRC Kigali yabwiye itangazamakuru ko ababjwe no gutsindwa uyu mukino mu gihe umukino utangira yabonaga afite amahirwe menshi yo kuwutsinda.

"Ni umukino navuga ko umbabaje mubyukuri kuko ugitangira Patriots yakoze amakosa menshi iyo ni intwaro yambere yanyerekaga ko uyu mukino nshobira kuwutsinda ikindi cyangoye ni ukugabanya ikinyuranyo, hari ikinyuranyo bigeze gushyiramo cy’amanota icumi rero kuyavanamo byagiye bingora kandi no kugira ngo abana bajye mu mukino byananiranye"-Buhake Albert, umutoza w’ikipe ya IPRC Kigali BBC.

Ku rundi ruhande umutoza wa Patriots BBC, Henry Muinuka yatangaje ko yishimiye intsinzi ariko anatangazwa n’uburyo yabonyemo ikipe ya IPRC Kigali

"Uyu munsi ndishimye kuko murabizi ko turimo gukina imikino yo kwishyura kandi byari bikomeye gusa uyu munsi gusa nanatunguwe cyane n’imikinire ya IPRC Kigali kuko murabizi ko tumaze ibyumweru hafi bibiri mu kiruhuko

"Uyu munsi ndishimye kuko murabizi ko turimo gukina imikino yo kwishyura kandi byari bikomeye gusa uyu munsi gusa nanatunguwe cyane n’imikinire ya IPRC Kigali kuko murabizi ko tumaze ibyumweru hafi bibiri mu ni ikipe nziza pe"-Henry Muinuka, umutoza w’ikipe ya Patriots BBC.

Nyuma y’iyi mikino yabaye kuri uyu wa gatanu kuwa Gatandatu no kucyumweru nabwo abakunzi b’umukino b’umukino wa Basketball nabwo ntarungu bazagira kuko hari Indi mikino myinshi itegenyijwe haba mu bagore no mu bagabo.

Amafoto y’uyu wa gatanu:











Uko indi mikino yagenze muri weekend

kuwa gatandatu 22.04.2017  

  • 16:00 APR BBC 62-71 IPRC-South BBC @AMAHORO (Abagabo)
  • 14:00 UBUMWE BBC 71-65 IPRC-South BBC @AMAHORO (Abagore)

Kucyumweru 23.04.2017
 

  • 09.00 RUSIZI BBC 66-130 REG BBC @RUSIZI (Abagabo)
  • 13.00 UGB 84-60 CSK BBC @AMAHORO(Abagabo)
  • 11.00 THE HOOPS RW G.T 64-53 UR-HUYE BBC @AMAHORO (Abagore)
Map : Ahabanza  \  Indi mikino

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru