RUHAGOYACU.com

Amashuri Kagame Cup: APE Rugunga na LDK zahigitse abandi muri Basketball

APE Rugunga ni yo yegukanye igikombe mu bahungu n’aho Lycee de Kigali (LDK) icyegukana mu bakobwa mu irushanwa rya Basketball rihuza ibigo by’amashuri yisumbuye ryiswe ‘Amashuri Kagame Cup’.

Imiyoborere myiza ntigaragarira mu zindi nzego z’ubuzima bw’igihugu gusa, ahubwo no mu mashuri ni nta makemwa, ndetse ibikorwa mu burezi bw’u Rwanda birivugira, aho ubu abana b’abahungu n’abakobwa bahawe amahirwe angana, buri mwana wese agomba kugana ishuri, aho bukera ntibaba bagihumeka ingwa kuko batangiye kwigira kuri mudasobwa.

Ubu umunyeshuri ariga akanakina kandi intego ikaba gutsinda hoseUbu umunyeshuri ariga akanakina kandi intego ikaba gutsinda hose

Kera wahatirwaga kwiga ibyo ababyeyi bakunda rimwe na rimwe bikanagupfira ubusa, ariko ubu amahitamo ni ay’umunyeshuri bitewe n’ibyo ashoboye, ndetse akabyigishwa nk’ugomba kubikora kinyamwuga, gusa ibi mvuze ni nk’agatonyanga mu Nyanja ugereranyije gahunda z’iterambere n’ibindi bikorwa by’indashyikirwa mu burezi kandi byose bishingiye ku miyoborere myiza.

Byose nta wundi u Rwanda rubikesha utari Perezida Kagame uri ku isonga mu kwimakaza ihame ry’imiyoborere myiza, ari na yo mpamvu mu kurishyigikira no kurishimangira, abashinzwe imikino mu mashuri bahise bamwitirira irushanwa ryari risanzwe ryitwa ‘Championat Inter-Scolaire’, baryita ‘Amashuri Kagame Cup’.

Mu gihe hasozwa irushanwa ‘Umurenge Kagame Cup’ kuri Stade ya Kigali, mu rwunge rw’Amashuri rwitiriwe Mutagatifu Yozefu i Muhanga na ho harimo hasozwa ‘Amashuri Kagame Cup’ muri Basketball, dore ko indi mikino yo yasojwe kuwa 4 Kamena 2017, ikaba yarabereye mu Karere ka Huye.

Basketball mu mashuri harimo impano zishobora gutunga shampiyona y'icyiciro cya mbere mu RwandaBasketball mu mashuri harimo impano zishobora gutunga shampiyona y’icyiciro cya mbere mu Rwanda

Mu bahungu, APE Rugunga y’i Kigali yegukanye igikombe iba ibonye n’itike yo kongera guhagararira u Rwanda mu mikino ihuza ibigo by’amashuri yisumbuye muri Afurika y’Iburasirazuba (FEASSA), dore ko ari na yo yegukanye igikombe cy’iryo rushanwa umwaka ushize.

Mu bakobwa ho, LDK ibifashijwemo na kapiteni wayo Butera Hope na bagenzi be bakinana mu ikipe y’igihugu y’abatarengeje imyaka 16, yegukanye igikombe itsinze Koleji ya Gisenyi, mu gihe Agahozo Shalom yo yegukanye umwanya wa gatatu.

Uburambe bamwe mu bakinnyi ba APE Rugunga bakura mu makipe bakinamo nka Espoir BBC na APR BBC bubafasha gutsinda bitabagoye cyaneUburambe bamwe mu bakinnyi ba APE Rugunga bakura mu makipe bakinamo nka Espoir BBC na APR BBC bubafasha gutsinda bitabagoye cyane

Ishuroi rya Agahozo ryegukanye umwanya wa gatatu nyuma yo gusezererwa muri ½ cy'irangiuzaIshuroi rya Agahozo ryegukanye umwanya wa gatatu nyuma yo gusezererwa muri ½ cy’irangiuza

Koleji ya Gisenyi (Inyemeramihigo) yegukanye umwanya wa kabiriKoleji ya Gisenyi (Inyemeramihigo) yegukanye umwanya wa kabiri

LDK yegukanye igikombe cya kabiri muri uyu mwaka nyuma y'icya 'Sebamed Basketball Festival' baherukaga kwegukanaLDK yegukanye igikombe cya kabiri muri uyu mwaka nyuma y’icya ’Sebamed Basketball Festival’ baherukaga kwegukana

APE Rugunga na yo ni igikombe cya kabiri muri uyu mwaka nyuma y'icya Sebamed Basketball Festival' yatsindiyeho Green Hills Academy muri Gicurasi uyu mwakaAPE Rugunga na yo ni igikombe cya kabiri muri uyu mwaka nyuma y’icya Sebamed Basketball Festival’ yatsindiyeho Green Hills Academy muri Gicurasi uyu mwaka

APE Rugunga ifite abakinnyi bakina muri Espoir BBC, muri APR BBC ndetse na CSK bikayifasha gutsinda kubera uburambeAPE Rugunga ifite abakinnyi bakina muri Espoir BBC, muri APR BBC ndetse na CSK bikayifasha gutsinda kubera uburambe

Map : Ahabanza  \  Indi mikino

Izindi nkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye nâ€â„¢inkuru cyangwa gitandukiriye amahame agenga abasiporitifu kirasibwa.
    Murakoze!