RUHAGOYACU.com

APR yatsinzwe irushwa mu mukino wa 2 wa Champions League

Ku munsi wa kabiri w’imikino y’amatsinda, ikipe ya APR Handball Club ihagarariye u Rwanda mu mikino ya CAHB Champions League ihuza amakipe yabaye aya mbere iwayo hano ku mugabane wa Afurika, yatsinzwe na AS Caiman yo muri Congo Brazzaville ibitego 42 kuri 19.

Iyi kipe ihagarariye u Rwanda ku mukino wa mbere yari yatsinzwe na Esperance Sportive de Tunis yo muri Tunisia ibitego 58 kuri 20.

ES Tunis ikomeje kwitwara neza mu itsinda rya mbereES Tunis ikomeje kwitwara neza mu itsinda rya mbere

APR HC ihagariye u Rwanda muri iri rushanwa ku nshuro ya mbere yakinnye umukino wayo wa kabiri mu itsinda rya mbere ihura na AS Caiman imenyereye kuryitabira, dore ko yabaye iya gatandatu umwaka ushize, maze itsindwa ibitego 42 kuri 19, aho igice cya mbere cy’umukino cyarangiye APR ifite ibitego 12 kuri 18 by’iyi kipe yo muri Congo.

APR irasubira mu kibuga kuri iki Cyumweru ikina na JSK yo muri Congo Kinshasa mu mukino utangira saa Kumi (16:00) za Kigali.

APR HC imaze gutakaza imikino ibiri ibanzaAPR HC imaze gutakaza imikino ibiri ibanza

Iri rushanwa riri kuba ku nshuro yaryo ya 39, ryakiriwe na Hammamet ku nshuro ya kane, ahari gukinira amakipe 15 avuye mu bihugu bitandukanye birimo: Tunisia, Misiri, Cameroon, Congo, Rwanda, DR Congo, Morocco, Burkina Faso, Gabon, Liberia na Cote d’Ivoire.

Indi mikino yabaye kuri uyu wa Gatandatu, JSK yo muri Cote d’Ivoire yatsinzwe na Esperance Sportive de Tunis ibitego 32 kuri 25, Zamalek itsinda Al Ittihad yo muri Liberia 39 kuri 19, Al Ahly yo mu Misiri itsinda HC Oka yo muri Cote d’Ivoire 33 kuri 12 mu gihe Phoenix yo muri Gabon yatsinzwe na Widad Smara yo muri Maroc 25 kuri 24.

Map : Ahabanza  \  Indi mikino

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru