RUHAGOYACU.com

Basketball: Kuri uyu wa gatanu Patiots vs REG umuriro uzaka

Kuri uyu wa gatanu tariki 28 Mata shampiyona y’umukino w’intoki Basketball izwi nka Ferwaba National league iraba ikomeza amakipe akomeye yongera guhura, Patriots BBC ikomeje kuyobora urutonde rwa shampiyona mu bagabo irongera kwesurana na REG BBC nayo y’abasore b’intarumikwa naho Espoir BBC kuri uwo munsi icakirane na APR BBC mu mukino uzabimburira iyindi.

Muri shampiyona ya Basktabal imenyerewe gufasha benshi kwinjira muri weekend banezerewe kuri uyu wa gatanu riraba ari ishyiraniro mu makipe akomeye muri iyi shampiyona aho Epoir BBC na APR BBC zombie zikomeje guhatanira kuza mu myanya itatu ya mbere muri shampiyona, uyu mukino ukaba uzaba ku isaha ya saa kumi n’ebyiri (18:00) z’umugoroba.

Umukino utegerejwe na benshi kuri uyu wagatanu uzahuza Patriots BBC na REG BBC, amakipe akunze kugaragaza uguhangana cyane ko usanga imbaga y’abafana iba yaje kwihera amaso uyu mukino. Uyu mukino uteganyijwe gutangira ku isaha ya saa mbiri (20:00) z’umugoroba.

Nubwo iyi mikino ikomeye cyane kandi ikaba yitezwemo guhangana ntacyahindutse ku biciro by’amatike azafasha abantu kureba ino mikino aho kwinjira ari igihumbi(1000) ahasnzwe n’ibihumbi bitatu (3000) mu myanya y’icyubahiro.

Indi mikino ya Basketball izakomeza kuwa gatandatu no ku cyumweru aho kuwa gatandatu IPR- South izahura na REG naho The HOOPS mu bagore izahura na APR BBC.

Uko imikino iteganyijwe

Kuwa gatanu tariki 28/04/2017

  • 18:00 ESPOIR BBC vs APR BBC @AMAHORO
  • 20:30 PATRIOTS BBC vs REG BBC @AMAHORO

Kuwa gatandatu tariki 29/04/2017

  • 13:00 THE HOOPS Rwa vs APR BBC (W) @AMAHORO(abagore)
  • 15:00 IPRC – Kigali BBC vs CSK BBC @AMAHORO

Ku cyumweru tariki 30/04/2017

  • 09:00 UGB vs RUSIZI BBC @AMAHORO
  • 12:00 IPRC – South BBC vs REG BBC /IPRC – South
Map : Ahabanza  \  Indi mikino

Ibitekerezo byatanzwe kuri iy'inkuru

  1. Musesenguzi

    Kuya 26-04-2017 saa 18:51'

    Muduhe amakuru y’imikino y’igikimbe cy’amahoro.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru