RUHAGOYACU.com

Batatu bazahagararira u Rwanda muri WTF World Championships batangiye imyitozo

Abakinnyi batatu muri bane bazahagararira u Rwanda mu irushanwa ry’Isi mu mukino wa Taekwondo (WTF World Championships) batangiye imyitozo, mu gihe undi akirimo gukurikiranwa n’abaganga kubera imvune, bityo icyizere cyo kwitabira iyo mikino kikaba ari gike.

Abo bakinnyi batatu batangiye imyitozo ni Regis Iyumva uzahagararira u Rwanda mu bagabo bapima ibiro biri munsi ya 58, Aline Ndacyayisenga uzakina mu bari n’abategarugori bapima ibiro biri munsi ya 53 na Jean Claude Niringiyimana uzakina mu bafite ubumuga bapima ibiro biri munsi ya 61.

Abo bakinnyi uko ari batatu batangiye imyitozo muri Stade National Amahoro kuri uyu wa mbere tariki ya 15 Gicurasi, bakaba barimo gutozwa na Irene Bagire ufashwa na Martin Koonce.

Iyumva Regis ni umwe muri abo bakinnyi batatu bagiye guhagararira u Rwanda, nyuma y’aho yitwaye neza mu isuzuma ryabaye mu mpera z’icyumweru gishize, ryamuhesheje umukandara w’umukara wa gatatu (3rd Dan) muri uwo mukino.

Niringiyimana mu myitozo hamwe n'Umutoza w'ikipe y'igihugu, Irene BagireNiringiyimana mu myitozo hamwe n’Umutoza w’ikipe y’igihugu, Irene Bagire

Niringiyimana we agiye kwitabira irushanwa rya Asia mu bafite ubumuga (Asian Para-Taekwondo Open), nyuma yo gutorwa nk’uwahize abandi bakinnyi ku Isi hose bafite ubumuga, aho yatowe nk’umukinnyi w’ukwezi kwa Mata.

Iyo mikino y’Isi (WTF World Championships) barimo kwitegura, izabera ahitwa Muju muri Korea y’Epfo guhera tariki ya 24 kugeza ku ya 30 Kamena, mu gihe iy’abafite ubumuga (Para-Taekwondo Championships) izabera ahitwa Chuncheon muri icyo gihugu guhera tariki ya 1 Nyakanga.

Amahirwe ni make kuri Marie Vianney Bizumuremyi wagombaga kuzaba ari kumwe na Niringiyimana mu irushanwa nyaziya ry’abafite ubumuga, ariko imvune afite ikaba itamwemerera kuba yatangira imyitozo, biryo u Rwanda rukaba rushobora kuzahagurukana abakinnyi batatu gusa nk’uko Umutoza Irene Bagire yabitangarije RuhagoYacu.

Mu irushanwa nyafurika ry’abafite ubumuga (African Para-Taekwondo Open), Niringiyimana na Bizumuremyi bari bashoboye kwegukana imidali ya silver, aho batsindiwe ku mikino ya nyuma mu byiciro bakinnyemo.

Umukino wa Taekwondo mu Rwanda uri mu mikino mishya imaze gutera imbereUmukino wa Taekwondo mu Rwanda uri mu mikino mishya imaze gutera imbere

Niringiyimana mu marushanwa nyafurika yabereye i Kigali muri Mata yegukanye umwanya wa kabiriNiringiyimana mu marushanwa nyafurika yabereye i Kigali muri Mata yegukanye umwanya wa kabiri

Nyuma yo gutsindirwa ku mukino wa nyuma yarababaye cyaneNyuma yo gutsindirwa ku mukino wa nyuma yarababaye cyane

Ku mukino wa nyuma mu batarengeje ibiro 61, Niringiyimana yatsinzwe n'umunya Espagne wabigize umwugaKu mukino wa nyuma mu batarengeje ibiro 61, Niringiyimana yatsinzwe n’umunya Espagne wabigize umwuga

Map : Ahabanza  \  Indi mikino

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru