RUHAGOYACU.com

Cricket: u Rwanda rwahize kwegukana GMT ruhora rutegura abanyamahanga bakitwarira

Harabura ukwezi kumwe gusa hakaba imikino yo kwibuka ku nshuro ya 23 Jenoside yakorewe Abatutsi (GMT), u Rwanda rukaba rwahize kwegukana iryo rushanwa uyu mwaka mu mukino wa Cricket, dore ko rusanzwe ruritegura ariko abanyamahanga bakaza bakaba ari bo baryegukana.

Ubwo ryategurwaga ku nshuro yaryo ya mbere mu 2014, ryahuje Uganda n’u Rwanda, maze Abagandekazi begukana icyo gikombe. Ku nshuro ya kabiri rikinwa mu 2015, Kenya yegukanye icyo gikombe ihigitse Uganda n’u Rwanda.

Ku nshuro ya gatatu rikinwa mu 2016, Uganda yongeye kuritwara itsinze u Rwanda, ariko ngo ubwo rizaba rikinwa ku nshuro ya kane mu 2017, abanyamahanga bazaryitabira bazaze batiteguye gutwara igikombe kuko Abanyarwandakazi batazemera ko kibaca mu myanya y’intoki nk’uko byabagendekeye ubushize.

Uburyo Abanyarwandakazi bitwaye mu mikino ya gicuti bakinnye n'Abagandekazi byabahaye icyizere cyo kuzegukana GMTUburyo Abanyarwandakazi bitwaye mu mikino ya gicuti bakinnye n’Abagandekazi byabahaye icyizere cyo kuzegukana GMT

Riteganyijwe kwitabirwa n’amakipe abiri ya Uganda, iya Namibia, Kenya n’u Rwanda, ibi bikaba ari na byo bizatuma iri rushanwa rizaba rikomeye kurushaho nk’uko byemezwa na Nzayisenga Jackson, Umuvugizi w’Ishyirahamwe ry’umukino wa Cricket mu Rwanda.

Ati “u Rwanda twafashe igihe gihagije cyo kwitegura, ku buryo hashyizwemo umwete mu kwitoza ugeranyije n’uko byari bimeze umwaka ushize. Mu minsi ishize haje ikipe yo muri Uganda dukina imikino ine, u Rwanda rwatsinzwemo umwe wonyine indi yose rwarayitsinze, ibyo biduha icyizere cy’uko tuzitwara neza muri iyi mikino igiye kuza.”

Mary Maina, kapiteni w’ikipe izaba ihagarariye u Rwanda muri GMT yatangarije RuhagoYacu ko n’ubwo u Rwanda barufata nk’umwana (Baby Team) mu mukino wa Cricket kubera ko uyu mukino utangiye vuba, biteguye neza ku buryo bazahangamura ayo makipe yiyita ibigugu bazaba bahanganye.

Ati “Ubu twatangiye imyitozo hakiri kare nko mu kwa kabiri kandi iyindi myaka wasangaga dutangira habura nk’ukwezi kumwe, ubu abana bakoze imyitozo ihagije kandi bize ibintu byinshi. Duherutse gukina imikino ya gicuti n’abagande, kandi yatweretse ko abana bateye imbere ku yindi ntera.”

GMT muri Cricket uyu mwaka biteganyijwe ko rizatangira kuwa 7 rigasozwa kuwa 12 Kamena, icyakora bikaba bigitegerejwe ko aya matariki ahabwa umugisha na Komite y’imikino Olempike mu Rwanda.

Ikipe y’u Rwanda izaba igizwe n’abakinnyi 14 barangajwe imbere na Kapiteni wabo Mary Maina, uzaba afatanya na Katia Uwamahoro waciye agahigo k’Isi mu gukubita udupira (Batting) igihe kirekire kurusha abandi ndetse na mugenzi we Sarah Uwera, hakiyongeraho na ba kizigenza mu kujugunya udupira (bowling) ari bo Diane Bimenyimana na Ange Muhawenimana.

Uwamahoro Katia, waciye agahigo k'isi mu gukubita udupira (Batting)Uwamahoro Katia, waciye agahigo k’isi mu gukubita udupira (Batting)

Ikipe y'u Rwanda noneho ngo icyizere ni cyoseIkipe y’u Rwanda noneho ngo icyizere ni cyose

Uwamahoro yaciye agahigo yandikwa muri Guiness de Records nyuma yo kumara amasaha 26 akubita udupira twa CricketUwamahoro yaciye agahigo yandikwa muri Guiness de Records nyuma yo kumara amasaha 26 akubita udupira twa Cricket

Map : Ahabanza  \  Indi mikino

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru