RUHAGOYACU.com

GS Warriors yigaranzuye Cavaliers ya LeBron, bayitwara NBA ya 2017

Bisabye imikino 5 yonyine ikipe ya Golden State Warriors yisubiza igikombe cya NBA ya 2017, itsinze umukeba w’ibihe byose Cleveland Cavaliers, yari yabatsindiye ku mukino wa nyuma umwaka ushize.

Uyu mukino wa 5 wabereye kuri Oracle Arena ya Golden State Warriors, wari witabiriwe n’ibyamamare byinshi biturutse hirya no hino ku isi, aho kwinjira ku muntu umwe yari $ 67 000.

Uyu mukino wagoye cyane iyi kipe ya GS Warriors warangiye itsinze amanota 129 ku i 120 y’ikipe ya Cleveland Cavaliers.

Golden State yari yatsinzwe umwaka ushize na CAVS nyamara yari yatangiye neza, ikabasha gutsinda imikino 3-1, ntabwo uyu mwaka yongeye gukora ikosa.

Imikino 3 ibanza yatsinzwe n’ikipe ya Golden State Warriors, ikipe ya CAVS itsinda umukino wa 4.

JPEG - 107.1 kb
GS Warriors yegukanye NBA ya 2017

Steph Curry, Draymond Green, Klay Thompson, umutoza wabo Cteve Kerr, abayobozi ba GS Warriors n’abakunzi babo babajwe bikomeye no gutsindwa ku ikipe yabo, bafata icyemezo cyo gushaka igisubo cy’uko bakwigaranzura CAVS.

Iyi kipe yakoze ibishoboka byose ishaka Kevin Durant bari babizi ko bazabasha kwigobotora ikipe ya Lebron James, Kylie Irving na bagenzi babo, bo muri leta ya Ohio.

Kevin Durant yatsinze amanota 30 muri buri mukino yakinnye uyu mwaka muri final za NBA, aba umukinnyi wa 6 ukoze aya mateka muri NBA. Uyu mukino wa 5, uyu mugabo Durant yatsinze amanota 39, birangira anatowe nk’umukinnyi mwiza wahize abandi uyu mwaka mu mikino ya nyuma ya NBA.

JPEG - 85.8 kb
Kevin Durant yatowe nk’umukinnyi wahize abandi

Aganira n’itangazamakuru nyuma yo kwegukana iki gikombe cye cya mbere, uyu mugabo wari mu marira menshi, yavuze ko yari amaze iminsi 2 atabona ibitotsi kubera uyu mukino wa nyuma.

" Twarakoze cyane dushaka iki gikombe," Kevin Durant." Ni byiza kuba tubashije kugitwara tukanagitwarira mu rugo.

Durant yavuze ko kuva muri 2012 umukinnyi umwe yakomeje kubona ko bahanganye ari LeBron James, akaba yishimiye kuba amutsinze kuri iyi nshuro.

JPEG - 82.4 kb
Stephen Curry n’umukobwa we Ryan

Le Bron yatsinze amanota 41 muri uyu mukino akora rebounds 11 anatanga imipira 8 yavuyemo ibitego, ariko ntabwo yari ihagije kugira ngo ikipe ye yegukane iki gikombe cya 2017.

Uko imikino 5 yagenze:

Umukino wa 1: Golden State Warriors yatsinze Cleveland Cavaliers 113-91

Umukino wa 2: Golden State Warriors yatsinze Cleveland Cavaliers 132-113

Umukino wa 3: Golden State Warriors yatsinze Cleveland Cavaliers 118-113

Umukino wa 4: Cleveland Cavaliers yatsinze Golden State Warriors 137-116

Umukino wa 5: Golden State Warriors yatsinze Cleveland Cavaliers 129-120

Kevin Durant yatsinze amanota 38, 33, 31, 35 mu mikino ibanza, mbere yo gutsinda amanota 39 ku mukino wa 5.

JPEG - 113.6 kb
Andre Iguodala wa GSW
JPEG - 70 kb
West wa GSW na Thompson wa CAVS bari bafatanye mu gace ka 2 k’umukino

Draymond Green wari wasibye umukino wa 5 umwaka ushize, benshi banahereyeho bavuga ko ari ho havuye gutsindwa kwa Golden State, yatangaje ko abavuga ko gutsinda uyu mwaka ari Kevin Durant bibareba, we ntacyo bimubwiye.

Stephen Curry kuri uyu mukino yatsinze amanota 34, atanga imipira 10 yavuyemo ibitego, na rebound 6, mu gihe Andre Iguodala yatsinze amanota 20. Uyu akaba ari we wari watowe nka MVP wa 2015.

Map : Ahabanza  \  Indi mikino

Izindi nkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye nâ€â„¢inkuru cyangwa gitandukiriye amahame agenga abasiporitifu kirasibwa.
    Murakoze!