RUHAGOYACU.com

RCC- Le Amis Sportifs yigaranzuye Benediction Uwizeye Jean Claude yegukana Farmers Circuit

Umunsi wa kabiri wa Rwanda Cycling Cup usize Uwizeye Jean Claude wa Les Amis Sportifs y’i Rwamagana ari we wegukanye agace kavaga i Kigali kerekeza i Nyagatare mu ntara y’Uburasirazuba.

Iyi iri mu nzira ndende zo muri Rwanda Cycling Cup y’uyu mwaka, yatangiye bitinzeho gato kubera imvura yaramukiye mu mujyi wa Kigali aho ku masaha ashyira ku i saa yine za mu gitondo, ni bwo abakinnyi bo mu makipe arindwi batangiraga guhatanira ibihembo by’umunsi.

Ku ikubitiro, abakinnyi b’ikipe y’i Huye Cycling Club for All ni bo bari imbere aho bagendaga basimburanwa na Benediction ihabwa amahirwe yo kwisubiza Rwanda Cycling Cup y’uyu mwaka.

Kugera i Kiramuruzi, Hakuzimana Camera kuri ubu ubarizwa muri CCA na Didier wa Benediction ni bari imbere y’igikundi cyari cyasigaye nko mu minota ibiri.

Camera na Didier bamaze umwanya bayoboye isiganwaCamera na Didier bamaze umwanya bayoboye isiganwa
Aba basore bakoresheje imbaraga nyinshi nubwo baje gusigwa muri SprintAba basore bakoresheje imbaraga nyinshi nubwo baje gusigwa muri Sprint

Aba ariko byaje kurangira bashyikiriwe n’abandi bakinnyi batatu ubwo bari hafi kugera Nyagatare ndetse aba bakaba bari banarimo Uwizeye Jean Claude waje kwegukana isiganwa ry’uyu munsi ryitiriwe abahinzi borozi.

Uyu musore uheruka gukura umwanya wa kabiri muri Eritrea, akaba yakoresheje amasaha atatu iminota 41 n’amasegonda 46. Uyu yakurikiwe na Byukusenge Patrick wa Benediction Club, Hakuzimana Camera wa Huye CCA na Twizerimana Mathieu na we ukinira ikipe y’i Huye. Aba bose bakaba bakoresheje ibihe bimwe.

Mu bagore nkuko bisanzwe Girubuntu Jeanne D’arc yabaye uwa mbere akurikirwa na Ingabire Beatha mu gihe Nirere Xaverine yaje ku mwanya wa gatatu. Aba bose bakaba basanzwe bakinira ikipe ya Les Amis Sportifs.

Isiganwa ryari ryitabiriwe n'amakipe arindwiIsiganwa ryari ryitabiriwe n’amakipe arindwi
Isiganwa ryasojwe muri SprintIsiganwa ryasojwe muri Sprint

Mu cyiciro cy’ingimbi bo bakoze intera ngufi, Mbarushimana Jimmy wa Benediction yaje imbere ya Manizabayo Eric bakina mu ikipe imwe mu gihe Habimana Jean Eric wa Fly yafashe umwanya wa gatatu

Rwanda Cycling Cup izakomeza tariki 20 uku kwezi mu nzira izava mu Ruhango yerekeza i Karongi. Iyi ikaba yaritiriwe irushanwa ryo kwibuka. Race To Remember.

Uko bakurikiranye mu bakuruUko bakurikiranye mu bakuru
Uko bakurikiranye muri JuniorUko bakurikiranye muri Junior
AbagoreAbagore

Amafoto n’amakuru y’isiganwa: Philbert Hagengimana

Map : Ahabanza  \  Indi mikino

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru