RUHAGOYACU.com

Umukino wa Espoir BBC i Rusizi utumye ihanantura Patriots BBC ku ntebe yayo

Intsinzi Espoir BBC yakuye ku ikipe y’Akarere ka Rusizi, yatumye Patriots BBC ihita itakaza umwanya wa kabiri yari imaze igihe iriho ku rutonde rwa shampiyona rukiyobowe na REG BBC.

Kuri iki cyumweru ni bwo hari hakomeje shampiyona y’igihugu y’umukino wa Basketball, aho bakinaga imikino twafata nk’iy’umunsi wa 19 (Circular 19).

Espoir BBC yari iya gatatu ku rutonde rwa shampiyona, yari yagiye i Rusizi kuri iki cyumweru tariki ya 21 Gicurasi, aho yakuye intsinzi ku ikipe y’ako Karere ku manota 108-59.

Iyo ntsinzi yatumye Espoir BBC igira amanota 28 n’ibitego 454 izigamye, bikayicaza ku mwanya wa 3 wa shampiyona, mu gihe Patriots BBC ya gatatu yo banganya amanota ariko ikaba izigamye ibitego 447 n’ubwo igifite umukino umwe itarakina.

Patriots BBC ishobora guhita yisubiza umwanya wayo wa kabiri mu mpera z'iki cyumweruPatriots BBC ishobora guhita yisubiza umwanya wayo wa kabiri mu mpera z’iki cyumweru

N’ubwo Rusizi BBC vs Espoir BBC ari wo mukino rukumbi wabaye ku cyumweru, kuwa gatandatu tariki ya 20 Gicurasi hari habaye undi mukino, aho IPRC-South BBC yatsinze UGB ku manota 96-68.

Kuwa gatanu tariki ya 19 Gicurasi bwo CSK BBC yari yatsinze 30 Plus BBC ku manota 64-56 mu mukino wari watangiye saa kumi n’ebyiri z’umugoroba (6:00pm), maze nyuma yawo IPRC-Kigali BBC itsinda APR BBC ku manota 82-80 mu mukino watangiye saa mbiri z’ijoro (8:00pm).

Kugeza ubu REG BBC iracyayoboye urutonde rwa shampiyona n’amanota 29 mu mikino 15 imaze gukina, igakurikirwa na Espoir BBC ya kabiri n’amanota 28 mu mikino 16, Patriots BBC ikaza ku mwanya wa gatatu n’amanota 28 mu mikino 15 imaze gukina.

Mu bagore ho hakinwe umukino umwe rukumbi, aho IPRC-South BBC yatsinzwe na APR BBC ku manota 48 - 46, bituma iyo kipe y’ingabo z’igihugu ikomeza kwicara ku ntebe y’icyubahiro n’amanota 13, ikarusha amanota abiri The HOOPS Rwa G. T na UBUMWE BBC ziyikurikiye.

APR BBC yatsinze Rusizi BBC nyuma y'aho yari iherutse gutsindwa na PatriotsAPR BBC yatsinze Rusizi BBC nyuma y’aho yari iherutse gutsindwa na Patriots

Bamwe mu bafana bemeza ko Shampiyona ya Basketball uyu mwaka iri ku rwego rwisumbuye urwo yahozeho umwaka ushizeBamwe mu bafana bemeza ko Shampiyona ya Basketball uyu mwaka iri ku rwego rwisumbuye urwo yahozeho umwaka ushize

Map : Ahabanza  \  Indi mikino

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru