RUHAGOYACU.com

Zone V: Ingimbi z’u Rwanda zihanije Tanzania, Misiri itsinda abangavu

Ikipe y’igihugu y’u Rwanda y’abatarengeje imyaka 16 mu mukino wa Basketball yitwaye neza, inyagira Tanzania amanota 112 kuri 27 mu irushanwa ry’akarere ka gatanu riri kubera muri Kenya mu gushaka itike y’imikino ya Afrobasket.

Wari umukino wa kabiri ku ngimbi z’u Rwanda zatsinze umukino wa mbere wazihuje na Kenya iri mu rugo.

Uyu mukino ntiwigeze ugora na gato abasore b’u Rwanda baje gusoza agace ka mbere bari imbere ya Tanzania ku manota 27-5, agace ka kabiri karangira u Rwanda ruri imbere n’amanota 61-9, u Rwanda rwakomeje kuyobora mu gace ka gatatu n’amanota 90 kuri 18 mu gihe umukino waje kurangira u Rwanda rutsinze Tanzania amanota 112 kuri 27.

Mu mukino wari wabaye mbere, mu bakobwa, abangavu bahagarariye u Rwanda batsinzwe na Misiri.

Agace ka mbere karangiye u Rwanda rufite amanota 8 kuri 21 ya Misiri, iyi yakomeje no kuyobora mu gace kakurikiyeho ku manota 46 kuri 14, aka gatatu ku manota 62 kuri 21 ndetse no mu gace ka nyuma katumye umukino urangira u Rwanda rutsinzwe amanota 71 kuri 34.

Map : Ahabanza  \  Indi mikino

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru