RUHAGOYACU.com
RuhagoYacu  |  Rwanda  |  Abagore

Chadia utaraburanye, yategetswe kwishyura Grace indishyi zo kumwita umutiganyi

Urukiko rw’ibanze rwa Nyarugunga rwemeje ko Uwamahirwe Chadia ukinira ikipe ya As Kigali yishyura Nyinawumuntu Grace wahoze amutoza amafaranga y’u Rwanda 2 825 000 nyuma yo gutangariza kuri Radio 10 ko yamaze igihe amukoresha ubutiganyi kuva akiri muto.

Ibi urukiko rukaba rwabyanzuye nyuma y’ikirego rwagejejweho na Nyinawumuntu Grace, wareze Shadia Mahirwe amushinja kumusebya kuri Radio 10 bityo ko yahabwa indishyi z’akababaro za miliyoni 10 ndetse akanatanga n’byatanzwe ku kirego cyose.

Chadia Mahirwe, akaba ngo yaraje guhamagarwa n’ubushinjacyaha bukamubaza niba koko ikiganiro bumvise ari we wagitanze kuri Radio 10 akabyemeza, gusa avuga ko ibijyanye no kujya kuburana yabibwiwe kuri telefone yagerayo agasanga urubanza rwarangiye.

Uyu aganira na RuhagoYacu yagize ati:

Umuntu yarampamagaye kuri telefoni ambwira ko ngomba kuza kuburana i Nyarugunga tariki ya 15 Ugushyingo 2017 saa kumi.

Nagezeyo ndicara ndategereza bigeze nyuma ni bwo nabajije umuntu ambwira ko urubanza barangije kuruburanisha ko nge nzaza kumva imyanzuro yarwo

.

RuhagoYacu yasubirishijemo Chadia ubugira gatatu niba nta rupapuro rumuhamagaza kwitaba yabonye avuga ko ntarwo yigeze abona ko ikintu cyonyine cyamubwiye kwitaba ari iyo telefone yakiriye imubwira ko yarezwe mu rukiko agomba kuza kwisobanura bikanarangira asanze urubanza rwarangiye.

Mahirwe Chadia wambaye numero 8 ni umukinnyi w' ikipe y'igihuguMahirwe Chadia wambaye numero 8 ni umukinnyi w’ ikipe y’igihugu

Umunyamategeko wavuganye na RuhagoYacu, yatubwiye ko ubusanzwe ibyo bitabaho mu mategeko y’u Rwanda ko kugira ngo witabe hagomba kuba harabaye integuza.

Yagize ati: “Oya ibyo ntabwo bishoboka. Mbere yo kuburana ubanza kohererezwa integuza ikakugeraho byibura iminsi umunani mbere y’igihe cy’urubanza. Baguhamagara kuri telefone iyo iyo nteguza yarangije kuhagera”.

Chadia Mahirwe yakomeje atangaza ko yakomeje guhamagara ya numero yamuhamagaye ababaza igihe urubanza ruzasomerwa gusa bagakomeza kumubwira gutegereza kugeza tariki ya 29 Ugushyingo ubwo uru rwasomwaga bikarangira abwiwe ko atsinzwe hakurikijwe ingingo ya 288 y’itegekongenga no 01/2012/OL ryo kuwa 02/05/2012 rishyiraho igitabo cy’amategeko ahana.

Iri rivuga ko Umuntu wese ku bw’inabi kandi mu ruhame, witirira undi igikorwa cyeruye gishobora gutesha uwo muntu icyubahiro cyangwa agaciro, cyangwa gishobora kumusuzuguza mu ruhame, ahanishwa igifungo kuva ku mezi atandatu kugeza ku mwaka umwe, n’ihazabu y’amafaranga y’u Rwanda kuva kuri miliyoni imwe kugeza kuri miliyoni eshanu cyangwa se kimwe muri ibyo bihano.

Grace Nyinawumuntu yari yasabye urukiko ko Chadia yamwishyura miliyoni 10 z'indishyi z'akababaroGrace Nyinawumuntu yari yasabye urukiko ko Chadia yamwishyura miliyoni 10 z’indishyi z’akababaro

Uyu akaba yategetswe kwishyura gusa indishyi zingana na miliyoni imwe kuko basanze nta bindi byaha yigeze akora. Uyu ariko akaba agomba kongeraho ayo Grace yakoresheje mu rubanza bigahwana na 2 825 000.

Chadia Mahirwe n’abamuhagarariye bakaba barahise bajuririra iki cyemezo bavuga ko batanahawe umwanya wo kwiregura.

Ese ibya Chadia na Grace Nyinawumuntu biteye gute?

Inkuru ya Igihe ivuga ko mu gihe benshi mu bakinnyi bagiye bavuga ku butiganyi bahitagamo kutagaragaza imyirondoro yabo hanze, Mahirwe Chadia wabaye umukinnyi w’umwaka mu bagore muri 2013, yaje gufata icyemezo cyo kubandwa habona mu rwego rwo kwirinda amazimwe. Uyu mukobwa ukinira As Kigali, yaje guha ubuhamya Radio 10 na TV10, ibijyanye n’ubuzima atangaza ko yashyizwemo n’uyu wari umutoza we muri As Kigali.

Iki kiganiro Chadia yakigiranye na TV10 mu kwezi kwa Nzeri 2016 ubwo Nyinawumuntu Grace yari akiri umutoza wa As Kigali ndetse n’ikipe y’igihugu, kuri ubu byarahindutse. Chadia, yatangaje byinshi ntabwo twabigarukaho, gusa uyu mwari yavuze ko Grace yamwinjije mu butiganyi buhoro buhoro, nyuma yo kumujyana iwe bakabana, ubwo yazaga muri As Kigali afite imyaka 16 gusa.

Chadia Mahirwe, yatangaje ko bitangira yabyangaga kuko yari afite umwana w’umuhungu bakuranye yumvaga yikundira, gusa uyu mutoza akaza kumwumvisha ko agomba kumureka, akaza kumubwira ati “ese (niba ukunda uwo muhungu) nge uranyanga? Wanyanga kandi uziko ndi imfubyi? Chadia yaje kubijyamo ndetse abijyamo abigiyemo biza kurangira amwigaruriye umutima wose ujya kuri uyu mutoza.

Chadia Mahirwe yabaye umukinnyi ukomeye muri As Kigali, aza no kubihemberwa muri 2013 nk'umukinnyi w'umwakaChadia Mahirwe yabaye umukinnyi ukomeye muri As Kigali, aza no kubihemberwa muri 2013 nk’umukinnyi w’umwaka

Ibintu byatangiye kuba bibi, ubwo uyu mutoza yajyaga mu mahugurwa mu gihugu cy’Ubudage mu mwaka wa 2010, maze Chadia akarira birenze ibisanzwe kuko atiyumvishaga uburyo umutoza yamusiga nibyo bari bamaze kumenyeranwaho. Ibi, byasabye Police gusaba Grace gusiga arebye uburyo yakwihanganisha uyu mukobwa, dore ko yari yanze guceceka ubwo bari ku kibuga cy’indege i Kanombe. Uyu mutoza, yaje gushyira Chadia ku ruhande, amuha amafaranga 25 000 ndetse anamwemerera kuzajya amwandikira kuri “email” yari yaramufungurije bityo ko azamuba hafi.

Chadia avuga ko iminsi umutoza yamaze mu Budage yamugoye aho yirirwaga arira, ikintu cyamuviriyemo no gusarara na magingo aya. Uyu byaje kurangira n’iwabo badashoboye kumuhoza, ashakira ubuzima ahandi. Ubwo umutoza yagarukaga urukundo rwarakomeje gusa bitangira kuba bibi ubwo Chadia yavunikaga imvune ikomeye mu ivi, maze urukundo rukarangira ubwo. Chadia na nyuma yo gukira, umutoza yahise amushyira ku ruhande, binarangira avuze ko atazongera gukina agitoza kuko ku bwe yumvaga yararangiye! Ibi byatumye uyu mwana ata umutwe, nyuma yo gutekereza ubuzima yari yaramushyizemo nkuko abitangaza, harimo no kumwambura ababyeyi bamubyaye.

“Nkimara gutana n’umuryango wange amaze kumbwira ko tubaye umwe amaze kunyereka ko iwacu ntazahasubira ko iwacu ari iwe tuzibanira igihe kirekire kuko na we yari amaze gutana n’umugabo bityo nta kindi kintu kizantanya na we tuzabana ibihe byose, yahise ambwira ngo ugomba gukuraho icyerekana ko uturuka muri uwo muryango”.

Yahise ajugunya indangamuntu yange, arangije ampereza imyirondoro y’abamureze kubera ko na we yapfushije ababyeyi kera. Papa wange yamugize sekuru we, Mama wange amugira Nyirakuru naho mvuka ahagira i Kabarondo. Nabijyanye ku Kabindi ntibamenya ko ndi gushaka iya kabiri ahubwo bamfotora nk’ushaka indangamuntu nshyashya

.

Uretse ibi, Chadia avuga ko ubwo yabanaga na Grace basangiraga byose nk’urugo nyine mu zindi. Amafaranga yose yakoreraga ni we yayahaga, ndetse n’ibihembo yatwaraga ni umutoza wabitwaraga. Uyu avuga ko yatangaje ibi mu rwego rwo gufasha abandi, nubwo byaba bivuze ko we yahita areka umupira burundu, cyane ko nubundi kuri we, ntacyo yaramiraga.

“Nge nubwo nareka umupira nawureka ntavuyemo nabi ahubwo byaba ari kubera umutoza. Icyo nabwira abantu ni uko bajya babanza kureba umuntu mbere yo kumuha inshingano. Nko ku mutoza Grace ikigaragara byatangiye kera aho akomeje kubikora ngo ararera abana”.

“Nge natabariza bagenzi bange nkuko nange numvaga ari byiza na bo ubu baziko ari byiza ariko nyuma nkuko nicujije na bo bashobora kuzicuza. Nge sinshaka ko bazicuza cyangwa ngo bajye mu buzima nange ndimo ahubwo numva batabarwa bitari byaba bibi kuko ibyo barimo ni bibi byazabageze nange aho ngeze kuko aho ndi si heza, ngeze ahantu habi”.

Chadia Mahirwe avuga ko yakundanye n'umutoza we ku buryo kutamubona hafi byamurwje igiheChadia Mahirwe avuga ko yakundanye n’umutoza we ku buryo kutamubona hafi byamurwje igihe

Map : Ahabanza  \  Rwanda  \  Abagore

Ibitekerezo byatanzwe kuri iy'inkuru

  1. Mapucuri

    Kuya 13-12-2017 saa 16:27'

    Ubundi c ikimenyetso kiruta iyo msg yo kuri email ni ikihe? uwo mudamu ni umushinyaguzi rwose, yabonye uwo mwana atamushyize mu butabera aritanguranwa ariko arabeshya azatsindwa kububi no kubwiza dore aho mpagaze!!!!

  2. Kaneza Edmond

    Kuya 13-12-2017 saa 15:01'

    Ariko narumiwe! Uyu munyamakuru niyi ndaya bashaka iki kuri uyu mudamu kko? Gusa uyu si umwuga ukora ahubwo ni amatiku

  3. Kaneza Edmond

    Kuya 13-12-2017 saa 15:01'

    Ariko narumiwe! Uyu munyamakuru niyi ndaya bashaka iki kuri uyu mudamu kko? Gusa uyu si umwuga ukora ahubwo ni amatiku


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru