RUHAGOYACU.com

Abafana ba APR FC bababajwe no gutegekwa gufana Rayon Sports

Abafana b’ikipe ya APR FC ntibavuga rumwe n’ubuyobozi bwabo bwabasabye kuzashyigikira ikipe ya Rayon Sports ubwo izaba yakira Rivers United mu mukino wo kwishyura wa CAF Confederation Cup.

Nyuma y’umukino ikipe ya APR FC yatsindiyemo Vision ku Mumena ibitego 3-0, abafana b’ikipe ya APR FC baje guhurizwa hamwe babwirwa ko bagomba kuzafana Rayon Sports ku mukino wo mu mpera z’icyumweru, ko utazabishobora azigumira mu rugo.

APR FC yaraye itsinze Vision 3-0APR FC yaraye itsinze Vision 3-0

Aha ariko, bamwe mu bafana baganiriye na Ruhagoyacu, badutangarije ko ibi batabyishimiye kuko ari ukubangamira uburenganzira bwabo. Uyu yagize ati:
Sinumva impamvu abayobozi bategeka abafana ibyo badashaka”.

“Ejo nyuma y’umukino baradukusanyije badusaba kuzafana ikipe ya Rayon Sports ngo utazabishobora ntazagere kuri stade. Uko se si ukutwirukana ku kibuga?”

Abandi bafana bagenzi be na bo bakaba batangaje ko bifuzaga kureba uyu mukino wa Rivers gusa ko batakwihanganira kuza kuyireba ari uko bari bufane ikipe bahora bahanganye. Aha ariko, umuvugizi w’abafana ba APR FC Emille Kalinda, na we yunze mu ry’ubuyobozi avuga ko abafana ahagarariye bagomba gufana Rayon Sports.

“Ndasaba abafana bagenzi bange duhuje gufana APR FC kuzaba inyuma ya Rayon Sports kuko ni ishema ku banyarwanda bose. Yego ubusanzwe ntabwo tuyifana ariko ntanubwo tuyanga”.

Emille uvugira abafana ba APR FC na we yiteguye gushyigikira Rayon SportsEmille uvugira abafana ba APR FC na we yiteguye gushyigikira Rayon Sports

Abafana ba APR FC bakaba basabwe gufana Rayon Sports mu gihe ubwo iyi kipe yasezererwaga na Zanako yo muri Zambia kuri stade Amahoro hari hagaragaye abafana batari bake ba Rayon Sports bari baje gushyigikira iyi kipe yaturutse muri Zambia.

Rayon Sports izakira Rivers United kuri uyu wa gatandatu mu mukino uashobora gukora amateka muri ruhago y’u Rwanda, dore ko mu gihe yaba ishoboye gusezerera iyi kipe yayitsinze ibitego bibiri mu mukino ubanza, yaba ibaye ikipe ya mbere mu mateka y’igihugu ishoboye kugera mu matsinda mu mikino nyafurika.

Abafana ba Rayon Sports bishimira intsinzi ya Zanaco ku mukino wa APR FCAbafana ba Rayon Sports bishimira intsinzi ya Zanaco ku mukino wa APR FC

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. General Museveni

    Kuya 23-04-2017 saa 11:33'

    babivuze ukuri koko ubuse rayon ko yari yihenuye kuri Apr none yo barayandagaje nize ijye muri course hano mu Rwanda

  2. roger

    Kuya 22-04-2017 saa 17:45'

    murabitweretse,burya baca umugani
    mukinyarwanda ngo inkoni ikubise mukeba uyirenza urugo so nimwe ntandaro yabyose kuri zanaco kbs.Sinzi rwose nimba nafana mukeba rayon!!!!!!!

  3. bbbbbbbbbbbbb

    Kuya 22-04-2017 saa 10:19'

    haaaaaaaaaaaaaaaaaaaaa

  4. andrew ayew

    Kuya 21-04-2017 saa 22:30'

    Hhhhhh Gikona arasetsa agakabya pe mube mwumvikana na Radio dix hacyirikare ejo bitarangira mutanumvishe uko twashwanyaguje. Kuko ukuntu tuzaba twarimbye ntitwakwicarana namwe NGO turi gufana rwose ejo rwose ntimuzirirwe muhatugerera

  5. ###

    Kuya 21-04-2017 saa 22:16'

    Murindire amatora yo mukwa munani arangire hanyuma muzongera guseka nyuma y’imyaka itanu nkuko bisanzwe iteka kuko baba banga kubababaza, ahubwo Rivers nabatalamu bamenye ko muzabaroga bizanira ibiribwa n’abatetsi babo nimutsindwa ejo muzahita musubiranamo mwabuze ayo kwishura amadeni mwafashe. Rivers 1-2 Gasenyi ubundi mugataha murira na burozi fc mwakuye mu buyenzi ikabatamaza.

  6. NDUWAMUNGU Elissa

    Kuya 21-04-2017 saa 17:55'

    Rayon sport izabikora kbs.

  7. sandra

    Kuya 21-04-2017 saa 16:31'

    Ikibazo nuko tuzabura aho twicara nahubundi Rayon turihagije kbs ushaka azadufane utabishaka azagume murugo awumvite Kuri ka Radio ntakibazo.Rayon ndagukunda nkabura icyonaguha gusa sinzakuvaho aba Rayon 08h00’ tubetuhageze ndabakunda bafana.

  8. Eric

    Kuya 21-04-2017 saa 12:27'

    Ariko abasaza ba APR mugira menshi, Murumva Rayon sports Club abafana bayo batayihagije koko? Ikibazo nuko mutazabona aho mwicara, Gusa Muzaze mwihere ijisho uko Rayon isezerera Rivers.

  9. Nsanzimana

    Kuya 21-04-2017 saa 12:20'

    Twe Abareyo Turihagije,ntamufana Wa Apr Numwe Dukeneye.Ntibazi Gufana Gufana Kwabo Nukurira Nkabana Barwaye Bwaki.Ntitubashaka Batazaduterera Ikipe Umwaku.Bazafane Rvs Icyonzi Nuko Bazamwara Ndetse Bagahekenya Amenyo Babonye Twigiriye Mumatsina Ya CAF C CUP.gusa muzihangane muze amafaranga yanyu arakenewe.gufana byo murabizi namwe ko tutabakeneye.kuko mudufannye mwadutera umwaku mugatuma dusezererwa.

  10. Dinho

    Kuya 21-04-2017 saa 12:07'

    Umukeba ahora ari umukeba...uwafana Gasenyi yaba atayanga. Inuma y’i Burundi yatumye ku y’iwacu it I "Ha uguha!!!" Muzayifane...niyo yaba ari ticket ijya mu ijuru, ntago nayikorera.

  11. 1 | 2 | 3 | 4 | 5 | 6 | 7


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru