RUHAGOYACU.com

Abaharanira impinduka muri ruhago bahamya ko bashyigikiye Mwanafunzi kandi bizeye intsinzi

Amatora y’umuyobozi mushya w’ishyirahamwe ry’umupira w’amaguru mu Rwanda ugomba kuyobora mu myaka 4 iri imbere, ateganyijwe muri Nzeli uyu mwaka, ni kimwe mu biri kugarukwaho cyane na bakunzi ba ruhago muri iyi minsi.

Kugeza ubu abagabo 2 bakoranaga muri Komite Nshingwabikorwa icyuye igihe, nibo bari guhanganira umwanya wo kuyobora FERWAFA.

Nzamwita Vincent De Gaulle wari Perezida wa FERWAFA hamwe na Mwanafunzi Albert wari umuyobozi w’ishami ry’amarushanwa muri komite icyuye igihe.

Mwanafunzi Albert ni we watoranyijwe n’abashaka impinduka kuba yabahagararira, bitandukanye n’ibyo Munyankumburwa yatangarije ikinyamakuru Kigali Today kuri uyu wa mbere.

" Inama ya Banyamuryango dufatanyije yabaye itariki 14/7/2017niyo yemeje ko Mwanafunzi Albert ahagararira abashaka impinduka." Kanamugire Fidel, umuvugizi w’abashaka impinduka mu mupira w’amaguru mu Rwanda.

" Muri iyo nama ntabwo Munyankumburwa nk’umwe mu bagize iri tsinda yabonetse ku mpamvu ze bwite, akaba ariho rero hemerejwe ko Albert Mwanafunzi ari we uzaduhagararira nku mu kandida utanzwe ni tsinda riharanira impinduka mu mupira ni nayo mpamvu yagiye aherekejwe n’abayobozi bagize iri tsinda ry’abashaka impinduka mu mupira w’amaguru."

JPEG - 146.3 kb
Kanamugire avuga ko bashyigikiye Mwanafunzi ari nayo mpanvu bamuherekeje ajya gutanga ibyangombwa byo kwiyamamaza

Aba baharanira impinduka mu mupira w’amaguru bakomeza bavuga ko batazasubira inyuma mu rugamba batangiye rwo gushaka uko bazana impinduka mu mupira w’amaguru, akaba ari yo mpanvu basaba abanyarwanda kudaha agaciro ibivugwa byose, nk’uko Kanamugire yakomeje abitangariza RuhagoYacu.

" Mu bihe nk’ibi bikomeye by’amatora havugwa byinshi, ariko ni cyo gihe cyo gushyira imbaraga hamwe, no gutahiriza umugozi umwe, ngo tugere kucyo twiyemeje." Kanamugire Fidel, usanzwe ari n’umuyobozi wa Heroes FC.

JPEG - 30.4 kb
Mwanafunzi Albert ni we watoranijwe n’abashaka impinduka mu mupira w’amaguru

" Tubijeje yuko tutazasubira inyuma kandi amajwi yacu, ibikorwa byacu, na gahunda zacu bizakomeza guharanira impinduka nziza kuko ari ryo shema ryacu nu murage mwiza twasigira abanyarwanda muri iki gihe cyacu turi mu mupira wa maguru."

" Umukandida wacu azajya asubiza buri umwe wese ukeneye amakuru, cyangwa bibe byabazwa umuvugizi w’itsinda ry’abashaka impinduka."

Akomeza agira ati, " igihe kirageze yuko twihesha agaciro muri ruhago yacu mu rwego mpuzamahanga nkuko nyakwubaha Perezida wacu Paul Kagame ahora abidusaba nka banyarwanda bakunda igihugu. Tukanasaba abanyarwanda bakunda umupira w’amaguru kuzamutora 100% tuzirikana agaciro yaduhesheje ndetse n’ ibyiza amaze kutugezaho bitigeze bikorwa nuwo ariwe wese mu mateka y’u Rwanda."

JPEG - 40.4 kb
Aba ni bamwe mu bayobozi b’amakipe bagize itsinda riharanira impinduka mu mupira w’amaguru hano mu Rwanda

Aya matora ateganyijwe tariki ya 10 Nzeli uyu mwaka. Akanama gashinzwe amatora muri FERWAFA kandikiye abankandida kuri uyu wa mbere, kabasaba kuzuza ibisabwa n’amategeko, ngo bahabwe uburenganzira bwo kuzahatanira kuyobora ishyirahamwe ry’umupira w’amaguru mu Rwanda.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Vip

    Kuya 19-07-2017 saa 20:38'

    De gaule ayeeee abo banyenzara oyaaaa

  2. IRAGUHA

    Kuya 18-07-2017 saa 18:34'

    Degore natorwa, njye nzirengagiza ko football nyarwanda ibaho, kuko gukurikira ruhago iyoborwa na Degore, ni ukwibabariza umutima, abazatora Degore bazaba bishe foot y’u Rwanda peeeeeeeeee????

  3. adcb

    Kuya 18-07-2017 saa 13:43'

    mwumve banyarwa nimuze twamagane degore nawodushaka ko.yakongerakutuyobora nimwibuke amavubi no.kuriribia .ibyoyakoze mwanafunzi oyee....

  4. david

    Kuya 18-07-2017 saa 11:09'

    degaule yarateguye ahashyira umunyamabanga we ngo akurire ako kanama kamatora gusa nadufashe yegure areke kujya akurura yishyira.dukeneye impinduka kbisa nk’abanyamakuru mutuvuganire

  5. dsoi

    Kuya 18-07-2017 saa 09:37'

    aha niho mugiye kubona ko camarade afite uwo ahabereye, kuruta gukurira komisiyo y;amatora ya federation.

  6. fenty

    Kuya 18-07-2017 saa 09:27'

    Nzamwita oye oye kbsa niwowe ubishoboye abo wa mwanafunzi baba batujuje nibisabwa ntabo dukeneye kbsa ikimbabaza nuko mubona ngo ibibi gsa ntabyizac akora icyo nzi nuko akora ibyiza gsa kdi ntanibyera ngo de


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru