RUHAGOYACU.com

Abatoza mu mupira w’amaguru w’abafite ubumuga batyarijwe ubumenyi

Abatoza b’amakipe y’Umupira w’amaguru y’abafite ubumuga (Amputee Football) batyarijwe ubumenyi ku buryo biteze kuzamura urwego rw’uyu mukino mu Rwanda ndetse rukaba icyitegererezo mu Karere ka Afurika y’Iburasirazuba ndetse no muri Afurika yose muri rusange.

Umupira w’amaguru w’abafite ubumuga (Amputee Football) ntiwari wamamara mu Rwanda, kuko n’ubwo watangiye gukinwa mu myaka yo hambere, ikipe ya mbere yabayeho ni Kigali Amp.FC yashinzwe mu 2013, ariko uwo mukino utangizwa ku mugaragaro kuwa 31 Gicurasi 2015 ari na bwo hashyizweho ubuyobozi bw’Ishyirahamwe ryawo (Amputee Football Association).

Umutoza Marek Dragos yigisha uburyo batanga umupira (Passing)Umutoza Marek Dragos yigisha uburyo batanga umupira (Passing)

Kuva icyo gihe kugeza ubu mu Rwanda hamaze kuboneka amakipe umunani yo mu turere twa Musanze, Rubavu, Ruhango, Nyanza, Gakenke, no mu Mujyi wa Kigali, ari na yo yahuguriwe abatoza.

Ayo mahugurwa yatangiwe i Kigali ku Kimisagara kuri Centre ya Esperance, yatanzwe na Marek Dragos, impuguke mu mupira w’amaguru w’abafite ubumuga akaba n’umutoza mukuru w’ikipe y’icyo gihugu.

mubakurikiranye amahugurwa harimo Umukobwa ushaka gutangiza ikipe y'abagore muri uwo mukinomubakurikiranye amahugurwa harimo Umukobwa ushaka gutangiza ikipe y’abagore muri uwo mukino

Umuyobozi w’ishyirahamwe ry’Umupira w’amaguru w’abafite ubumuga, Rugwiro Audace yatangarije RuhagoYacu ko aya mahugurwa yasigiye abo batoza ubumenyi buzabafasha kuzamura impano z’abakinnyi ku buryo biteze umusaruro mwiza kandi bitari kera, ariko ngo ntabwo ubwayo ahagije baracyakeneye andi.

Ati “Aya mahugurwa yadusigiye ubumenyi ku batoza bacu, bagiye gufasha kuzamura urwego rw’abakinnyi bafite impano, tukaba twiteze umusaruro mu gihe kiri imbere, kuko twifuza kuba ikipe iyoboye muri aka karere ka Afurika y’Iburasirazuba muri uyu mukino. Ibyo tuzabigeraho ari uko dufite abatoza babifitiye ubushobozi, bityo hakaba hagikenewe n’andi mahugurwa atandukanye.”

Ibyo bigaga mu magambo n'inyandiko bahitaga bajya kubishyira mu ngiroIbyo bigaga mu magambo n’inyandiko bahitaga bajya kubishyira mu ngiro

Mu rwego rwo kurushaho guteza imbere uyu mukino mu Rwanda, Ubuyobozi bwawo buzitabira inama ihuza abayobozi b’amashyirahamwe y’umupira w’amaguru w’abafite ubumuga mu bihugu bya Afurika, izabera i Nairobi muri Kenya ku matariki ya 25-26 Kanama 2017, ikazaba igamije kwiga ku iterambere ry’uyu mukino kuri uyu mugabane.

Umupira w’amaguru w’abafite ubumuga wateye imbere muri Afurika cyane cyane mu gice cy’Uburengerazuba (West Africa) nko muri Ghana, Niger, Nigeria, Sierra Leonne, ariko muri Afurika igihugu kiza ku isonga ni Angola, dore ko ari na yo yabashije kugera ku mukino wa nyuma w’igikombe cy’Isi giheruka, aho yatsinzwe n’u Burusiya ibitego 2-1.

Abatoza bungukiyemo byinshi batari baziAbatoza bungukiyemo byinshi batari bazi

Umunya Pologne watanze amahugurwa yanijeje ubufatanye hagati y'igihugu akomokamo n'u RwandaUmunya Pologne watanze amahugurwa yanijeje ubufatanye hagati y’igihugu akomokamo n’u Rwanda

Umutoza Marek Dragos yijeje ubuvugizi buganisha ku bufatanye hagati y'u Rwanda na Pologne muri Amputee FootballUmutoza Marek Dragos yijeje ubuvugizi buganisha ku bufatanye hagati y’u Rwanda na Pologne muri Amputee Football

Amahugurwa yasojwe abatoza batabishaka kuko barimo biga byinshi by'ingirakamaroAmahugurwa yasojwe abatoza batabishaka kuko barimo biga byinshi by’ingirakamaro

Bahawe impamyabushoboziBahawe impamyabushobozi

Uyu mukino utangiye kwaguka mu RwandaUyu mukino utangiye kwaguka mu Rwanda

Umutoza wa Vision Jeunesse Nouvel Amp.FC ya Rubavu ahabwa impamyabushoboziUmutoza wa Vision Jeunesse Nouvel Amp.FC ya Rubavu ahabwa impamyabushobozi

Umutoza wa Musanze Amputee FC yanegukanye igikombe cya shampiyona na we yahawe impamyabushoboziUmutoza wa Musanze Amputee FC yanegukanye igikombe cya shampiyona na we yahawe impamyabushobozi

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru