RUHAGOYACU.com

Amagaju 1-1 APR FC: Abatoza ntibavuga rumwe ku misifurire

Abatoza b’amakipe y’Amagaju na APR FC; Pablo Nduwimana na Jimmy Mulisa ntibavuga rumwe ku misifurire yaranze umukino ubanza wa 1/2 cy’igikombe cy’amahoro waraye uhuje amakipe yombi.

Amagaju yari yakiriye APR FC banganya igitego 1-1.

Reba hano amafoto yaranze uyu mukino.

"Gutsinda kuri njyewe byari ikibazo kubera.. please mumbabarire kubera ,. badufashe imisifurire kubera amakipe yo mu cyaro, badufashe kubera barasifura ibintu byiza abantu bagende bishimye."

"Imisifurire namwe mwabibonye, carte rouge bête (ikarita itukura idakwiye), bari kudukorera amakosa ntayishyireho."- Pablo, umutoza w’Amagaju.

Abajijwe ku cyo yarushijwe kugira ngo ikipe yishyurwe igitego yari yabonye muri uyu mukino, umutoza Pablo yagize ati:

"Igihe twabonye ikarita itukura, wabonye ko aho kugira ngo twiyunge mu kibuga, abakinnyi baje bagira igihunga, biba ngombwa ko batwinjiza igitego, ariko nyuma yaho kibonetse, wabonye ko bongeye gukina."

"Kuri njye, icyizere kirahari, iyi ntabwo ari shampiyona ni tournoie, urangaye gato uramutsinda, kandi rero ku bafana banjye nta kibazo mfite, bashyire umutima hamwe, APR yari yaje gushaka amanota aha, nanjye nzajyayo njya kuyashaka."

Abatoza ku mpande zombi basuhuzanya mbere y'umukinoAbatoza ku mpande zombi basuhuzanya mbere y’umukino

Ku bivugwa ko umutoza Mulisa yaba yakubise Yumba w’Amagaju, Pablo yagize ati: " Ntabyo nabonye, sinshobora gukora commentaire ku byo ntabonye."

"Ku ikarita y’umutuku, ibyo nabonye, nabonye ko umukinnyi wa APR ari we watangiye ashotora Yumba, na we aramwishyura, ni cyo kintu nabonye."

Abajijwe ku kuba umukinnyi we yahawe ikarita itukura, ntihagire umukinnyi wa APR FC uhanwa, Pablo yagize ati: " Ibyo ni byo ndi kuvuga, badufashe, badufashe bareke abakinnyi bakine ibintu bateguye, n’abantu baje kureba umukino, barebe umukino mwiza, aho kugira ngo umwe arakare kubera imisifurire, oya ntabwo ari byiza."

Pablo ntiyishimiye ibyemezo byafatiwe ikipe yePablo ntiyishimiye ibyemezo byafatiwe ikipe ye

Ku ruhande rw’umutoza w’ikipe ya APR FC; Jimmy Mulisa asanga umukino w’uyu munsi wagenze neza, ndetse ngo afite icyizere cyo kwitwara neza mu mukinowo kwishyura.

"Ngira ngo umukino mwawubonye, hari uburyo bwinshi twabonye muri uyu mukino, ariko twagize amahirwe make, umupira ni uko, turareba ukuntu mu mukino wo kwishyura twakwitwara neza."

Abajijwe icyo yavuga ku ikarita itukura yahawe Amagaju, Mulisa yabanje gushimira abasifuzi ko bitwaye neza kuri uyu mukino.

"Reka mfate n’umwanya wo gushimira abasifuzi , ni bwo bwa mbere mbonye umusifuzi asifura kandi ubona ko basifuye neza."


"Biriya bintu bakoze hariya, nabibonye, ni ibintu bidakwiye mu mupira w’amaguru kubera ko iyo umukinnyi yari ari imbere ukaza ukamutera inkokora ntabwo ari ibintu byiza, ariko ni byiza ko umusifuzi yabibonye."

"Nagize reaction njyayo, nshaka kureba ukuntu ndinda umukinnyi wanjye."

"Nta reaction nagize ku mukinnyi [w’Amagaju], nashakaga uko ndinda umukinnyi wanjye. Nabonye amutera inkokora, sinzi wenda niba hari ikibazo yagize, ariko ni byiza ko umusifuzi yabibonye."

Jimmy Mulisa utoza ikipe ya APR FC, ku mukino banganyijemo n'AmagajuJimmy Mulisa utoza ikipe ya APR FC, ku mukino banganyijemo n’Amagaju

[ ku bivugwa ko Mulisa yaba yakubise ingumi Yumba..]

"Njyewe? sinshobora gukora biriya bintu, ndi umutoza ngomba gutanga urugero, ntabwo najya gutanga urugero nka ruriya."

"[ku bafana ba APR] ababonye match, babonye uburyo twakinnye, abakinnyi bitanze, ku kibuga kitari icyacu kimeze gutya, wenda ku kibuga cyiza, imbere y’abafana bacu, tuzitwara neza."

"Igitego badutsinze? nabonye nta off-side yari irimo ariko sinzi, keretse wenda umuntu arebye kuri video."

APR FC izakira umukino wo kwishyura uzahuza amakipe yombi kuwa Kane, kuri Stade ya Kigali.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. dudu

    Kuya 27-06-2017 saa 16:21'

    Harya mu rwanda umutoza yemerewe kwinjira mu kibuga? Ko mbona hari abo bazamura muri stade mu bafana ngo barenze urubuga bagenewe?!!!! Cyangwa Mulisa ni coacher akaba na security manager!!!!!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru