RUHAGOYACU.com

Amatora yasubikishije umukino wa gicuti hagati ya Police FC na Singida

Amatora y’Umukuru w’igihugu ateganyijwe mu ntangiriro z’ukwezi gutaha yatumye hasubikwa umukino wa gicuti Singida United yo muri Tanzania ikinamo Michel Rusheshangoga na Dany Usengimana, yari yasabye Police FC yo mu Rwanda.

Mu rugendo izakora ikina imikino ya gicuti ngo yitegure shampiyona yayo ya mbere mu cyiciro cya mbere muri Tanzania, Singida United ikinamo Michel Rusheshangoga na Dany Usengimana yifuje kuza mu Rwanda gukina umukino wa gicuti na Police FC.

Rusheshangoga na Usengimana bakiriwe muri Singida mu cyumweru gishizeRusheshangoga na Usengimana bakiriwe muri Singida mu cyumweru gishize

Umunyamabanga mukuru wa Police FC akaba n’Umuvugizi wa Police FC, CIP Mayira Jean de Dieu yatangarije RuhagoYacu ko Singida yabasabye umukino wa gicuti ku itariki 30 Nyakanga, ariko bakayisubiza ko ibyo bihe imyiteguro y’amatora izaba irimbanyije, bityo uwo mukino utashoboka kuri iyo tariki.

Ati “Ntabwo ari byo, twamaze gusa n’ababyigiza inyuma, bari badusabye gukina mu gihe tuzaba turi mu bihe by’amatora, tubabwira ko bidashoboka. Nibigiza inyuma y’igikorwa cy’amatora nta kibazo. Bashakaga ko dukina ku itariki 30.”

Yakomeje avuga ko iyo bitaza kuba bigongana n’amatora Police FC yajyaga guhita itangira imyitozo bitewe n’uko abakinnyi bose bahari.

Bahise bahabwa nomeroBahise bahabwa nomero

Kuri gahunda y’Amatora, ku itariki 30 Nyakanga Umuryango FPR-Inkotanyi uzaba urimo kwamamaza Umukandida wawo Paul Kagame mu turere twa Burera na Gakenke, mu gihe Amatora y’Umukuru w’igihugu ateganyijwe ku itariki ya 3 Kanama ku banyarwanda bazatorera mu Mahanga ndetse no ku Itariki ya 4 Kanama ku bazatorera imbere mu Rwanda.

Rusheshangoga na Usengimana mu myitozo n'umutoza Hans Van Der Pluijm wa Singida UnitedRusheshangoga na Usengimana mu myitozo n’umutoza Hans Van Der Pluijm wa Singida United

Police FC yagombaga gutangira imyitozo kuwa 16 Nyakanga ariko byasubitswePolice FC yagombaga gutangira imyitozo kuwa 16 Nyakanga ariko byasubitswe

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Jamila

    Kuya 14-07-2017 saa 14:34'

    umutoza SENINGA Innocent urakabije na ruswa, nukuvuga abana babanyarwanda badafite uko bari ntiwabazamura wataguhaye amafaranga.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru