RUHAGOYACU.com

As Kigali inyagiye APR FC, Abagore bayo bihererana Remera Rukoma

Umusore mushya w’ikipe ya As Kigali Ishimwe Kevin yabonye umwanya wo kwiyereka abanyamujyi mu mukino we wa mbere, ubwo yatsindaga igitego muri bine ikipe akinira yatsinze APR FC uyu munsi kuri stade ya Kigali.

Uyu mukino wateguwe n’umujyi wa Kigali mu rwego rwo kwishimira ibyo bagezeho mu myaka irindwi itambutse, wari witabiriwe n’abayobozi batandukenya barimo Mayor w’umujyi wa Kigali Pascal Nyamurinda hamwe na ba Vice Mayor be babiri.

APR FC iheruka kwegukana igikombe cy’Amahoro, yari yakoze impinduka mu ikipe yabanje mu kibuga, dore ko umutoza Jimmy Mulisa yatangije abakinnyi batandatu basanzwe babarizwa mu ishuri rya ruhago ry’iyi kipe, ni ko kubaha Sekamana Maxime ngo ababere kapiteni.

Ishimwe Kevin(ufite umupira) yatangiye atsindaIshimwe Kevin(ufite umupira) yatangiye atsinda
Congolais yabanje kwifotozanya n'abana yasize epfo iyo muri AcademyCongolais yabanje kwifotozanya n’abana yasize epfo iyo muri Academy
Mulisa na Eric bakinanye muri APR FC igikaze(N'ubu irakaze)Mulisa na Eric bakinanye muri APR FC igikaze(N’ubu irakaze)
APR FC yahaye umwanya abakinnyi bo muri AcademyAPR FC yahaye umwanya abakinnyi bo muri Academy
Ishimwe Kevin na Ngama Emmanuel babanje mu kibuga nyuma yo kugurwa n'abanyamujyiIshimwe Kevin na Ngama Emmanuel babanje mu kibuga nyuma yo kugurwa n’abanyamujyi

As Kigali yo yari yakoze ku nkingi za mwamba zayo zirimo n’abakinnyi babiri bashya, yatangiranye imbaraga uyu mukino, ndetse umunota wa gatanu gusa wari uhagije ngo ifungure amazamu ku gitego cya Ndayisaba Hamidou.

Ntwari Fiacre wari mu izamu rya APR FC yaje kwisanga yongeye guhindukizwa ubugira kabiri na Ishimwe Kevin watsindiye As Kigali igitego ku munota wa 27 Evode akungamo k’uwa 63 w’uyu mukino wa gicuti waberaga i Nyamirambo.

Tchimanga Papy wagiye mu kibuga asimbuye yatsinze agashinguracumu, mu gihe Sindambiwe Protais yatsindiye APR FC impozamarira kua 85.

Nyuma y’umukino umutoza w’ikipe ya APR FC Mulisa Jimmy yatangaje ko abasore ba Academy bari ku rwego rwiza, gusa ko mu kibuga bakiri gukora amakosa menshi, ikintu yizera ko kizagabanuka uko bazajya bagenda bakura.

Sekamana Maxime yari yagizwe CaptainSekamana Maxime yari yagizwe Captain
Ishyaka ryarimo haba ku hasi...Ishyaka ryarimo haba ku hasi...
...no mu kirere...no mu kirere
Ntwari Fiacre wari mu izamu yagowe n'abasore ba As KigaliNtwari Fiacre wari mu izamu yagowe n’abasore ba As Kigali
Sindambiwe Protais ashobora kuzaryoshya ibitego naramuka azamuwe mu ikipe ya mbereSindambiwe Protais ashobora kuzaryoshya ibitego naramuka azamuwe mu ikipe ya mbere

Ku ruhande rwa Eric Nshimiyimana utoza A s Kigali, yatangaje ko uyu mukino utamugoye nubwo yaburaga abakinnyi benshi barimo abari mu ikipe y’igihugu ndetse n’abavunitse. Eric, yatangaje ko yari kwifuza kubona abakinnyi bashya bose bigaragaza muri uyu mukino, gusa akizera ko abandi batanu bazabona umwanya wo kwigaragaza mu mikino ibanziririza shampiyona, Pre season.

Mu wundi mukino wabimburiye uyu, ikipe y’abakobwa ba As Kigali yatsinze Remera Rukoma ibitego 3-1 mu mukino amakipe yombi yakinnye ku rwego rwo hejuru.

As Kigali na Remera Rukoma bakinnye umupira wo ku rwego rwo hejuruAs Kigali na Remera Rukoma bakinnye umupira wo ku rwego rwo hejuru
Ibi na bo barabigira...Ibi na bo barabigira...
Na DAB... ni abana se?Na DAB... ni abana se?

Amafoto: Hardi Uwihanganye

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. knc

    Kuya 8-07-2017 saa 10:19'

    Izi kipe zirakaze kbs! zizamara amakipe !


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru