RUHAGOYACU.com

AS Kigali irategura irushanwa rishobora guhuza amakipe y’ibigugu muri Afurika

Ikipoe ya AS Kigali irimo gutegura irushanwa rishobora kuzahuza amakipe yo mu Rwanda n’andi y’ibigugu muri Afurika, birimo amakipe yo mu bihugu byo mu Majyaruguru ya Afurika, AS Vita Club na TP Mazembe zo muri Repubulika iharanira Demokarasi ya Congo.

Umunyamabanga mukuru wa AS Kigali Nshimiye Joseph yatangarije RuhagoYacu ko mu rwego rwo kwitegura gutangira shampiyona itaha ya 2017-2018, barimo gutegura irushanwa rishobora kuzahuza amakipe ane ya mbere muri shampiyona y’u Rwanda y’uyu mwaka n’andi yatwaye ibikombe mu mijyi akomokamo cyangwa akunzwe cyane.

AS Kigali y'umwaka utaha si iyiAS Kigali y’umwaka utaha si iyi

Icyakora ntiharagera ngo bemeze amakipe azitabira iryo rushanwa n’ubwo hari ayo bandikiye bayamenyesha gahunda, ariko hakaba hagitegerejwe ko haboneka abafatanyabikorwa n’abaterankunga b’irushanwa ngo babone kohereza ubutumire ayo makipe yose bifuza ko azitabira.

Nshimiye yagize ati “Ntabwo turatumira. Twabandikiye tubamenyesha gusa ko irushanwa rihari, tuzabatumira tumaze kubona abaterankunga.”

Yakomeje avuga ko iryo rushanwa bateganya ko ryazakinwa kuva hagati mu kwezi kwa Kanama kugeza mu ntangiriro za Nzeri uyu mwaka.

Yanga Africans nk'ikipe ya rubanda muri Tanzania na yo ishobora kuzaba ihariYanga Africans nk’ikipe ya rubanda muri Tanzania na yo ishobora kuzaba ihari

Amakuru agera kuri RuhagoYacu avuga ko amwe mu makipe AS Kigali yandikiye ari AS Vita Club na TP Mazembe zo muri DRC, Wydad Casablanca yo muri Morocco, El Merrekh yo muri Sudani, Gormahia yo muri Kenya , Yanga Africans, Simba Sports club na Azam FC zo muri Tanzania, akazaba ahatana na Rayon Sports, Police FC na APR FC.

AS Kigali yabanje ku isoko ry’igura ry’abakinnyi mu Rwanda, ndetse ubu ikaba imaze kwigwizaho bamwe mu bakinnyi b’ibikomerezwa nka Nshuti Dominique Savio, Jimmy Mbaraga na Ndarusanze Jean Claude iyi kipe yakuye mu gihugu cy’u Burundi, n’abandi nka Ishimwe Kevin na Ngandu Omar, ikaba iri muri gahunda yo kubaka ikipe yazayihesha igikombe cya shampiyona bwa mbere mu mateka yayo.

AS Vita Club ikinamo Sugira Ernest na yo ni ubukombe muri Afurika, ishobora kuzaba iri i Kigali nk'ubushizeAS Vita Club ikinamo Sugira Ernest na yo ni ubukombe muri Afurika, ishobora kuzaba iri i Kigali nk’ubushize

TP Mazembe na yo ngo izatumirwa abaterankunga nibabonekaTP Mazembe na yo ngo izatumirwa abaterankunga nibaboneka

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Mukunzi

    Kuya 14-07-2017 saa 18:12'

    AS Kigali ndumva izanye igitekerezo cy’abagabo bafatika abandi batari bageraho.Byaba byiza cyane kuko amakipe yamenya uko atangiye Champion cyane ko bamenya naho bongera imbaraga muri phase II kuko bazaba batumiye ama equipe y’ubukombe.Bityo byatinyura amakipe yo mu Rwanda azasohoka akajya agenda yumva ari ibisanzwe ntabwoba ikipe yariyo yose yabatera.
    Ndabifuriza gukomeza uwo mugambi kandi nabandi barebereho hanyuma mu Rwanda murebe uko Club zakomera kuko no ku isi hose Club iba ikomeye kurusha equipe National y’igihugu runaka kuko muri Club haba haratoranijwe urusha abandi mugihugu runaka.

  2. smon

    Kuya 14-07-2017 saa 12:44'

    Apr izaritwara inyagiye TPMazembe 2-0 kuri final

  3. seba

    Kuya 13-07-2017 saa 23:03'

    bibaye ukuri umuriro wakwaka


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru