RUHAGOYACU.com

Azam FC yahize gucagasa ibyishimo by’aba-Rayons

Azam FC yavuze ko itaje kubihiriza Rayon Sports ibirori, ko ariko izaryoherwa no kwakira igikombe cya shampiyona gusa n’aho iyo kipe yo muri Tanzania yo ikegukana intsinzi mu mukino.

Kuri uyu wa gatandatu tariki ya 8 Nyakanga, ni bwo Rayon Sports iza gushyikirizwa igikombe cya shampiyona imaze amezi abiri yegukanye, aho mu muhango wo kuyishyikiriza icyo gikombe hatumiwe ikipe ya Azam FC mu mukino wa gicuti.

Mbere y’ibyo birori, kuri uyu wa gatanu tariki ya 7 Nyakanga ni bwo habaye ikiganiro n’Abanyamakuru, cyahuje ubuyobozi bwa FERWAFA, Rayon Sports, AZAM FC ndetse na Azam Media nk’umuterankunga wa shampiyona.

Philip Alando, Team manager wa Azam FC yahoze anayikiniraPhilip Alando, Team manager wa Azam FC yahoze anayikinira

Muri icyo kiganiro, Philip Alando, Umuyobozi muri Azam FC (Team Manager) yavuze ko batazemera kubihirwa n’urugendo rurerure bazakora basubira iwabo, dore ko baje n’imodoka.

Ati “Mbere ya byose turashimira Imana yadufashije kugera ino amahoro, Dar es Salaam-Kigali ni kure cyane. Reka nshimire Rayon Sports yadutoranyije mu makipe menshi ari muri Afurika y’Iburasirazuba (EAC), ntibagiye muri Kenya cyangwa muri Uganda, ahubwo baje muri Tanzania na bwo ntibafata Yanga cyangwa Simba kandi ari amakipe akomeye, uwo ni umugisha kuri twe kuko burya turazwi mu Rwanda.”

“Tuzakina umukino mwiza urimo ikinyabupfura, tuzashimisha abafana bazaba bari ku kibuga. Uzaba ari umunsi mwiza kuri bagenzi bacu bazashyikirizwa igikombe cyabo, ariko reka mvuge ko bazishima ibicagase, kuko turashaka bubatsinda kugirango natwe twishime. Kuva i Dar es Salaam ukaza gutsindirwa i Kigali byaba ari bya bindi by’umupira ariko twe turashaka ibyishimo.”

Azam FC yaje n'imodoka barara i Kahama bagera i Kigali kuwa kaneAzam FC yaje n’imodoka barara i Kahama bagera i Kigali kuwa kane

Azam FC yazanye abakinnyi 22 barimo Yahya Mohamed ukomoka muri Ghana na Bruce Kangwa ukomoka muri Zimbabwe, uyu akaba ari n’umwe mu bari bagize ikipe y’icyo gihugu iheruka mu mikino ya nyuma y’igikombe cya Afurika.

Abandi bose ni abanya-Tanzania barimo batandatu (6) bazamutse mu ikipe ya mbere uyu mwaka bava mu ngimbi za Azam FC, barimo n’uwitwa Masoudi Abdallah wabaye umukinnyi witwaye neza kurusha abandi muri icyo cyiciro muri uyu mwaka wa shampiyona.

Iyi kipe ya Azam FC iyobowe n’umutoza wungirije kuiko umutoza wayo mukuru, Aristica Cioaba ari iwabo muri Romania aho yagiye gusoza amasomo ye y’ubutoza nk’uwabigize umwuga.

Umuyobozi wa Rayon Sports FC, Gacinya Chance Denys ngo ntibazemera ko Azam FC ibabihiriza ibiroriUmuyobozi wa Rayon Sports FC, Gacinya Chance Denys ngo ntibazemera ko Azam FC ibabihiriza ibirori

Ku ruhande rwa Rayon Sports, Umuyobozi wayo Gacinya Chance Denys yatangaje ko ari umwanya mwiza w’uko abakinnyi ba Rauyon Sports berekana icyo bahishiye abafana mu marushanwa nyafurika umwaka utaha.

Ati “N’ubwo umushyitsi yavuze ngo tuzaryoherwa igice ahandi ntituryoherwe, turagirango tiuzagaragaze imbaraga z’uko tuzasohokera igihugu umwaka utaha, kuzigaragaza rero ni ugutangira dutsinda amakipe ya hano hafi, n’ubwo ari umukino wa gicuti.”

Ibirori byo gutanga igikombe bizabimburirwa n’akararasisi kazatangirira ku ishuri ribanza ry’Intwari i Nyamirambo, aho abafana ba Rayon Sports bibumbiye mu matsinda (Fan Clubs) atandukanye bazateranira bambaye imyambaro ibaranga, bagakora urugendo rw’ibyishimo rwerekeza kuri Stade ya Kigali.

Mbere y’uko umukino utangira saa cyenda n’igice, abafana bazabanza gususurutswa n’abahanzi batandukanye barimo Charly na Nina, hanyuma nyuma y’umukino ho ibirori bikazakomereza mu mahema agezweho yubatse muri Camp Kigali.

Ikiganiro n'Abanyamakuru cyari kiyobowe na Visi Perezida wa FERWAFA, Kayiranga VedasteIkiganiro n’Abanyamakuru cyari kiyobowe na Visi Perezida wa FERWAFA, Kayiranga Vedaste

Umuhango wo gutanga igikombe hazahembwa Rayon Sports gusa, amakipe yayikurikiye azahembwa ku cyumweru tariki ya 9 NyakangaUmuhango wo gutanga igikombe hazahembwa Rayon Sports gusa, amakipe yayikurikiye azahembwa ku cyumweru tariki ya 9 Nyakanga

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. J.delapaix

    Kuya 8-07-2017 saa 13:54'

    Biraba aribicika kbx coup de chapeaux kubasore ba Rayonsport""""naho igikona ahacyohararangiye,,,,,

  2. joshua

    Kuya 8-07-2017 saa 13:04'

    tigana mbere yo gutanga igitekerezo ukazanamo APR ujye ubanza ubaze uko amakipe yakurikiranye biragaragara ko uvuga ibyo udasobanukiwe

  3. gikono

    Kuya 8-07-2017 saa 10:43'

    Gasenyi weeee singufana kandi si nteze no kuzagufana ariko ugire ibirori byiza,kandi nibigukundira unatsinde uyumukino nubwo bitakorohera.

  4. Murenzi

    Kuya 8-07-2017 saa 09:27'

    Abazi imibare mumfashe tubare
    42ans=8coup
    50ans=?coup
    Hhhhhhhhh
    Ngiyo equipe yabiciye bigacika mu rwagasabo
    Hhhhhhhh

  5. Tigana

    Kuya 8-07-2017 saa 02:40'

    Amafuti aragwira kw’isi nubwambere ikipe ibonye umudali n’igikombe iyayikurikiye igategurirwa undi munsi izahabwa umudali ko yabaye iya 2
    Ese APR ibaye iri kuri stade uwo munsi bakakira imidali yabo na cheque yabo byatwara iki ? Iyatsindiye umwanya wa 3 nayo bikaba uko keretse niba bumva Rayon yaratwaye igikombe cya Tanzaniya naho ubundi ibyo nugushyigikira amafuti no kutemera ko watsinzwe ikipe ikurusha nta Fair play irimo nababishyigikiye bigaye kabisa
    None ko Rayon itavuze ngo nzashaka undi munsi nzakina umukino w’umwanya wa 3 ku gikombe cy’amahoro ?

  6. gerard

    Kuya 7-07-2017 saa 20:27'

    gasenyi bazayiha ibyayo azam izabakosore ibabihirize

  7. munyanziza Theoneste

    Kuya 7-07-2017 saa 18:47'

    Rayon yacu oyeee

  8. Emmy

    Kuya 7-07-2017 saa 18:42'

    Ahoooo tukurinyuma kipe nziza gahorane iya guhanze.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru