RUHAGOYACU.com

Breaking News: Kazungu Claver yahagaritswe ku buvugizi bwa APR FC

Kazungu Claver wari umuvugizi w’ikipe ya APR FC yamaze guhagarikwa kuri uyu mwanya, ashinjwa gushaka guteranya no guteza umwaka mubi hagati ubuyobozi bw’ikipe ya APR FC n’abatoza bayo.

Nk’uko amakuru agera kuri RuhagoYacu abivuga, Kazungu Claver yahagaritswe ukwezi kumwe atavugira ikipe ya APR FC nyuma yo guteranya ubuyobozi bw’iyi kipe ya gisirikare, hamwe n’abatoza bayo.

APR FC ikaba imaze iminsi ititwara neza, ndetse imaze imikino itatu yikurikiranya idatsinda muri shampiyona mu gihe kuri iki Cyumweru bakira ikipe ya Pepiniere FC ku munsi wa 21 wa shampiyona.

Amakuru aturuka imbere mu ikipe ya APR FC ni uko nyuma y’imyitozo yo kuwa Mbere, Kazungu Claver yabwiye ubuyobozi bw’ikipe ko umutoza w’abazamu (Mugisha Ibrahim) yashatse kumukubita, agakizwa n’abafana bari bahari, ndetse n’umutoza mukuru (Jimmy Mulisa) yari ashyigikiye Mugisha.

Kuri uyu wa Gatatu mu gitondo, ubuyobozi bukuru bwa APR FC bwagiranye inama yiga kuri iki kibazo, bamwe mu bayobozi bavuga ko ntabyo bazi, ibi ibyatumye hahamagazwa Kazungu Claver ndetse n’umutoza Mugisha Ibrahim.

Imbere y’abayobozi ba APR FC, Kazungu yemeje ko Mugisha yavuze ko azamukubita mu gihe ubwo yasabwaga abakwemeza ko yabivuze, yagarutse kuri Rubona ndetse n’abandi, ariko atashatse ko bahamagarwa ngo babazwe ku bijyanye n’iki kibazo.

Nyuma yo gusanga Kazungu Claver ibyo yavuze ko yashatse gukubitwa na Mugisha, ndetse na Mulisa akarebera, bitarabaye, ibi byiyongeraho ngo kuba Kazungu ataragiye acana uwaka n’umutoza Mugisha mu myaka yashize (umwe ari umunyamakuru ndi ari umutoza mu ikipe y’igihugu), bwafashe icyemezo cyo kumuhagarika ukwezi kumwe mu bikorwa by’ikipe ya APR FC.

Kazungu Claver akaba yaragizwe umuvugizi wa APR FC mu kwezi kwa 7 umwaka ushize, ubwo iyi kipe yemezaga Kanyankore Gilbert ’Yaounde’ nk’umutoza mukuru, akaza gusezererwa nyuma y’iminsi 42 gusa.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. BONAVENTURE

    Kuya 19-03-2017 saa 20:56'

    ibya APR biteye isoni nubwo ntayifana ariko mba nyishaka ngo duhangane ikomeye twese turi na potencial kuburyo ubona match ikomeye none igeze naho impinja za pepiniere ziyogeraho uburimiro?!!!!!!! ni akumiro. KAZUNGU we nibamubabarire ubwo biba byivanze nawe akunda intsinzi kudatsindaa nibyo biri kumutera ibyo byose,.

  2. Garagaza

    Kuya 19-03-2017 saa 14:50'

    Ibyo muli Apr FC, birasekeje pe !

    N’ubundi, Kazungu yazanwe muli Apr Fc na de Gaule, wifuzaga kumucecekesha ; kuko yaramaze igihe yibasira ubuswa bwe mu kuyobora ruhago nyarwanda !

    Ikindi kidasanzwe muli Apr Fc ; Uwungirije Had Coach muli Apr Fc, yibitse ho CAF Pro Licence A, Had Coach Mulisa atigeze atsindira ! Iryo toneshwa ryo muli Apr Fc, hari aho ryayigeza koko ?!

    Harya ngo ni muli Rayons no muli Kiyovu, niho haba abaswa guswa ? Naho abumva ko gupfukamisha abakini ari bwo buryo bwiza bwo kuyobora Team ; ibyo sibyo bimunze Apr Fc ?

  3. steven

    Kuya 18-03-2017 saa 05:36'

    Kazungu avugisha ukuri nonese niba Mugisha atoza abanyezamu bakamara saison eshatu nta urazamura urwego rwe bigatuma equipe izana Ntalibi steven umuzamu wa gatatu wa police fc bakica Kimenyi Yves mwumva hatari ikibazo mu mitoreze koko? Ubuyobozi bwa RDF bwari bukwiriye gukora amavugura muri APR FC kuva ku (abayiyobora, abayitoza, abayikinira) nibwo yagarura igitinyiro yahozeho byaba na ngombwa ikayobirwa na Nyakubahwa Minister of Defence Afande James niwe uyitangira 100% akungirizwa na Afande Kayizar na Alex Kagame ubona aribo bazi football na Comite yubu ikamanurwa muri Academy yikipe kuko igeze ahabu pe

  4. souvenir

    Kuya 18-03-2017 saa 01:51'

    A PR murayishakaho iki ibyacu tubizi umutoza mubise aba uwa2 umutozamubi arikumwanya wanyuma APR rero muyireke muzaba mureba ibyizabakorera no abo bavandimwe nibishime koko bakomeje abantu bazima barya ibyo batakoreye

  5. musesenguzi

    Kuya 17-03-2017 saa 17:44'

    Murenzi,
    N’ubwo udakunda Rayon ariko nkunda ibitekerezo byawe.
    ubundi ibitekerezo ugira bikwiye kuba muri Gikundiro.
    ubitekerezeho neza urasanga iherezo uzaba umu-Rayon!!!!!!!!

  6. NKUNDABATWARE ERIC

    Kuya 17-03-2017 saa 11:52'

    UMVA APR FC NIBAREKE KAZUNGU CLEVA AYOBORE

  7. KAKA

    Kuya 17-03-2017 saa 03:10'

    Ubundi ariko yajyaga hehe yakomeje kuvuga imipira kwaribyo amenyereye gusa biratubabaje

  8. KAKA

    Kuya 17-03-2017 saa 03:10'

    Ubundi ariko yajyaga hehe yakomeje kuvuga imipira kwaribyo amenyereye gusa biratubabaje

  9. Jackson

    Kuya 17-03-2017 saa 02:54'

    Njyewe rero uko mbibona, simfana APR mfana Rayon, ariko nka Kazungu ntiyakabaye umuvugizi nonese umuntu ujya kuri Radio akavuga nibyo mumbere muri equipe ubwo wamushima ute erega toute verte n, est pas bonne a dire

  10. Murenzi

    Kuya 17-03-2017 saa 02:28'

    Mwabonye icyo ibimwaro bikora? Bamwariye kuri kazungu hahahahahah mbabwize ukuri APR nta buyobozi ifite kbs , ikibazo cyimitoreze mibi numutoza udashoboye bihuriyehe na kazungu kweri ?

  11. 1 | 2 | 3 | 4


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru