RUHAGOYACU.com

Breaking News: Kwizera Olivier yasinye amasezerano muri Free State ya Africa y’Epfo

Umukinnyi w’umunyarwanda Kwizera Olivier wahoze akinira ikipe ya APR FC na Bugesera mu mwaka ushize w’imikino, yamaze gusinya amasezerano y’imyaka 2 mu ikipe yo muri Africa y’Epfo mu cyiciro cya mbere.

Kwizera Olivier wari umaze iminsi ari mu igeragezwa mu gihugu cya Africa y’Epfo ahoRuhagoYacu yari yabatangarije ko uyu musore afite amahirwe yo gusinya amasezerano muri ikipe ya Free State Stars mu minsi ya vuba.

Aganira na RuhagoYacu kuri uyu wa mbere, uhagarariye uyu mukinnyi witwa Sbusiso Nkosi yemeje ko Kwizera Olivier yamaze gusinya amasezerano muri Free State Stars.

JPEG - 46.1 kb
Sbusiso Nkosi wafashije Kwizera kujya mu ikipe ya Free State Stars

" Nibyo uyu munsi twunvikanye n’ikipe ya Fress State Stars ya hano muri Africa y’Epfo." Sbusiso Nkosi, aganira na RuhagoYacu.

"Kuva yagera hano muri Africa y’Epfo iyi kipe yashimye cyane Oliver (Olivier Kwizera), ni umuzamu wabiyeretse neza, yaba mu myitozo no mu mikino ya gicuti yakinnye."

Olivier yamaze kunvikana n'ikipe ya Free State StarsOlivier yamaze kunvikana n’ikipe ya Free State Stars

" Yasinye amasezerano y’imyaka 2 yakongerwaho umwaka umwe. Ikindi ni ikipe yamukunze cyane, mfite icyizere ko azavamo umuzamu mwiza muri Africa y’Epfo."

Uyu mugabo uhagarariye Kwizera Olivier yakomeje atangariza RuhagoYacu ko yamenyanye na Kwizera Olivier nyuma yaho u Rwanda rukinnye na Zambia mu mukino wa gicuti.

" Namubwiwe n’umutoza w’abazamu ba Zambia, ambwira ko ari umukinnyi mwiza umwaka ushize." Uyu uhagarariye Kwizera, nyuma y’uko uyu musore asinye amaserano muri Free State Stars.

JPEG - 64.2 kb
Olivier yitwaye neza ku mukino wabahuje na Kaizer Chiefs iyi kipe ihita yemeza ko agomba gusimbura umuzamu wagiye muri Blackpool

" Umwaka ushize namusabye amashusho ye tumaze kuganira, nyereka amakipe yamushakaga baranamushima, ariko atinda kurekurwa no kubona ibyangombwa, ntibyakunda ko aza hano muri Africa y’Epfo, ubu ndishimye cyane ko uyu mwaka byagenze neza."

Nta amafaranga yo kumugura yamutanzweho kuko uyu musore yari amaze gusoza amasezerano mu ikipe ya Bugesera.

JPEG - 187.9 kb
Kwizera yari amaze umwaka akinira Bugesera FC
JPEG - 147.7 kb
Bugesera FC ntiyagoye Olivier Kwizera yahise imurekura amaze gusoza amasezerano

RuhagoYacu ikaba yamenye ko uyu musore azajya ahembwa hafi $5000 buri kwezi.

Ikipe ya Free State Stars ikomoka mu gace kitwa Bethlehem muri Africa y’EPfo muri Free State. Iyi kipe ikina mu cyiciro cya mbere kuva muri 2008.

JPEG - 25.8 kb
Kwizera agiye gusimbura umukongomani Mafoumbi werekeje muri Blackpool yo mu Bwongereza

Umwaka ushize w’imikino ntabwo woroheye iyi kipe ya Free State Stars aho yarangije ku mwanya wa 14 muri shampiyona y’icyiciro cya mbere irimo amakipe 16.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Gwiza

    Kuya 25-07-2017 saa 11:40'

    Umubare w’abapro uri kwiyongera kabisa. Bagiye kujya bahamaganwa bose bavuye hanze nk’abo muri za cote d’ivoire ibi bizadufasha nta gushidikanya.

  2. -####-

    Kuya 25-07-2017 saa 09:14'

    kwizera Turamushyigikiy kbs Imana Ibimufashemo

  3. Turatsinze Fred

    Kuya 25-07-2017 saa 09:12'

    Kwizera Turamushyigikiy kbs imana ibimufashemo

  4. DNA

    Kuya 25-07-2017 saa 07:06'

    ariko mwagiye mureka kwamamaza Olivier yakiniraga muri bugesera na APR icyarimwe umwaka w’imikino ushize cg nukugira nayo muyigaragaze Kwizera ahagiye mwifurije kubikora nkuko yabikoraga muribugesera .

  5. ineza

    Kuya 24-07-2017 saa 22:10'

    Olivier nagende agerageze amahirwe yongeremo akabaraga tumwifurije kwiywara neza akazagirira akamaro ikipe yigihugu

  6. Papy

    Kuya 24-07-2017 saa 21:27'

    Imana ishimwe kabisa. Uyu mutype ubundi ni umuzamu mwiza nizereko azabijyiriramo amahirwe.
    Congs to him!

  7. seba

    Kuya 24-07-2017 saa 21:20'

    si sawa aho

  8. Rama

    Kuya 24-07-2017 saa 20:10'

    Amahirwe masa kuri Olivie ndamwibuka mu isongo turi kumwe gusa azakure mu mutwe naho ubundi arashoboye


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru