RUHAGOYACU.com

Bugesera FC yongereye amasezerano umutoza Yaounde inasinyisha abakinnyi 2 b’Amavubi

Ikipe ya Bugesera FC yamaze kongerera amasezerano umutoza mukuru Kanyankore Gilbert Yaounde ihita inatangaza ko yasinyishije abakinnyi 3 barimo 2 bakinira ikipe y’igihugu Amavubi.

Bugesera FC imaze imyaka 2 mu cyiciro cya mbere mu Rwanda, aho ku nshuro ya mbere yarangije ku mwanya wa 7 ku rutonde rwa shampiyona, naho umwaka ushize w’imikino irangiza ku mwanya wa 5.

" Nibyo koko Bugesera yamaze gusinyisha abakinnyi 3." Silas Mbonimana umunyamabanga mukuru wa Bugesera FC, aganira na TV10.

" Ndatimana Robert ni umukinnyi mwiza wakiniraga ikipe ya Police FC, twamaze kumuha amasezerano y’imyaka 2, twaguze kandi myugariro wa Gicumbi FC witwa Patrick (Ntijyinama) kimwe n’umuzamu wa Pepiniere."

JPEG - 169.9 kb
Kwizera Olivier arifuzwa n’amakipe yo muri Africa y’Epfo

Uyu muzamu wa Pepiniere Nsabimana Jean De Dieu kuri ubu ari mu ikipe y’igihugu Amavubi aho yasimbuye Kwizera Olivier, bivugwa ko ashobora kwerekeza muri Africa y’Epfo. Uyu muzamu akaba atazanakina umukino wa CHAN, u Rwanda ruzahuramo na Tanzania.

JPEG - 57.6 kb
Kanyankore yongerewe amasezerano y’umwaka

Bugesera FC ivuga ko itaratakaza burundu icyizere cyo kubona Kwizera Olivier wifuzwa n’amakipe yo muri Africa y’Epfo. Silas atangaza ko bidakunze ko asinya muri Africa y’Epfo bakongera kumusinyisha.

Bugesera FC bivugwa ko yifuza ko Olivier yabasinyira amasezerano y’umwaka bakamuha miliyoni 5 z’amafaranga y’u Rwanda kimwe n’umushahara w’amafaranga y’u Rwanda 500 000.

Uyu munyamabanga mukuru wa Bugesera FC akaba kandi yabwiye TV10 ko umutoza Kanyankore Gilbert Yaounde bamaranye amezi 2 yamaze kongererwa amasezerano.

" Mbere yo gushaka abakinnyi bashya ikipe yabanje kongerera amasezerano umutoza mushya, kuri ubu Kanyankore akaba ari umutoza wa Bugesera mu gihe cy’umwaka uri imbere," Silas Mbonimana.

JPEG - 261 kb
Nsabimana Jean De Dieu wafatiraga Pepniere yamaze kwerekeza muri Bugesera FC

Bugesera FC bivugwa ko ifite gahunda yo kuba yaza mu makipe 4 ya mbere umwaka utaha w’imikino, ikba inifuza kandi kuba yahanganira igikombe cy’amahoro.

JPEG - 257.6 kb
Ndatimana Robert yamaze gusinya imyaka 2 muri Bugesera FC

Bugesera bivugwa ko ishobora kuzagura abandi bakinnyi 3, harimo myugariro wo hagati, ikagura kandi umukinnyi wo hagati n’umukinnyi ukina inyuma ku ruhande rw’ibumoso.

Mu bakinnyi bakomeye bivugwa ko bari mu biganiro na Bugesera, barimo umusore Gael Duhayindavyi w’umurundi, unashakwa cyane n’ikipe ya Rayon Sports.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Mugisha Ivan

    Kuya 9-07-2017 saa 10:42'

    Uwera Waramutse Neza None Ko Izina Ryawe Ariryiza Yewe Ndikunda Rimba Mubitekerezo Urumukobwa Cg Urumugore Noneho Ndishimangirire Rimwe Nimero Yange Niyi 0703458358 Uzambipe Cg Umpamagare Umbwire Sawa Umunsi Mwiza

  2. Uwera

    Kuya 6-07-2017 saa 10:44'

    Murakoze kutugezaho amakuru y’ikipe yacu.
    gusa badushakire umutoza wungirije.
    Gusa SG Yitwa Silas MBONIGABA ntago ari mbonimana.

  3. Uwera

    Kuya 6-07-2017 saa 10:32'

    Murakoze kutugezaho amakuru y’ikipe yacu.
    gusa badushakire umutoza wungirije


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru