RUHAGOYACU.com

Etincelles yitabiriye igikombe cy’amahoro abayobozi batabishaka.

Umutoza wa Etincelles Fc, Ruremesha Emmanuel aravuga ko hari bamwe mu bayobozi b’ikipe atoza batigeze bifuza ko iyi kipe yakwitabira amarushanwa y’igikombe cy’amahoro.

Ruremesha avuga ko kugera muri 1/8 cy’igikombe cy’amahoro, uruhare runini ari urw’abakinnyi kuko komite isa nk’aho idashyiramo imbaraga nyinshi, kuko bajya gukina nta n’umwiherero bakoze.

Ati’’ ntabwo ari ukubeshya kuko nibyo, hari n’abifuzaga ko tudakina iki gikombe, ariko kubera agaciro igikombe gifite tuza kujyamo, urebye navuga ko ari abakinnyi ubwabo basa nk’aho bari gushyiramo imbaraga cyane muri iki gikombe cy’amahoro, kuruta abayobozi’’ Ruremesha asubiza ikibazo cy’amakuru yavugaga ko hari bamwe mu bayobozi ba Etincelles Fc batashakaga ko yitabira imkino y’igikombe cy’amahoro.

Ruremesha Emmanuel arashinja abayobozi kutamushyigikira mu gikombe cy'amahoroRuremesha Emmanuel arashinja abayobozi kutamushyigikira mu gikombe cy’amahoro

Ikibazo nyamukuru ni amikoro ngo ari kugenda aba make kuko umwaka w’imikino uri kugenda ugana ku musozo, ndetse kikaba kitarakemuka.

Ruremesha avuga ko abakinnyi bari gushyiramo imbaraga kugirango wenda bazongererwe amasezerano (abayarangije) cyangwa andi makipe abashime, ariko uburyo bateguramo imikino budashimishije, nko kujya gukina i Kirehe bahagurutse uwo munsi kandi ari kure, bakajya i Rusizi inshuro ebyiri zikurikiranya (muri shampiyona no mu gikombe cy’amahoro).

Etincelles Fc igeze muri 1/8 cy’igikombe cy’amahoro, umukino ubanza yanganyije na Espoir Fc igitego kimwe kuri kimwe, mu mukino wabereye kuri stade Umuganda kuwa kane taliki ya 10 Gicurasi.

Umukino wo kwihsyura uzabera i Rusizi ku cyumweru taliki ya 14.

Ruremesha Emmanuel aravuga ko we n’abasore be bafite gahunda yo kugera muri 1/2 cy’igikombe cy’amahoro, wenda abayobozi bageraho bagashyiramo imbaraga zabo.

Ikibazo cy’amakipe yanga cyangwa akitabira mu buryo bwo kurangiza umuhango w’igikombe cy’amahoro, gikomeje kumvikana mu makipe menshi kuko hari n’akina adashaka gukomeza ahubwo yifuza ko yahita asezererwa ntatakaze amafaranga menshi, kubera ko nta mafaranga ari muri iri rushanwa afasha amakipe kuryitabira.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. GIKUNDIRO

    Kuya 12-05-2017 saa 17:46'

    RUREMESHA N’ABAKINNYI BACU NIMWIHANGANE MUKOMERE TWE ABAKUNZI BA ETINCELLES TUBARI INYUMA KANDI NTITUZABARENGANYA AHO MUTSINDWA HOSE TUZI KO KUVA KERA EQUIPE YACU ITAJYA IGIRA ABAYOBOZI!,NI IMANA IJYA IBANA NA ETINCELLES NAHO KUBYIFUZO BY’ABAYOBOZI NTIBIFUZA KO YABONEKA NO MUCYOCIRO CYA 2!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru