RUHAGOYACU.com

Ferwafa yemereye Gicumbi Fc kwakirira Rayon Sports Fc i Kigali

Ishyirahamwe ry’umupira w’amaguru mu Rwanda (FERWAFA) ryahaye uburenganzira ikipe ya Gicumbi Fc kuzakirira ikipe ya Rayon Sports Fc kuri Stade Regional ya Kigali.

Gicumbi Fc yagombaga kuzakinira kuri Stade yayo taliki ya 2 Gicurasi 2017, mu mukino w’ikirarane wa shampiyona utarabereye igihe kubera ko Rayon Sports Fc yari mu marushanwa y’amakipe yatwaye ibikombe byinshi iwayo(TOTAL CAF Confederations Cup).

Gicumbi Fc yandikiye FERWAFA kuwa kane taliki ya 27 Mata, iyisaba ko uyu mukino wakurwa i Gicumbi ukazanwa i Kigali.

Ibaruwa ya FERWAFA yemerera Gicumbi kwakirira Rayon Sports i KigaliIbaruwa ya FERWAFA yemerera Gicumbi kwakirira Rayon Sports i Kigali

Nyuma y’amasaha make FERWAFA yabasubije kuri uyu wa kane taliki ya 28 Mata, ko ubusabe bwabo bwemewe, umukino uzabera kuri Stade regional ya Kigali kuwa kabiri taliki ya 2 Gicurasi 2017 saa cyenda n’igice (15h30).

Abanyagicumbi bagiye kurangiza umwaka w’imikino wa 2016 – 2017, batarebye amakipe y’ibigugu ahora yifuzwa kurebwa n’abo mu ntara, kuko usibye Rayon Sports Fc igiye kwakirirwa i Kigali, APR FC nayo yakiriwe i Kigali kubera ko ikibuga cya Gicumbi cyari cyarahagaritswe na FERWAFA kubera kutuzuza ibisabwa.

Gicumbi iri guhangana no kutamanuka mu kiciro cya kabiri, iri ku mwanya wa 15 n’amanota 18, irarushwa amanota 2 na Marines Fc icirwaho umurongo mu zigomba kuguma mu kiciro cya mbere ku rutonde rw’agateganyo rwa shampiyona.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Murenzi

    Kuya 1-05-2017 saa 09:17'

    @musesenguzi nize yibizwe mumazi menshi hahahaha ubi rero nibyo bibashuka sasa ikipe yasohoka gato igakubitwa nkiza kabwana kaneye murugo toujour aya makipe yitwa ko akomeye akomeje koroherezwa na ferwafa azahora ari star a domicile paka ubu rero rayon niyo iri kwibere kuko APR yaracutse rata degole Komeza wishakire amanota uzongere utoregwe iyindi manda yo kuyobora federation

  2. namahoro

    Kuya 28-04-2017 saa 21:53'

    Harimo agafaranga.

  3. steven

    Kuya 28-04-2017 saa 21:17'

    Haaaaaaa? Football iri amateur niko ikora ubwo umuyobozi wa gicumbi bamuhaye akantu nyine nonese gicumbi irarwana no kutamanuka yarangiza ikizana i kgl ahubwo kiyovu na marines bigiriye amahirwe yo kuyamanuka niyitwara neza ku mikono izakira iwazo. Ese ko mbona aba rayons baracitse ku kibuga gicumbi iziko izabona inoti kandi rayon yaratwaye championat ahubwo yarigu profita abaturage bi gicumbi bakaza kuyitera ingabo mu bitugu ntimanuke. Marines na kiyovu barokotse kutamanuka birarangiye nkuko indirimbo ya kiyovu ibivuga ngo Kiyovu we kiyovu kiyovu genda ugira amahirwe kiyovu. Antoine wa gicumbi yihereye rayon amanota na okoko we pole sana

  4. nyamurya

    Kuya 28-04-2017 saa 19:10'

    ibi ndabishimye cyane kuko niba akarere kagicumbi karanze gufasha iyikipe, nayo ntahandi yakira agafaranga usibye gukinira na Rayon ikigali ahari abafana benshi bafite amikoro. ahubwo basabe ishyirwe nijoro abafana bazabe benshi cyane,nayo ibone kugafaranga kayifasha kutamanuka mucya2 kuko ubu hakenewe cash cyane haba mubasha igikombe nomubadashaka kumanuka.

  5. musesenguzi

    Kuya 28-04-2017 saa 19:07'

    Muzi ubwenge rata, mubure amanita 3, mubure n’agafaranga!!!
    Nimuze mwibizwe mu mazi menshi y’ibitego byinshi.
    Mwebweho murabimenyereye ko ariko bigenda iyo mwakinnye na Rayon.
    Ntabwoba byagombe kubatera.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru