RUHAGOYACU.com

FERWAFA yisubiye ku cyemezo cyo guha Rayon Sports igikombe ku mukino wa Kiyovu

Ishyirahamwe ry’umupira w’amaguru mu Rwanda (FERWAFA) ryisubiye ku cyemezo ryari ryafashe cyo kuzatanga igikombe ku mukino wa Kiyovu Sports, hahabwa agaciro ubusabe bwa Rayon Sports bwo kuzagitanga ku mukino wa gicuti izakina n’ikipe ishaka.

Rayon Sports yegukanye igikombe cya shampiyona hakibura imikino itatu ngo shampiyona irangire, iyo kipe yandikira FERWAFA iyisaba kuzayishyikiriza igikombe cyayo ku mukino w’umunsi wa 29 wa shampiyona izaba yakiriyemo APR FC.

Icyakora byakuruye impaka kugeza aho ubuyobozi bwa FERWAFA buteranye mu nama yo kuwa 24 Gicurasi, bufata icyemezo cyo kuzaha Rayon Sports igikombe mu mukino usoza shampiyona uzaba kuwa 15 Kamena, iyo kipe ikazaba yakiriwe na Kiyovu Sports kuri Stade Regional i Nyamirambo.

Rayon Sports yaba igiye guhura na Azam FC mu birori by'igikombe cya shampiyonaRayon Sports yaba igiye guhura na Azam FC mu birori by’igikombe cya shampiyona

Icyakora Rayon Sports ntiyanyuzwe n’icyo cyemezo, ihita yandikira FERWAFA mu ibaruwa yo kuwa 24 Gicurasi basaba guhabwa igikombe imbere y’abafana babo kuwa 28 Gicurasi, bitaba bikunze bakazakibaha ku mukino wa gicuti bazaba biteguriye.

Umuvugizi wa FERWAFA, Ruboneza Prosper yatangarije Ruhagoyacu ko ubusabe bwa Rayon Sports bwo kuzahabwa igikombe ku mukino wa gicuti yateguye bwahawe agaciro.

Ati “Yego bwaremewe. Rayon Sports irimo gufatanya na FERWAFA gushaka ikipe yakwemera kuza muri icyo gikorwa. Ishobora kuzaba iyo hanze cyangwa iy’imbere mu gihugu, byose birashoboka.”

Icyakora ngo ntiharamenyekana umunsi uwo mukino uzaberaho ari na wo nyirizina uzatangwaho igikombe cya shampiyona, ndetse n’ikipe izaba yaje muri uwo mukino wa gicuti, gusa ngo FERWAFA ni yo ifite inshingano zo gutegura ibirori byo gutanga igikombe cya shampiyona, ikipe yagitwaye yo ikagira uburenganzira bwo gutegura ibirori byo kucyakira.

Rayon Sports ngo ntishaka guhabwa igikombe mu mukino itakiriye kuko abafana bataryoherwa n'ibiroriRayon Sports ngo ntishaka guhabwa igikombe mu mukino itakiriye kuko abafana bataryoherwa n’ibirori

Twifuje kumenya umunsi uwo mukino wa gicuti uzaberaho n’ikipe Rayon Sports izaba yakiriye, duhamaga Umunyamabanga mukuru akaba n’umuvugizi w’iyo kipe, Gakwaya Olivier, ariko ntiyitabye telefoni ye igendanwa.

Icyakora amakuru agera kuri RuhagoYacu avuga ko ku bufatanye n’Umuterankunga wa shampiyona ari we Azam, hatumiwe ikipe ya Azam FC, uwo mukino ukazaba ku itariki ya 8 Nyakanga.

Azam FC yo muri Tanzania yaba ari Umuturanyi mwiza wa Rayon Sports bagiye gusangira ibiroriAzam FC yo muri Tanzania yaba ari Umuturanyi mwiza wa Rayon Sports bagiye gusangira ibirori

Ibaruwa ya Rayon Sports yasabaga ko bahabwa igikombe mu mukino wa nyuma bakiriyeIbaruwa ya Rayon Sports yasabaga ko bahabwa igikombe mu mukino wa nyuma bakiriye

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. kidumu

    Kuya 3-06-2017 saa 07:25'

    hagarara gato wirebere ukuntu stade amahoro yaraye ikiniweho amavubi na Maroc bagiye kongera gutangira kuyisana ngo tuzabure aho twakirira igikombe cyacu.Ferwafa kabisa mwaragaragaye...

  2. Bwiza

    Kuya 2-06-2017 saa 08:04'

    Ni byiza cyane, icyo kirori ntituzagitangwa.

  3. Katauti

    Kuya 2-06-2017 saa 07:30'

    Hahahahahahahahahahahahahaha,umupira nyarwanda genda ufite abakuyobora kbsa.

  4. ema

    Kuya 1-06-2017 saa 20:33'

    Ngo banzeko manegeka fc ikoma amashyi ra?nkaho aribo bafite menshi kurusha aya rayon azam izaze muzarebeko tutayikomera bikaryoha ureke za ndangare zirirwa zidoga ngo nintare intare twemera nizifata umuheto sha ntabwo mwebwe murintare muri star a domicire intare nyayo ntigera kuri zanaco ngo idagadwe wapi ntimukadutuburire

  5. bagumaho

    Kuya 1-06-2017 saa 18:51'

    Alert âš kuri rayon sports, icyo gikombe mushobora kucyishimana nabakinnyi nk’icumi. Mperuka contract zabakinnyi inaha, zirangira le 4/7.rero numva match yaza mbere

  6. peter

    Kuya 1-06-2017 saa 18:31'

    urigereranya na mazembe wowe!!! ko mwatwara champions mukanabatizwa NYANDWI ,kereka ari Apr kuko twigeze kuyinyagirira mu Rwanda

  7. Kalisa

    Kuya 1-06-2017 saa 16:58'

    Ababihombeyemo ni Abayovu kuko iyo FERWAFA itisubiraho nta match yari kuzaba bikaba wenda byafasha Kiyovu kutamanuka mu cyiciro cya kabiri! None rero reka Rayon Sports ize iyimanure nta kundi...

  8. haguma

    Kuya 1-06-2017 saa 14:42'

    uyumukino byaba byiza ikinwe ari muri wkend, ababa muntara kure nabo bakaza kwishimira igikombe.

  9. dix

    Kuya 1-06-2017 saa 14:07'

    Nibaza ibibazo 2.Amahoro barayasannye yararangiye?Ferwafa irikirigita igaseka kweri.

  10. zed

    Kuya 1-06-2017 saa 12:48'

    ubwo se ferwafa yisubiyeho gute yaranze kukiduha kuri APR, ko nubundi kuri kiyovu tutari bubyemere kuko ntaho biba.
    banze gukorwa n’isoni.nibazane mazembe niyo dushaka kuko ifitw abakunzi inaha.ikirori kizaryohe

  11. 1 | 2


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru