RUHAGOYACU.com

Imvano y’ibyiswe ‘uburiganya’ bwari bwatumye Nyandwi Saddam abuzwa gukina na Rayon Sports

Hari abibazaga ko Espoir FC ishobora guterwa mpaga izira gukinisha Nyandwi Saddam wavugwaga ko atemerewe gukina umukino wo kwishyura wa ½ cy’irangiza mu gikombe cy’Amahoro iyo kipe yatsinzwemo na Rayon Sports igitego 1-0 kitayibujije gukomeza ijya ku mukino wa nyuma.

Kuri uyu wa gatatu tariki ya 28 Kamena ni bwo hakinwe umukino wo kwishyura wa ½ cy’irangiza mu mikino y’igikombe cy’Amaharo, aho Rayon Sports yakiriye Espoir FC ikanayitsinda igitego 1-0, ariko igahita isezererwa kuko iyo kipe y’i Rusizi yari yatsinze ibitego 2-0 mu mukino ubanza.

Muri uwo mukino, Espoir FC yakinishije umukinnyi Nyandwi Saddam wari wabanje kuvugwa mbere y’umukino ko atemerewe gukina kubera ko afite amakarita atatu y’umuhondo.

Nyandwi Saddam ahanganiye umupira na Manishimwe Djabel wa Rayon SportsNyandwi Saddam ahanganiye umupira na Manishimwe Djabel wa Rayon Sports

Icyakora mbere gato y’uko umukino wa Rayon Sports na Espoir FC utangira, abayobozi b’iyo kipe y’i Rusizi bahamagawe n’umwe mu bagize Komite nyobozi ya FERWAFA ababwira ko Nyandwi Saddam yemerewe gukina, Albert Mwanafunzi usinzwe amarushanwa mu ishyirahamwe ry’umupira w’amaguru mu Rwanda na we abiha umugisha.

Amakuru agera kuri RuhagoYacu, avuga ko raporo y’umusifuzi ndetse n’uwari Umugenzuzi w’Umukino wa 1/16 mu gikombe cy’Amahoro, Espoir FC yatsinzemo Esperance ibitego 4-1 ku Mumena, Nyandwi Saddam yahawe ikarita y’umuhondo ku munota wa 75.

Ibyanditse muri iyo raporo Espoir FC yabimenyeshejwe mu gitondo cy’umunsi yagombaga gukinaho na Rayon Sports (kuwa 28 Kamena), abayihagarariye bahita bajya ku cyicaro cya FERWAFA, basanga iyo raporo ihari, maze mu guhinyuza hifashishwa amashusho yafashwe na Azam TV kuri uwo mukino, basanga ikariya y’umuhondo yarahawe Hatungimana Bazil wari wambaye nomero 13 ariko yandikwa kuri Nyandwi Saddam wari wambaye nomero 3.

Nyandwi Saddam asanzwe yambara nomero gatatu ariko mu mukino wa rayon Sports yari yambaye nomero 72Nyandwi Saddam asanzwe yambara nomero gatatu ariko mu mukino wa rayon Sports yari yambaye nomero 72

ibyo ni byo byari byatumye Nyandwi Saddam abuzwa kugaragara mu mukino wa Rayon Sports kuko iyo karita y’umuhondo yamwanditsweho mu mukino wa Espoir FC na Esperance FC, yakurikiwe n’iyo yahawe mu mukino wabahuje na Marine FC muri ¼ ndetse n’iyo yabonye mu mukino ubanza wa ½ bakinnye na Rayon Sports.

Icyakora abumvaga ko Espoir FC yaterwa mpaga basubize amerwe mu isaho, kuko nta n’ikirego Rayon Sports yigeze itanga nk’uko Umunyamabanga mukuru akaba n’Umuvugizi wayo, Gakwaya Olivier yabitangarije RuhagoYacu.

Nyandwi Saddam yari yagowe cyane na Nshuti Dominique Savio ariko akamucungira hafiNyandwi Saddam yari yagowe cyane na Nshuti Dominique Savio ariko akamucungira hafi

Nahimana Shassir yari yabujijwe amahwemo n'ab'inyuma ba Espoir FCNahimana Shassir yari yabujijwe amahwemo n’ab’inyuma ba Espoir FC

Abafana ba Espoir FC mu munyenga wo gukorera amateka kuri Rayon Sports yigeze kubatsindira ku mukino wa nyuma w'iki gikombeAbafana ba Espoir FC mu munyenga wo gukorera amateka kuri Rayon Sports yigeze kubatsindira ku mukino wa nyuma w’iki gikombe

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. RUTO

    Kuya 29-06-2017 saa 19:43'

    WOWE SADURA TOKA BUMBAFU ......

  2. SADURA

    Kuya 29-06-2017 saa 11:37'

    Ariko abayobozi ba Rayon koko babaye bate !!!!??gusa bagira inda nini koko ntibabuze byose!!!!! babona bataduhemukira koko kumbi agakino bagakinnye kera ntitwabimenya niba ataribo babikoze abasibye umukino ubanza wa Espoir FC babakoreyiki???? ntacyo. ko Bigaragarako Nyandwi Sadamu yakinnye atemerewe cyane ko atarari no kuri line Up yabakinnyi ba Espoir ubwo kuki badashaka gutanga ikirego icyo nikerekanako byose barinyima tango iyo sinda nini gusa ,ahubwo izabata nokugasi


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru