RUHAGOYACU.com

Jimmy Mulisa ntiyiyumvisha ibizamini bizakoreshwa abakinnyi bahamagawe mu Mavubi

Umutoza w’ikipe ya APR FC; Jimmy Mulisa ntiyiyumvisha uburyo abakinnyi bahamagawe mu ikipe y’igihugu, Amavubi, bazabanza gukorerwa ikizamini cy’uko bahagaze nyamara bamaze igihe bakina imikino itandukanye mu makipe yabo, aho atewe impungenge n’uko hari abashobora kuhagirira imvune.

Mulisa yabitangaje kuri uyu wa Gatatu nyuma yo gusezerera Vision FC mu gikombe cy’Amahoro, ubwo yari abajijwe n’abanyamakuru uko yakiriye kuba abakinnyi ba APR FC bagera kuri 11 bagomba kuva mu ikipe tariki ya 3 n’iya 4 z’ukwezi gutaha bakitabira test physique (ibizami byo kureba uko bahagaze, no kureba imbaraga bafite) nyuma yo guhamagarwa mu ikipe y’igihugu.

Aba bakinnyi 41 bahamagawe, bazitabira ibi bizamini byo kureba uko bahagaze kuwa Gatatu no kuwa Kane w’icyumweru gitaha mu gihe shampiyona y’icyiciro cya mbere mu Rwanda, Azam Rwanda Premier League izakomeza ku munsi wa 26 umunsi umwe nyuma yo kuva muri iyi physical test.

“Maze iminsi mbitekerezaho, sinzi iyo test physique ari iyihe. Nzareba ukuntu mvugana nabo numve uko iyo test izaba imeze kuko turi mu mikino yo kwishyura, rero ugiye gukoresha umukinnyi test physique ushobora kumwicira rimwe, ugasanga hajemo ibibazo by’imvune, ariko nzareba ukuntu mvugana nabo numve uko imeze turebe uko twumvikana.”- Mulisa utoza APR FC aganira n’itangazamakuru.

Jimmy Mulisa akaba yarabaye umutoza wungirije mu ikipe y’igihugu Amavubi kuva mu Ugushyingo 2015, akorana na Jonathan MacKinstry mu gihe kandi ari na we wahawe ikipe nyuma yo kwirukanwa k’umutoza mukuru mbere y’uko umudage Antoine Hey ahabwa uyu mwanya.


Jimmy Mulisa agaruka ku bakinnyi be na physical test izakorwa mu ikipe y’igihugu
Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Katauti

    Kuya 27-04-2017 saa 23:46'

    Ibyo Mulisa uvuga nibyo pe,ntakuntu umukinyi yakora Physical test iminsi ibiri mbere yuko akina match ntibibaho.

  2. emile niyitegeka

    Kuya 27-04-2017 saa 08:24'

    hello, imitecyerereze iratandukanye, ko numva policy ya ANTONY Hey bagiye kuyivangira/ ko numva wagirango ntiyizeye abakinnyi be ku bijyanye na physical,

    nyine UMUTOZA W’AMAVUBI numva ari ibyo ashaka kureba, nta kwigira KONGWE muri national team, mutubabarire hazajyemo merited players tutitaye ku mikino umukinnyi yayikiniye.

    merci


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru