RUHAGOYACU.com

Kagame Cup: Intara y’Amajyepfo yaseye itanzitse imbere y’iy’Amajyaruguru

Umurenge wa Mbazi, mu Karere ka Huye, uhagarariye Intara Intara y’Amajyepfo watsinze uwa Byumba mu Karere ka Gicumbi uhagarariye Amajyaruguru ibitego 2-0 mu bagabo, Kayenzi yo muri Kamonyi itsinda Muhoza yo mu Karere ka Musanze 1-0 mu bari n’abategarugori mu mikino ya ½ cy’irangiza mu irushanwa Umurenge Kagame Cup.

Ni imikino ya ½ cy’irangiza irimo ikinwa mu irushanwa ryitiriwe Umukuru w’Igihugu Paul Kagame, hagamijwe gushimangira no gushyigikira ihame ry’imiyoborere myiza yimakaje mu Rwanda.

Mu mikino ya ½ cy’irangiza, hakozwe amatsinda abiri, aho rimwe rigizwe n’Intara y’Iburasirazuba, iy’Iburengerazuba ndetse n’Umujyi wa Kigali, mu gihe irindi tsinda ryo ririmo Intara y’Amajyepfo n’iy’Amajyaruguru.

Umurenge wa Mbazi mu Ntara y'Amajyepfo wihagazehoUmurenge wa Mbazi mu Ntara y’Amajyepfo wihagazeho

Mu gihe iyo mikino ya ½ yatangiye ikinwa kuwa kane tariki ya 8 Kamena mu itsinda ririmo Intara ebyiri n’Umujyi wa Kigali, kuri uyu wa gatandatu tariki ya 10 Kamena hari hatahiwe itsinda ririmo Intara ebyiri, aho Amajyepfo yakiriye Amajyaruguru.

Abagabo bakiniye kuri Stade Huye, maze Mbazi itsinda Byumba ibitego 2-0, byatsinzwe na Mujyanama Fidel, umukinnyi wanagaragaje urwo rwo hejuru muri iryo rushanwa, ku buryo nta gushidikanya ko yazaba umukinnyi mwiza wagaragariye muri iri rushanwa ryitiriwe Umukuru w’Igihugu.

Abari n’abategarugori bo bakiniye ku kibuga cya GS Remera Rukoma mu Karere ka Kamonyi, Kayenzi itsinda Muhoza ya Musanze igitego 1-0.

Imikino yo kwishyura muri iri tsinda iteganyijwe kuwa kane tariki ya 14 Kamena, ikazabera kuri Stade ya Gicumbi, ari na bwo hazamenyekana ikipe zizakina imikino ya nyuma.

Umurenge wa Byumba wo mu Majyaruguru watunguriwe i HuyeUmurenge wa Byumba wo mu Majyaruguru watunguriwe i Huye

Mu rindi tsinda kuwa kane tariki ya 8 Kamena, Umurenge wa Kinyinya uhagarariye Umujyi wa Kigali uwa Rukira wo mu Karere ka Ngoma uhagarariye Intara y’iburasirazuba igitego 1-0, mu gihe mu bari n’abategarugori uwa Gatsata mu Karere ka Gasabo wanganyije igitego 1-1 n’uwa Nasho wo mu Karere ka Kirehe.

Irushanwa Umurenge Kagame Cup ryatangiye gukinwa mu mwaka wa 2006, icyo gihe rikaba ryaritwaga “Irushanwa ry’Ímiyoborere”, maze mu 2010 rihita ryitwa “Umurenge Kagame Cup” hagamijwe gushima umukuru w’Igihugu ku miyoborere ye myiza ndetse no ku nkunga adasiba gutanga mu guteza imbere imikino.

Iryo rushanwa ryatangiye rikinwa mu mupira w’amaguru gusa, ariko uyu mwaka hanashyizwemo amarushanwa mu mikino ngororamubiri (Athletisme) yo gusiganwa ku maguru ndetse na Sitball hazirikanwa ko abafite ubumuga na bo bagomba gukina.

Iri rushanwa ritegurwa n’ishami rishinzwe guteza Imbere Imiyoborere myiza no kwegereza Ubuyobozi n’Ubushobozi abaturage mu kigo cy’Igihugu gishinzwe Imiyoborere (RGB).

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. NTIRAMPEBA Corneille

    Kuya 11-06-2017 saa 21:04'

    MBAZI F.C Oyeee!!! nimukomereze aho basore nukonuko


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru