RUHAGOYACU.com

Kalisa Adolphe "Camarade" wa APR FC yagizwe umuyobozi w’akanama gategura amatora ya FERWAFA

Kalisa Adoplhe bakunze kwita "Camarade" usanzwe ari umunyamabanga w’ikipe ya APR FC, yagizwe umuyobozi w’akanama gashinzwe gutegura no kuzayobora amatora ya komite nyobozi nshya y’ishyirahamwe ry’umupira w’amaguru mu Rwanda FERWAFA, azaba muri Nzeli 2017.

Camarade ayoboye komite igizwe n’abantu 7 batanzwe n’abanyamuryango ba FERWAFA nkuko byemejwe mu nama y’inteko rusange ya FERWAFA yabereye i Rubavu taliki ya 25 Werurwe 2017.

Iyi nama y’inteko rusange yari yemeje ko amakipe yose y’ikiciro cya mbere, ay’icya kabiri, ay’abagore n’amasosiyasiyo (associations) azitoramo abantu babahagararira muri aka kanama.

Nyuma y’amatora, amakipe y’ikiciro cya mbere (16) yatanze Kalisa Adolphe Camarade usanzwe ari umunyamabanga wa APR FC na Nsengiyumva Mvano Etienne usanzwe ari perezida wa Etincelles Fc.

Amakipe y’ikiciro cya kabiri yatanze Ntivuguruzwa severain (Muhanga Fc) na Kalinganire Ismael.

Abagore nabo bitoyemo babiri aribo Gacinya Teddy (As Kigali WFC) na Nsabimana Jean De Dieu (Bugesera WFC).

Amasosiyasiyo (Associtaion) arimo abasifuzi, abatoza n’abandi yatanze umuntu umwe ariwe Rukundo Eugene usanzwe muri asosiyasiyo y’abatoza.

Aba bantu barindwi bagize aka kanama bamaze gutangwa nabo bishyize hamwe bitoramo komite maze Kalisa Adolphe Camarade aba Perezida, ku mwanya wa vice perezida hatorwa Rukundo Eugene naho umunyambanga aba Ntivuguruzwa Severain.

Aka kanama gafite inshingano zo gutegura no kuzayobora amatora ya komite nyobozi nshya, igikorwa kizaba muri Nzeli, nyuma yo kubyemeza mu nama y’inteko rusange yabereye i Rubavu, nubwo benshi batabyumvikanyeho, dore ko amatora yari asanzwe aba mu kwezi kwa Werurwe.

mu matora aheruka Nzamwita De Gaulle (wambaye isaha) yahanganye na Munyandamutsa, uyu mwaka ni nde uzamuhangara niyiyamamazamu matora aheruka Nzamwita De Gaulle (wambaye isaha) yahanganye na Munyandamutsa, uyu mwaka ni nde uzamuhangara niyiyamamaza

Ikindi abanyamuryango batumvikanaho ni uburyo aka kanama kitwa ngo karigenga kandi kagizwe n’abanyamuryango ba FERWAFA gusa.

Ruboneza Prosper uvugira FERWAFA yavuze ko ibindi byose birebana no kwiyamamaza n’ibindi bireba amatora bizabazwa aka kanama kigenga.

Ati " inshingano zabo ni ugutegura no kuyobora amatora ya komite nyobozi ya FERWAFA izaba mu kwa cyenda, ibindi birenzeho bizatangazwa n’iyi komisiyo yigenga ", Ruboneza.

Italiki nyir’izina y’amatora ntiremezwa burundu ariko harateganywa ko aya matora azaba taliki ya 10 Nzeli 2017.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. lengi lenga

    Kuya 24-05-2017 saa 14:47'

    Uyu mugabo ntabwo ari umusportif ahora yijimye na interventions ze ntizisobanutse ararakara rwose reba tempérament

  2. ema

    Kuya 24-05-2017 saa 12:13'

    Mushake ukuntu kinyoma fc mwayishakira igikosi mwa kuko yarasebye .

  3. gutio

    Kuya 23-05-2017 saa 11:37'

    nagyo amatora tu ubwose hari ikindi murindiriye uretse kureba film yakinnwe kandi hari abazuza umurongo
    kugirango film igende neza.

  4. Musesenguzi

    Kuya 23-05-2017 saa 11:14'

    Ibizava muri aya matora bigaragarira muuntu aya matora y’aka kanama: already kagizwe n’APR gusa. Peresida, VP ni APR abogamiraho, n’ibandi....
    Abantu batanire biyakira ko DeGaule azasubiraho.
    Sijye nahera hahera.....!!!!

  5. karekezi

    Kuya 23-05-2017 saa 08:51'

    Mbega uyu wirengagiza amategeko ya transfert niwe uje guhagarikira amatora.

  6. sibo y’intore

    Kuya 23-05-2017 saa 08:19'

    Amatora yo kwiyerurutsa hhhhh, na Severain ndamwiyiziye ni umufana wa APR bikomeye. Ahubwo ni APR iteguye amatora yayo si FERWAFA. Murasetsa uriya Camarade yayobora iki kikagenda koko!!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru