RUHAGOYACU.com

Kayumba Jean Pierre yongeye gutorerwa kuyobora Kiyovu Sports agira ibyo asezeranya abafana

Kayumba Jean Pierre wigeze kuyobora Kiyovu Sports akegura ubugira kabiri, ni we wongeye guhabwa amahirwe yo kuyobora ikipe ya Kiyovu Sports nyuma yamatora yabereye muri Hotel Galaxy kuri iki cyumweru.

Kayumba Jean Pierre wari umaze iminsi ari mu kanama gashinzwe kugura abakinnyi muri iyi kipe, yayoboye Kiyovu Sports bwa mbere Kiyovu Sports mu mpera z’umwaka wa 2013 Sendege Norbert wari wakuweho n’itegeko ryabuzaga abayobozi bakuru kuyobora amashyirahamwe gusa aza kwegura nyuma y’amezi umunani ku mpamvu ze bwite, hari muri Nyakanga 2014.

Kayumba Jean Pierre(hagati) ni ubwa gatatu aje ku buyobozi bwa Kiyovu SportsKayumba Jean Pierre(hagati) ni ubwa gatatu aje ku buyobozi bwa Kiyovu Sports

Uyu muyobozi ariko yaje kugaruka muri Kiyovu Sports nyuma y’amezi abiri gusa, ariko na bwo yongera kwegura muri Nyakanga 2015.

Kayumba wakomeje kuba impande y’iyi kipe y’Urucaca, yaje kongera kugirirwa icyizere mu nteko rusange y’abafana ba Kiyovu Sports asimbuye Gasamagera wari wagarutse ku buyobozi bw’iyi kipe gusa abakunzi ba Kiyovu bakamushinja kutayiba hafi.

Nyuma yo gutorerwa uyu mwanya Kayumba Jean Pierre yashimiye abakunzi ba Kiyovu Sports aniha intego zo kugeraho mu mwaka utaha wa shampiyona.

Kayumba yagize ati:“ Icya mbere ni uguhuza abakunzi ba Kiyovu Sports aho bari hose tukongera kuba inyuma y’ikipe yacu.

Turifuza kwitwara neza mu mwaka utaha wa shampiyona, intego yacu ni ukuza mu makipe ya mbere ubundi tukanitwara neza mu gikombe cy’Amahoro”.

Kiyovu Sports izanye indi sura nshya muri shampiyona nyuma yo kumanuka mu cyiciro cya kabiri umwaka ushizeKiyovu Sports izanye indi sura nshya muri shampiyona nyuma yo kumanuka mu cyiciro cya kabiri umwaka ushize

Muri iyi nteko rusange yari yitabiriwe n’abakunzi ba Kiyovu Sports bake ku mubare, hanemejwe ko hashyirwaho ibyiciro byo gukusanya inkunga buri kwezi kuva ku gihumbi kugeza ku bihumbi 100, mu rwego rwo kureba uko hajya haboneka amafaranga azatunga iyi kipe agera kuri miliyoni umunani nigice buri kwezi(8 500 000Frw), mu gihe akarere ka Nyarugenge gatanga miliyoni eshanu gusa.

Kiyovu Sports ikaba imazeiminsi yitegura shampiyona ikina imikino ya gicuti, aho kuri iki cyumweru yanganyirije na Mukura i Huye igitego 1-1.

Abayobozi batowe kuyobora Kiyovu Sports mu myaka ibiri iri imbere

  • Perezida: Kayumba Jean Pierre
  • Vice perezida wa mbere: Semigabo Eugene
  • Vice Perezida wa kabiri : Mvuyekure Francois
  • Umunyamabanga : Rachid Habimana
  • Umubitsi: Hector Mutijima
  • Diregiteri Tekinike : Omar
Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. gasamuzuri

    Kuya 25-09-2017 saa 22:45'

    Ni hahandi hanyu ndabona nta yahindutse ! Ko ndeba ba Salamualeko batagaragara mu buyobozi bite ?

  2. niyobugingo sosthene

    Kuya 25-09-2017 saa 07:30'

    kiyovu terimbere turagushyigikiye natwe dutuye Mozambique muzatugereho kiyovu turayikunda tubone uko twayitera inkunga


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru