RUHAGOYACU.com

Imanishimwe yiyongereye kuri Muhadjiri na Eric Congolais mu bafite imvune muri APR FC

Abakinnyi batatu b’ikipe ya APR FC; Imanishimwe Emmanuel ’Mangwende’, Hakizimana Muhadjiri na Tuyishime Eric ’Congolais bafite utubazo tw’imvune mu gihe iyi kipe ikomeje kwitegura imikino ya shampiyona n’igikombe cy’amahoro izasubukurwa mu minsi iri mbere.

APR FC yari iheruka gukura amanota atatu i Rubavu, itsinze Etincelles FC ibitego 2-0 mu mukino w’umunsi wa 22 wa shampiyona.

Urubuga rwa interineti rw’ikipe ya APR FC rutangaza ko Imanishimwe Emmanuel yagonganye na Sekamana Maxime mu myitozo y’ejo hashize, byatumye ababara mu ngingo z’urutambukiro rw’ikirenge ndetse kuri uyu munsi hashobora kumenyekana imiterere y’imvune ye.

Imanishimwe Emmanuel hategerejwe kumenyekana uko imvune ye iteyeImanishimwe Emmanuel hategerejwe kumenyekana uko imvune ye iteye

Abandi bakinnyi bafite ibibazo by’imvune muri iyi kipe,ariko bidakanganye ni: Hakizimana Muhadjiri utarakoze imyitozo yuzuye kimwe n’abandi muri iyi minsi itatu ishize, aho ejo hashize yakoze igice, akicara mu gihe kandi na Tuyishime Eric ’Congolais’ we yagize ikibazo ku kirenge cy’iburyo.

Tuyishime Eric azwi nka Congolais yazamuwe mu ikipe ya mbereTuyishime Eric azwi nka Congolais yazamuwe mu ikipe ya mbere

Congolais yazamukiye muri academie ya APR FCCongolais yazamukiye muri academie ya APR FC

Hakizimana Muhadjiri akaba yarakinnye umukino wa Etincelles FC nyuma yo kumara amezi ane yose adakandagira mu kibuga kubera imvune, ndetse amaze gukinira APR FC imikino ibiri muri uyu mwaka wa 2017.

Undi mukinnyi utagaragaye mu myitozo yo kuri uyu wa Kane mu gitondo yabereye ku kibuga cya FERWAFA, ni umunyezamu wa mbere, Mvuyekure Emery ariko nta kibazo cy’imvune afite.

Hakizimana Muhadjiri amaze gukinira APR FC imikino 2 ya shampiyona muri aya mezi 4Hakizimana Muhadjiri amaze gukinira APR FC imikino 2 ya shampiyona muri aya mezi 4

APR FC izahura na Vision FC muri 1/16 cy’igikombe cy’amahoro cy’uyu mwaka, irabarizwa ku mwanya wa kabiri muri shampiyona y’icyiciro cya mbere n’amanota 44, amanota 11 inyuma ya Rayon Sports ya mbere, mu mikino 22 imaze gukinwa.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Francois

    Kuya 10-04-2017 saa 03:43'

    Ariko kugeza ubu sinzi muri APR uwo bita umunyahanga uko aba ameze???!!! Omar akinira Abarundi nubwo ahyushya agatebe mu bashinga ntahe!!! Abanyamahanga barimo batazi icyo gukora nicyo kibabaje. Bazagarure ba Twite nubundi batatubeshya.

  2. Murenzi

    Kuya 9-04-2017 saa 20:33'

    Ngo APR igarure abanyamahanga muhangane ? Ndagusetse cyane Nonese igutikuye inshuro 3 aruko barimwo? Banza uhangane na amiable kanza
    @ kalisa APR yaragitwaye yewe rayon sport itanayikurikira kuko icyogihe APR yari yabaye 1 rayon ari iya 4 , ntukagereranye APR kuri rayon isaziye ubusa imyaka 43 ibikombe 7 gusa hahaha
    Conclusion: mu makipe azatsinda APR rayon ntirimwo kbs

  3. -####-

    Kuya 8-04-2017 saa 10:28'

    Ariko fans ba APR bibarya hehe iyo Rayon ikinishije abanyamahanga bafuha ibyishimo? mwebwe igihe mwabakoreshaga nta magambo twabazanyeho namwe muyagabanye cg mubagarure duhangane

  4. kalisa

    Kuya 7-04-2017 saa 07:25'

    Nonese wowe Aimable ko uvuga gutyo nyine turakomeye gutsinda Amagaju no gutsindwa na Gicumbi ukanganya n’ingemwe n’andi menshi urumva aribyo wakwirata hari igihe wari watwara igikombe urusha Gikundiro amanota arenga 10. Twubahane mu minsi iri imbere nzagucabiranya kandi wabanje gukora imirongo ibiri nyuremo nemye.

  5. aimable

    Kuya 6-04-2017 saa 21:28'

    ariko abafana ba Burozi fc mwabaye mute? ubwo rero muziko mukomeye kuba mutsinda amagaju yeweee ndabasetse

  6. steven

    Kuya 6-04-2017 saa 21:08'

    @ ema nonese muri gacanga hasigaye hakina umukinnyi ufite double identite ko twari tuzi ko asigaye yitwa mugheni kakule fabrice none mwagaruye mutuyimana musa gute ingengasi y’ibyahise muri foot urayigaruye hahahha ntanwo unazi ko ngando omar avukana na Ally ukina muri Mukura ukanakinira Amavubi naho uwo wise mutuyimana musa ni murumuna wa Kasereke thiery wakiniye V club na RDC macth nk’ebyiri urumva ko case zabo zidahuye pee. Gusa congz kuri championat 2017 mutwaye ariko next year APR izaba itandukanye niy’ubu mu mikinire.

  7. ema

    Kuya 6-04-2017 saa 20:29'

    manegeka fc oyee ni mamashenge ntakibazo gusa bazahamagare issa bigiriMana kubera manegeka yacu ikinisha abanyarwanda gusa rwose tumanitse amaboko ntamunyamahanga dukinisha yewe na ngando Omar azakina numunyarwanda ariko mutuyiMana musa numunyamahanga tudapfa ubusa rero muranyumva?


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru