RUHAGOYACU.com

Manzi Thierry wifuzwaga na APR FC yahawe miliyoni 12 yongera imyaka 2 muri Rayon Sports

Myugariro w’ikipe y’igihugu Amavubi Manzi Thierry, yarangije gushyira umukono ku masezerano y’imyaka ibiri akinira ikipe ya Rayon Sports nubundi yari asanzwemo.

Uyu musore ukomoka i Gikondo akigaragariza muri Marines, yari yifujwe n’amakipe atandukanye nyuma yo kurangiza amasezerano y’imyaka ibiri yari yasinye muri Rayon, amakipe yari arangajwe imbere na APR FC.

Manzi Thierry amaze kuba umwe mu nkingi za mwamba mu ikipe y'igihugu AmavubiManzi Thierry amaze kuba umwe mu nkingi za mwamba mu ikipe y’igihugu Amavubi

Ku ikubitiro, Manzi yari yabwiye ikipe ya Rayon Sports ko agitekereza ku cyifuzo bari bamugejejeho cyo kongera amasezerano, bikavugwa ko atari yanyuzwe n’amafaranga yahabwaga, aho amakuru agera kuri Ruhagoyacu avuga ko Rayon Sports yashakaga kumuha miliyoni 10 mu gihe we yifuzaga 15.

Ibi bikaba byarajyanaga no kuganira n’andi makipe atandukanye arimo APR FC yo mu Rwanda ndetse n’itangazamakuru rya Tanzania rikaba ryarakomeje kuvuga ko na Yanga Africa yo muri icyo gihugu iri kumugera amajanja.

Aha by’umwihariko ikipe ya APR FC biciye mu mutoza wayo Jimmy Mulisa, bakaba bari batangaje ko Manzi ari umukinnyi mwiza bakwifuza ko abakinira. Mulisa aganira na Ruhagoyacu yari yagize ati:

Ni Abakinnyi beza(Manzi Thierry na Radu) kuko abakinnyi bahamagarwa mu ikipe y’igihugu baba ari abakinnyi beza”.

“Baje muri APR FC hari icyo bafasha (kinini) cyane ndetse bakongera guhatana”.

Manzi yari yifujwe muri APR FC ngo aze asimbure Faustin Usengimana ushobora kuyisohokamoManzi yari yifujwe muri APR FC ngo aze asimbure Faustin Usengimana ushobora kuyisohokamo

Uyu ariko nyuma y’ibiganiro birebire n’ikipe ye, byarangiye ashyize umukono ku masezerano y’imyaka ibiri yindi muri Rayon Sports ahabwa miliyoni 12 z’ amafaranga y’u Rwanda (12 000 000Frw), ari na ko agenerwa umushahara w’ibihumbi 500 ku kwezi(500 000Frw).

Gusinyisha Manzi Thierry kikaba ari ikindi gitego Rayon Sports itsinze ni nyuma yo gushobora kugumana Muhire Kevin, Niyonzima Olivier Sefu na bifuzwaga n’amakipe atandukanye.

Rayon Sports kandi ikaba yaranagiye ku isoko ikurayo Rutanga Eric wakiniraga APR FC, Nyandwi Saddam yakuye muri Espoir, Habimana Yussuf yakuye muri Mukura ndetse ikaba itegereje rutahizamu Alassane Tamboura biteganyijwe ko agera mu Rwanda mu gitondo cyo kuri uyu wa kane.

Manzi yashyize umutima ku ikipe ya Rayon SportsManzi yashyize umutima ku ikipe ya Rayon Sports

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Tuyishime bony

    Kuya 23-10-2017 saa 10:34'

    reyon dukunda tsinda apr barire kdi utware ibikombe mukeba arire yari tuyishime bony simerwa.

  2. chris

    Kuya 27-07-2017 saa 22:17'

    umukinnyi uzi icyo ashaka arabanza agakina naho iyo ushatse amafranga urazima kko ntamukinnyi ujya muri APR ngo agume kuri top eg blaise....... so manzi congz kbsa uzave muri gikundiro ujya hanze kuko rayon itera ishaba

  3. kagabo

    Kuya 27-07-2017 saa 21:03'

    Ariko Gacinya rwose ko nkwemera, warebye ukuntu utwara Sibomana Papy wo muri APR FC, tukaba tubonye umusimbura wa Savio. Kabisa mwaba mukoze indi affairs ikomeye cyaneee, bivuga ko niba twabaraga ko umuntu ngenderwaho wavuye muri rayon sport ari Savio, ubwo muguze Papy ninkaho ntacyaba gihindutse muri rayon sport muri nrw season ya 2017/2018. Ahubwo twaba turimo yubara inyungu yabandi bakinnyi bashya twungutse kandi bakomeye

  4. Bwiza

    Kuya 27-07-2017 saa 18:53'

    Gahora utsinda Rayon nkunda.

  5. rama

    Kuya 27-07-2017 saa 17:30'

    ni byiza cyane kuba Thiery yasinye ariko kandi uwo rutahizamo w ibitego bine koko ntarutwa n uwo muri Dusabane Fc ko uwaho amaze gutsinda 16 hhh

  6. Emmy

    Kuya 27-07-2017 saa 12:59'

    turishimye cyane kuba manzi yemeye
    kudukorera

  7. Blessed Rayon

    Kuya 27-07-2017 saa 12:31'

    Rayon iri gukora neza, mureke natwe abafana dukore akazi kacu turushaho guterinkunga equipe kugirango nayo idushimishe.

  8. sean

    Kuya 27-07-2017 saa 12:30'

    Congz kuri gikundiro dukunda cyne komerezaho
    Naho Savio mumureke ntayandi mahitamo yari afite

  9. jean claude nsanzamahoroho

    Kuya 27-07-2017 saa 12:28'

    nibyagaciro kuri manzi ndetse na rayonspot.courage musore uziguhitamo kabisa

  10. ema

    Kuya 27-07-2017 saa 12:00'

    Sha manzi ndakwemeye ureba kure ubundise warikujya muri gihanya ntusubire inyuma?kuba utagiyeyo ubwabyo ndakwemeye na savio naramushimye cyane ibintu bamuhaye ntawabyanga ndabemera
    abayobozi courage

  11. 1 | 2 | 3


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru