RUHAGOYACU.com

Mukura na Hamdan ntibavuga rumwe kuri miliyoni zirenga 15 zagombaga guhabwa ikipe

Ikipe ya Mukura ntiyashoboye kubona amafaranga arenga miliyoni 45 mu yo yari yiyemeje gukoresha nk’ingengo y’imari y’uyu mwaka wa shampiyona, aho aya mafaranga itabonye arimo ayinga miliiyoni 16 yagombaga guhabwa n’uwahoze ari umunyamabanga mukuru wayo Sheikh Hamdan Habimana.

Mbere y’uko uyu mwaka wa shampiyona utangira, ikipe ya Mukura nk’izindi kipe zose yaje gutegura inteko rusange, ni ko gutangariza abanyamuryango bayo ko umwaka wari wabanje iyi kipe yari yakoresheje 156 345 587 Frw, gusa ko uyu mwaka turimo aya mafaranga yagombaga kwiyongeraho gato akagera kuri 159, 622, 229.

Muri aya mafaranga, hakaba harimo miliyoni 102 n’ibihumbi 700 byagombaga kuva mu karere ka Huye ndetse hakabamo na 15 244 180Frw zagombaga kuva muri Kampani ijyana abayislamu i Mecque ya Fahico ihagarariwe na Sheikh Hamdan Habimana.

Perezida wa Mukura Olivier Nizeyimana na Volcano ayobora bo bari bashoboye gutanga 24 562 400Frw bemereye ikipePerezida wa Mukura Olivier Nizeyimana na Volcano ayobora bo bari bashoboye gutanga 24 562 400Frw bemereye ikipe

Aha ariko, byaje kurangira akarere ka Huye gahaye iyi kipe miliyoni 72 gusa, mu gihe amafaranga yari butangwe na Sheikh Hamdan wahoze muri iyi kipe yo atatanzwe nkuko Niyobuhungiro Fidel, umunyamabanga wa Mukura VSL yabitangarije Ruhagoyacu.

Ubundi ku ikubitiro akarere ka Huye kahaga Mukura miliyoni 72 gusa umwaka wari wabanje(2015-2016) akarere kari kemeye kongeraho miliyoni 30 ku ngengo y’imari ndetse abo twasimbuye bari bayahawe.”

“Natwe uyu mwaka twari twasabye akarere ko kakomeza kuduha izi miliyoni 102(72+30) gusa byaje kurangira bidakunze”.

“Ku bijyanye na Hamdan we nta mafaranga yigeze aduha ndetse yagiye atangaza mu itangazamakuru ko atazayatanga”.

Nubwo Mukura VS itangaza ko uyu wahoze ari umunyamabanga wayo yimanye amafaranga, Sheikh Hamdan Habimana we aganira na Ruhagoyacu yadutangarije ko ntawigeze amwaka amafaranga bityo ko atakwitirirwa kwanga gutanga amafaranga yari yemereye Mukura.

Yagize ati:“Abagombaga kuyaka ntabwo bangezeho ngo nyabahe nta rwego rwo muri komite ya Mukura rwigeze rungeraho ngo nyabahe”.

“Nge ndi umunyamuryango shingiro wa Mukura. Kera nyiri umunyamabanga ubundi twatumiraga abantu tuzi ko bagira icyo bafasha Mukura tukabereka amafaranga dukeneye abantu bakitanga uko bifite. Uko ni ko nange nitanze”.

Sheikh Hamdan kuri ubu ayobora ihuriro ry'ibigo byigisha umupira w'amaguru Ijabo RyaweSheikh Hamdan kuri ubu ayobora ihuriro ry’ibigo byigisha umupira w’amaguru Ijabo Ryawe

Hamdan yakomeje agira ati: “Ejo bundi mu ngengo y’imari nange bari banshyizemo(mubayatanga) gusa nta nama nimwe bigeze bakora cyangwa ngo bantumize sinyatange. Nge rero numvishe ko ahari bishoboye nta bufasha bakeneye”.

“Iyaba bavugaga ko bangezeho nkayimana byaba byumvikana, kuko nubundi ikipe hari uburyo nagiye nyifasha ku giti cyange bityo ntabwo nayitereranye nubwo atari byo(byonyine) nari kwifuza gukora”.

Ikipe ya Mukura uretse kubura amafaranga yari yemerewe n’abafatanyabikorwa bayo, ntanubwo yahiriwe n’uyu mwaka wa shampiyona yifuzagamo kwegukana byibura igikombe, gusa bikarangira itahanye umwanya wa 11 muri shampiyona, mu gihe yaje no gusezererwa muri 1/8 cy’igikombe cy’Amahoro.

Ikipe ya Mukura ntabwo yahiriwe n'uyu mwaka wa shampiyonaIkipe ya Mukura ntabwo yahiriwe n’uyu mwaka wa shampiyona

Iyi kipe ariko, ikaba iteganya kwiyubaka birushijeho mu mwaka utaha wa shampiyona igura abakinnyi bakomeye mu gihe ikomeje no kwifuza umutoza Masudi Djuma kuri ubu uri mu ikipe ya Rayon Sports.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. armstrong wihuye

    Kuya 10-06-2017 saa 20:28'

    mukura nikipe ikomeye hano murwanda wamuntu we wowe urikuvugako ngo massudi ataza gutakariza agaciro muri mukura uribeshya cyane,kuko kuba uyumwaka irimubibazo ntutekerezeko ariko bizahora,tegereza championa itaha ubundi urebe ikosora,ariko reka nshimire umuntu wanditse iyinkuru yakoze ubusesenguzi kabisa ruhago yacu mukomeje kuduha ikosora Mukura Kumutima

  2. Terence

    Kuya 9-06-2017 saa 07:46'

    Yooooo Mukura rwose uri munzozi kbsa ubwo koko Masudi ari kwandika izina ajye kuritera i Huye koko dore azaba ari muri Champion League none ngo muramwifuza hhhh mushakire ahandi rwose agomba kuduha ikindi gikombe cya Championat 2017-2018


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru