RUHAGOYACU.com

Mukura ibiganiro bigeze kure n’umutoza wa Vital’o- Seninga arongererwa amasezerano

Nyuma y’umwaka w’imikino wa 2016/2017 usojwe, igikurikiyeho ni impindura y’abatoza n’abakinnyi bari guhindura amakipe hano mu Rwanda, bashaka uko bakwitegura neza umwaka w’imikino utaha.

Police FC ikaba yamaze kwemeza ko Seninga Innocent arakomezanya n’iyi kipe mu mwaka utaha w’imikino, nyuma yo gufasha iyi kipe kuza ku mwanya wa 2 muri shampiyona yasojwe.

CIP Mayira umunyamabanga mukuru wa Police FC akaba yabwiye ruhagoyacu ko bataricara ngo basinyane amasezerano na Seninga, kuko nayo afite atararangira, ariko nta wundi mutoza bari kuganira nawe.

" Twihutiye kubanza gushaka abakinnyi bashya no kongerera amasezerano abo twari dufite, kuko hari abakinnyi 8 twagombaga guha amasezerano." CIP Mayira, aganira na RuhagoYacu.

" Ntabwo twihutiye kongerera amasezerano Seninga kuko nayo yasinye atararangira, ariko muri iki cyumweru turatangira kuri uyu wa mbere, dushobora kwicara tukunvikana."

JPEG - 201.3 kb
Seninga arakomezanya na Police FC umwaka utaha

CIP Mayira avuga ko nta wundi mutoza bari mu biganiro na we, akaba yanahakanye ko Police FC ishobora kuba yaraganiriye na Masudi Djuma.

Ku rundi ruhande, Mukura VS bivugwa ko yamaze kunvikana n’umutoza Haringingo Christian Francis bakunda kwita Mbaya.

RuhagoYacu yamenye ko uyu mugabo umaze umwaka ari umutoza mukuru wa Vital’o ari we ufite amahirwe menshi yo gutoza Mukura VS, kuruta Jimmy Ndayizeye na Cassa Mbugo bavugwagwa cyane.

Uyu mutoza yamaze igihe kinini ari umutoza wungirije Kanyankore Gilbert mu ikipe ya Vital’o kugeza muri 2015 uyu mutoza atandukana n’iyi kipe.

JPEG - 72.6 kb
Umutoza Francis wa Vital’o Francis Haringingo niwe ufite amhirwe yo gutoza Mukura VS umwaka utaha kurusha abandi

Yaje kungiriza umutoza Michael Weis, utaratinze mu Burundi birangira uyu mugabo ari we utoza Vital’o.

Bivugwa ko umuyobozi wa Mukura VS Nizeyimana Olivier yaba ari we ashaka cyane kurusha Andre Cassa Mbugo.

Umunyamabanga mukuru wa Mukura Victory Sports yabwiye RuhagoYacu ko kuri uyu wa mbere ari bwo baza kwicara bagatoranya umutoza wazatoza Mukura umwaka utaha.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. viator

    Kuya 10-07-2017 saa 12:06'

    uyu muhungu arabizi kabisa bamuhaye akazi yabikora neza


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru