RUHAGOYACU.com

Mukura VS yashwishurije Rayon Sports kuri Ally Niyonzima

Ikipe ya Mukura yanyomoje amakuru yari yatangajwe na Rayon Sport ko yarangije kumvikana n’umukinnyi wayo wo hagati Niyonzima Ally kuri miliyoni zirenga zirindwi z’amafaranga y’u Rwanda.

Ally Niyonzima ugifitiye Mukura amasezerano, yari yifujwe n’amakipe atandukanye mu Rwanda no hanze yarwo, gusa Rayon Sports iza kuba iya mbere mu kumvikana na we, ni ko kumwemerera miliyoni eshanu z’amafaranga y’u Rwanda.

Rayon Sports yari yatangaje ko yarangije gusinyisha AllyRayon Sports yari yatangaje ko yarangije gusinyisha Ally

Amakuru agera kuri Ruhagoyacu, avuga ko iyi kipe yaba yari yanemereye Mukura miliyoni n’igice(1 500 000Frw) ngo ibe yagura amasezerano Ally yari asigaranye muri iyi kipe bityo abe umukinnyi wa Rayon Sports bidasubirwaho.

ibi byose ariko ubuyobozi bwa Mukura bukaba bwabihakanye, butangaza ko nta biganiro bwigeze bugirana na Rayon Sports ndetse ko ibyo bakoze bitemewe n’amategeko. Umunyamabanga w’iyi kipe Niyobuhungiro Fidel akaba yabitangarije Ruhagoyacu.

Yagize ati: “Rwose nta biganiro twigeze tugirana na Rayon Sports iby’amafoto(yo kumusinyisha) natwe twabibonye kuriya ntabwo tuzi aho byavuye”.

Ally(Niyonzima) ni umukinnyi wa Mukura, hanagize ikipe imwifuza mu Rwanda byibura yaduha miliyoni 10(10 000 000Frw) igasigara yiyumvikanira na we”.

Ally Niyonzima(wa mbere ibumoso) yari yatowe mu ikipe y'umwaka wa shampiyonaAlly Niyonzima(wa mbere ibumoso) yari yatowe mu ikipe y’umwaka wa shampiyona

Ikipe ya Rayon Sports ikaba yari yemeje ko yasinyishije Ally ngo abe yaba umusimbura wa Pierrot Kwizera, wongeye gutangaza kuri uyu mugoroba ko azasohoka muri Rayon Sports nubwo kugeza uyu munsi atari yamenya ikipe azerekezamo.

Uretse Ally Niyonzima, ikipe ya Rayon Sports yarangije gusinyisha Habimana Yussuf amasezerano y’imyaka ibiri, ahabwa miliyoni eshanu n’igice z’amafaranga y’u Rwanda(5 500 000Frw) ya ‘recrutement’, dore ko we yari yararangije amasezerano mu ikipe ya Mukura VS.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Tigana

    Kuya 11-07-2017 saa 02:39'

    Ruhago nizamure ireme ry’ikizere n’ukuri kubasomyi inigishe abanyarwanda ibasobanurire birambuye ibirebana na transfert z’abakinnyi n’uburyo zikorwamo n’amategeko abigenga yewe n’ibihano bijyana nuwarenze kuri ayo mategeko kugirango hacike urw’ikekwe rw’amakipe asa nahora yubikiriye gusenya andi cg igitugu bihabwa umugisha na Ferwafa bigatuma abantu bayitera icyizere
    Abandi bagacika kubibuga ibyo byose bikagira ingaruka kuri football y’u Rwanda

  2. nyarubuye

    Kuya 10-07-2017 saa 16:41'

    mbanje gushimira ruhagoyacu amakuru itugezaho nashakaga kubasobanuza ko iyo umutoza yirukanywe mu ikipe agifite amasezerano bamwishyura amafr.we iyoyegu kumirimoye agifite amasezerano we atanga iki mû ikipe mumfashe munsobanurire

  3. kwizera

    Kuya 10-07-2017 saa 12:21'

    Hahahahha!!!!! aba rayon barikirigita bagaseka. ubwo se kwibeshyera ko mwaguze umukinnyi kdi ntawe mwaguze nukugirango mushimishe abafana Banyu? you are very disorganised in your minds

  4. Pierre Musenda

    Kuya 10-07-2017 saa 10:34'

    Ariko Pierro Arajyahe Akurikiye Masudi Se Turacyagukeneye Batuzanire Gonez Asimbure Masudi Ugiye All Ntimudohoke Kumubahafi Na 2018 Rayon Sport Izagitwara

  5. karisa

    Kuya 10-07-2017 saa 06:36'

    Mureke umwana ajye aho ashobora guterimbere kurushaho, nawe ubutaha iriya million azayikenyerereho wangu. ahubwo numwumvikane kuyo Rayon yabaha naho ubundi umutima we ntukiri ihuye. agomba gusimbura Pierrot hariya hagati.

  6. musemi

    Kuya 10-07-2017 saa 06:23'

    sha mumureke agende ntimukereke umukinnyi ko ari kamara bituma yitwara uko ashatse, niyompamvu na APR isigaye ibarekura bakajyenda.

  7. S d

    Kuya 10-07-2017 saa 04:36'

    ariko jye ndumiwe koko,ngo yari yamuguze ngo abe umusi mbura wa pierrot sha ally ntiyasimbura pierrot baribeshye kbs. umupira arawuzi pe! ariko ntiyagera kurwego rwa pierrot kuko nta kinnya bupfura agira, yananiye mukura ahora ayicika uko yishakiye kandi mukura imuhembera igihe.nonese rayon yacu izamugorora ite? kotwe harigihe namezi 2 ashira abakinnyi badahembwa,ubwo suguhita yitorokera agahora muri yaje. yagiye.akadutesha umutwe kandi pierrot yari umunyamahoro, numwana witonda uzi kwihangana.ntaho wamukura yari umunyamwuga,ally bamureke bashake undi,uwo nuwo kujya mwikipe ihembera igihe. yakagombye kujya muri apr,ariko agezeyo yasubira inyuma nka murumunawe Ngandu Omari.

  8. Sylve

    Kuya 10-07-2017 saa 04:06'

    Ariko Namwe Ruhagoyacu Muri Abaswayire Kweri? muhora mwinyiraguramo kbs .sikuwagatanu mwavuze ko ally yabaye umukinnyi wa rayon bidasubirwaho,ubwose ayo niyo masezerano ruhagoyacu mwasinye yo kwirirwa mukinisha,mutesha umutwe abanyarwanda. mube abanyamwuga muvuge ibyo mufitiye gihamya.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru