RUHAGOYACU.com

Musanze FC irahakana ko Katauti yerekeje muri Rayon Sports

Nubwo byamaze gutangazwa ko Ndikumana Hamad Katauti azaba yiungirije Karekezi Olivier nk’abatoza ba Rayon Sports mu mwaka utaha wa shampiyona, Umuyobozi w’ikipe ya Musanze FC atangaza ko ibyo ari impuha, ko uwo mutoza wabo wungirije bakimufite.

Byatangiye kunugwanuga mu cyumweru gishize, ariko inkuru iba kimomo ku cyumweru tariki ya 17 Nyakanga 2017, ko Ndikumana Katauti Hamad wari umutoza wungirije muri Musanze FC azaba yungirije Karekezi Olivier mu gutoza Rayon Sports umwaka utaha w’imikino, mu gihe Nkunzingoma Ramadhan azaba ari umutoza w’abanyezamu.

Ndikumana Katauti Hamad, Umutoza wungurije Habimana Sosthene 'Lumumba' muri Musanze FCNdikumana Katauti Hamad, Umutoza wungurije Habimana Sosthene ’Lumumba’ muri Musanze FC

Icyakora Tuyishime Placide, Umuyoboiz mukuru wa Musanze FC yatangarije RuhagoYacu ko ayo makuru na bo yabagezeho, ariko ko nta kirabaho ngo uwo mutoza wabo agende bityo ngo ibyatangajwe ni ibihuha.

Ati “Ni impuha ntabwo aragenda, nagenda tuzababwira kandi tuzane n’abandi.”

Yakomeje avuga ko amakuru y’uko Katauti yifuzwa na Rayon Sports yabagezeho, ndetse ngo asigaje kujya kuvugana na yo bakumvikana ku byo imugomba hanyuma akagaruka gusezera kuri Musanze FC.

Ndikumana Hamad Katauti yabaye umukinnyi w’intarumikwa muri ba myugariro ba Rayon Sports no mu ikipe y’igihugu Amavubi, arenga kuri urwo rwego akina mu makipe atandukanye ku mugabane w’u Burayi nko mu Bubiligi, muri Chypre n’ahandi.

Ndikumana Hamad ari ku rwego rumwe na Masudi Djuma ku mpamyabumenyi z'UbutozaNdikumana Hamad ari ku rwego rumwe na Masudi Djuma ku mpamyabumenyi z’Ubutoza

Uyu mutoza wahoze ari myugariro afite n’amateka yihariye yo kuba ari mu banyarwanda mbarwa babashije gukina imikino y’igikombe cy’amakipe yabaye aya mbere iwayo ku mugabane w’u Burayi (UEFA Champions League) ndetse n’imikino y’igikombe cy’amakipe yatwaye ibikombe iwayo (Europa League), ubwo ikipe yakinagamo Αnorthosis Famagusta FC yo muri Chypre.

Ku kirebana no kugura abakinnyi, Umuyobozi wa Musanze FC yatangaje ko na bo baticaye ubusa, ndetse ko hari abo iyi kipe yamaze gusinyisha, ariko yizeza RuhagoYacu ko amakuru y’impamo n’amazina y’abo iyo kipe yaguzwe azabidutangariza vuba aha.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. jean paul

    Kuya 24-07-2017 saa 11:32'

    ikaze kuri katauti na karekezi ni baze badufashe guterimbere dutwara nibikombe kuku igihe karekezi agezemo nicyo nicyo kwigaragaza akazamura urwegorwe ntagarigihe cyogukorera igikona

  2. TWAGIRIMANA CALLIXTE

    Kuya 20-07-2017 saa 17:19'

    TURASHIMIRA UMUYOBOZI WACU UBURYO ATEZA SPORT IMBERE KD TURAMUKUNDA CYANE

  3. dsoi

    Kuya 20-07-2017 saa 16:46'

    karekezi agiye kuza abanze abivange natwe aducange, niyo bayiha katauti wenyine, experiance yose yagira bibuke ko yakinnye muri gikona, kandi nta kiza cy’umwana wa gikona keretse abanje kuba muri Rayon nk’umukinnyi akamenya uburyohe bwa Rayon.

  4. Bwiza

    Kuya 20-07-2017 saa 12:43'

    Ahubwo Katauti ndumva ubwo yakiniye Gikundiro byaba ari sawa kuko azi igkemewe. Merci

  5. dudu

    Kuya 20-07-2017 saa 08:49'

    Reka ntabya karekezi baragirango gitindi bajye bayiha amanota yubuntu nagende yatojehe c? ko atoza abana nyine twebwe c turabana?

  6. Jefu

    Kuya 20-07-2017 saa 08:31'

    Rayon niyo kipe ye wana! ikaze kuri Katauti


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru