RUHAGOYACU.com

Ndayiragije Michel na Trezeguet mu barebye umukino wa Mukura bakiniye

Bamwe mu bakiniye ikipe ya Mukura Victory Sports mu myaka ishize; Ndayiragije Michel ’Michou’ wanakiniye ikipe y’igihugu Amavubi, na Nyampatsi Jean Claude bakundaga kwita Trezeguet bari mu bitabiriye umukino Mukura Victory Sports yaraye itsinzwemo na Kirehe FC igitego 1-0.

Ndayiragije Michel usanzwe uba mu gihugu cy’u Bubiligi, ndetse akaba amaze icyumweru mu Rwanda, aho we na bagenzi be bifuje kureba umukino wa Mukura Victory Sports bahoze bakinira yakiriyemo Kirehe.

Uyu wanakiniye ikipe ya Rayon Sports ubwo yari avuye muri Mukura, akaba yarasigaye mu Bubiligi ubwo bari mu ikipe y’igihugu y’u Rwanda, Amavubi.

Ndayiragije Michel (hagati) yari yaje kureba MVS yakiniye, kimwe na Olivier bari kumweNdayiragije Michel (hagati) yari yaje kureba MVS yakiniye, kimwe na Olivier bari kumwe
Trezeguet (ibumoso) na we yari yaje kureba MukuraTrezeguet (ibumoso) na we yari yaje kureba Mukura

Aganira n’itangazamakuru; Trezeguet yavuze ko basabwe na Ndayiragije Michel ko bamuhereza kuza kureba ikipe ya Mukura baherukaga kera.

Abajijwe uko abona urwego rw’umupira w’amaguru amakipe yo mu Rwanda ariho; Trezeguet yagize ati: ’’ Urwego si rwiza nk’uko byakagombye kuko amakipe yacu iyo asohotse ntabyitwaramo neza. Tuvamo hakiri kare kandi ni cyo gipimo ubundi."

Ku bijyanye n’akamaro k’abanyamahanga mu mupira w’amaguru mu Rwanda, dore ko aba bagikina hari abakinnyi b’abanyamahanga bakomeye; Trezeguet avuga ko hagakwiye kujya harebwa abanyamahanga bashoboye, atari ukuvuga gusa ko umukinnyi ari umunyamahanga.


Mukura yaraye itsinzwe 1-0 na Kirehe, hasozwa shampiyonaya 2016/17Mukura yaraye itsinzwe 1-0 na Kirehe, hasozwa shampiyonaya 2016/17

Foto: HORAHO Axel.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru