RUHAGOYACU.com

Ndi hafi kongera amasezerano muri Rayon Sports, ibindi byose ni ibihuha-Munezero Fiston

Myugariro w’ikipe ya Rayon Sports Munezero Fiston atangaza ko ari hafi kongera amasezerano mu ikipe ya Rayon Sports amazemo imyaka 2 akinira hano mu Rwanda mu cyiciro cya mbere.

Uyu musore wageze muri iyi kipe avuye mu gihugu cy’u Burundi, yabwiye RuhagoYacu, ko ibyo kwerekeza muri Tanzania biri gutinda, akaba ari hafi kuba yasinyira ikipe ya Rayon Sports.

" Ibyo kwerekeza muri Simba SC ntabwo byari byarangira burundu, ariko nibiramuka bidakunze, nta yindi kpe nzasinyira ni Rayon Sports, kuko n’ibiganiro nabigiranye n’ubuyobozi kandi biri hafi kurangira," Munezero Fiston, aganira na RuhagoYacu.

" Nta yindi kipe ku bwanjye nunva nshaka gukinira kuri ubu hano mu Rwanda, buretse Rayon Sports."

JPEG - 40.9 kb
Uyu musore amaze imyaka 2 muri Rayon Sports aho amaze gutwara ibikombe 2

" Hagiye habaho wenda bimwe bitagenda, ariko kuva naza muri Rayon Sports mu myaka 2 ishize, nta kibazo gihambaye nagiriyemo, nkaba nta yindi kipe mbona aha mu Rwanda yandutira Rayon Sports ku buryo nagorana nyerekezamo, nkunda Rayon Sports kandi ndishimye."

Uyu myugariro unakinira ikipe y’igihugu Amavubi kuva yaza muri Rayon Sports, ari mu bakinnyi bagaragaye cyane mu kibuga mu gihe cy’imyaka 2 ishize akinira iyi kipe, aho we na bagenzi be, babashije kwegukana igikombe cy’Amahoro umwaka ushize, bakanegukana igikombe cya shampiyona uyu mwaka, bakaba banagifite amahirwe ko bakwisubiza n’igikombe cy’Amahoro cy’uyu mwaka.

JPEG - 383.7 kb
Munezero Fiston, anakinira ikipe y’igihugu Amavubi

" Simba n’ikipe ikomeye muri aka karere, kuba yari yanshatse nari nabyishimiye. Gusa biramutse bidakunze, simbona indi kipe irenze Rayon Sports hano mu Rwanda nakwirukankiramo kuri ubu," Munezero Fiston.

Uyu musore na bagenzi be, bafite umukino urabahuza n’ikipe ya Police FC ku gicamunsi cyo kuri uyu wa gatatu, kuri sitade ya Kigali mu mukino wo kwishyura y’igikombe cy’Amahoro.

JPEG - 95.9 kb
Uyu musore yari yifujwe n’ikipe ya Simba SC yo muri Tanzania

Iyi kipe ya Police irahura na Rayon Sports mu mukino wo kwishyura, byavugwaga ko yifuza cyane uyu myugariro ndetse ko bamaze kunvikana, ariko uyu musore yamaze kubinyomoza.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. gaspard

    Kuya 21-06-2017 saa 14:09'

    ariko mwaretse rayon siyo kipe yatsinzwe ibitego bike imara imikino 7itinjizwa ntiyararimo?fawusitini mwajyanye ubu abahe?sintore muzindi mushyire baro hasi uriyamwana nimuzima

  2. bahizi

    Kuya 21-06-2017 saa 12:57'

    hhhhhhh munezero fiston nikecurini kbs aberanye nogukina mukiryabarezi

  3. peter

    Kuya 21-06-2017 saa 12:44'

    nibyo koko fisto yabikora ariko bisaba ko akinana nundi muntu udahubuka,ntago ari umukinnyi wayobora abandi pe ariko caurage

  4. maso

    Kuya 21-06-2017 saa 12:42'

    Fiston ni umukinnyi ukomeye yagiriye akamaro kanini Rayon Sports mu gihe abandi ba Défenseurs bari bararwaye, bavunika, bakamushinja amafuti ngo ni amarozi kuko we atavunikaga.

    Yagaragaje rero imbaraga, ndetse no mu mavubi arazigaragaza.

  5. maso

    Kuya 21-06-2017 saa 12:42'

    Fiston ni umukinnyi ukomeye yagiriye akamaro kanini Rayon Sports mu gihe abandi ba Défenseurs bari bararwaye, bavunika, bakamushinja amafuti ngo ni amarozi kuko we atavunikaga.

    Yagaragaje rero imbaraga, ndetse no mu mavubi arazigaragaza.

  6. MUGABO

    Kuya 21-06-2017 saa 11:51'

    Ubura icyo unenga inka uti" Dore igicebe cyayo" Murenzi nawe ati uretse MUSANZE na KIREHE ntayindi kipe yamwifuza! N’AMAVUBI aramuhamagara uretse ikipe!!!!!

  7. Gogo

    Kuya 21-06-2017 saa 11:01'

    Urakoze cne Fiston natwe turagukunda kdi turakwishimiye,abayobozi Bacu nibakongerere amasezerano uko meze uterimbere. humura ekipe yohanze uzayibona, Imana igihe umugisha

  8. Murenzi

    Kuya 21-06-2017 saa 10:09'

    Usibye kirehe na musanze nzakwifuza munezero fiston ndibazako ntayindi kipe ishobora kumwifuza hano mu Rwanda
    Nagume muri rayon masudi djumA agumye amurwazerwaze wenda araho azagera .

  9. Vava

    Kuya 21-06-2017 saa 09:59'

    Fiston ndagukunze kdi courage nkunda sytle yawe uburyo ukinamo unyibutsa Rio Ferdinand wa Manchester UTD ukina byiza udashaka kuzamuka uneka abataka?rwose ndagushyigikiye indi Equipe wajyamo ni APR naguhitiramo nayo kdi itanga agafranga kubakinnyi bayo ariko Police wahita uvetera kabisa niyo bayaguha ubwo ibikombe wabyibagirwa.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru