RUHAGOYACU.com

Rugwiro wa APR FC yashwishurije abavuga ko yasubiye inyuma kubera ubukwe

Myugariro w’ikipe ya APR FC, Rugwiro Herve yashwishurije abavuga ko yasubiye inyuma kubera ubukwe, anavuga ko atiyumvisha uburyo atatsinze igeragezwa ngo agume mu ikipe y’igihugu Amavubi.

Nyuma y’aho Emery Bayisenge na Rwatubyaye Abdoul bavuye muri APR FC, Rugwiro yahise agira umwanya uhagije wo gukina, ndetse anagaragaza ko abishoboye, aho yagiye ayobora ubwugarizi bw’iyo kipe y’Ingabo z’u Rwanda kandi akabikora neza, akabihemberwa kugirwa umwe muri ba kapiteni bungirije Ngabo Albert.

icyakora si ko byakomeje kumera, kuko mu mikino iheruka, cyane cyane iyo APR FC itabonyemo umusaruro mwiza wanatumye icyizere cyo kwegukana igikombe cya shampiyona kigabanuka cyane, abafana bakunze kwinubira imikinire ya Rugwiro n’umusaruro atanga n’ubwo utari umwihariko we, kuko ibyo bibazo yari abisangiye n’abandi nka Faustin Usengimana n’abandi.

Rugwiro Herve na Madamu we Rugwiro Herve na Madamu we

Mu ntangiriro z’uku kwezi, ni bwo abakinnyi 41 bahamagawe gukora igeragezwa ngo harebwemo abazakinira ikipe y’igihugu Amavubi, Rugwiro Herve akaba yari umwe muri bo, ndetse mu bakinnyi barindwi (7) batashoboye gutsinda iryo geragezwa na we arimo, bituma benshi bahuza gusubira inyuma kwe n’umuhango wo gusaba no gukwa aherutse gukora, dore ko yitegura gukora ubukwe mu minsi iri imbere.

Icyakora kuba atarakomezanyije n’Amavubi ngo ni ibintu atarumva neza, wenda ngo hari ibyo atujuje ariko bitandukanye n’abavuga ko byaba biterwa n’ubukwe.

Ati "Ku bwanjye ntabwo nabyumvishije neza, ariko ngomba kubyumva kuko ni ko umupira umera, kandi iyo burya usigaye hari ikiba kibura, nzakomeza gukora ntabwo nacitse intege, (....) ntabwo njyewe ariko mbibona, njyewe ntabwo nasubiye inyuma ngo ubukwe, ngo ibiki, wenda babimbwira mu bundi buryo, kuko n’ubusanzwe umuntu asubira inyuma."

Rugwiro ntarumva uburyo yakuwe mu MavubiRugwiro ntarumva uburyo yakuwe mu Mavubi

Rugwiro avuga ko APR FC ifite ba myugariro benshi kandi beza, iyo aza kuba yarasubiye inyuma ntaba akigirirwa icyizere cyo kubanzamo.

Rugwiro avuga ko kuba yarakuwe mu ikipe y’igihugu y’umupira w’amaguru (Amavubi), ariko hagasigaramo umusimbura we basanzwe bakinana mu ikipe ya APR FC (Usengimana Faustin), nta kibazo biteye kuko na we ari umukinnyi mwiza kandi amwizeye.

Bamwe mu bakunzi b’umupira w’amaguru bagarutse kuri aba basore, bibaza uburyo Antoine Hey yahisemo umusimbura (Usengimana Faustin) kandi hari umukinnyi usanzwe ubanzamo mbere ye.

Usengimana Faustin (umusimbura wa Rugwiro) yasigaye mu MavubiUsengimana Faustin (umusimbura wa Rugwiro) yasigaye mu Mavubi

Rugwiro Herve yabwiye RuhagoYacu ko nta kibazo bimuteye, ati "Ntabwo mbitekerezaho cyane kuko na we (Usengimana Faustin) ni umukinnyi kandi mwiza, ariko gusa nzi ko abizi azanabikora, ntabwo icyo ari ikibazo cyane."

Rugwiro Herve na Nsabimana Aimable ni bo ba myugariro bakomeje kugirirwa icyizere n’umutoza Mulisa Jimmy, mu mikino itandukanye ikipe ya APR FC iri gukina.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Regis sindayigaya

    Kuya 16-05-2017 saa 19:04'

    Rugwiro ikarume Wanjye icyuzabacyo ntakuzagikuraho iherezo simumavubi kuko APR yacu igufashe neza unsuhurize Chr wawe


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru