RUHAGOYACU.com

Nyuma y’amezi icyenda mu mvune Demba Ba yagarutse mu kibuga atsinda

Rutahizamu w’umunyasengal Demba Ba wari umaze igihe kingana n’amezi icyenda yaravunitse yongeye kugaruka mu kibuga, abasha no gutsinda igitego.

Uyu musore wari wagize ikibazo cy’imvune ikomeye, byatumye hari n’abagira impungenge ko ashobora kutazagaruka mu kibuga, yongeye kugaruka ku cyumweru taliki ya 30 Mata.

Demba Ba yinjiye mu kibuga asimbuye ku mukino wahuje ikipe ye yatijwemo ya Besiktas yatsinzwemo na Istanbul Basaksehir ibitego bitatu kuri kimwe.

Demba Ba yavunitse mu kwezi kwa Nyakanga 2016, ku myaka ye 31 bamwe batangira kuvuga ko atazagaruka mu kibuga kubera uburemere bw’imvune yari amaze guhura nayo.

Uyu musore yakunze kwibasirwa n'imvune zikomeyeUyu musore yakunze kwibasirwa n’imvune zikomeye

Ku munsi wa 29 wa shampiyona y’ikiciro cya mbere muri Turukiya Demba Ba yinjiye mu kibuga ku munota wa 78, ubwo ikipe ye ya Besiktas yakinaga na Istanbul Basaksehir, nyuma y’iminota 12 gusa abafasha kongera gutsinda igitego nyuma y’amezi icyenda adakandagira mu kibuga.

Abinyujije kuri instagram iki gitego yatsinze, yagituye abamufana bose n’abamukunda, ndetse anashimira Imana.

Obafemi Martins ni umwe mu bamusuye mu gihe cy'uburwayi bweObafemi Martins ni umwe mu bamusuye mu gihe cy’uburwayi bwe

Uyu munyasenegal yaguzwe n’ikipe ya Shanghai Shenhua yo mu bushinwa ari nayo yamutije mu ikipe ya Beskitas yo muri Turukiya.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. musa

    Kuya 2-05-2017 saa 16:04'

    ba karibu warukumuwep! imana nikugimbere


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru