RUHAGOYACU.com

Peace Cup: Bugesera yanyagiye AS Muhanga 4-0; Kanyankore azahura na APR yamwirukanye

Umukino wo kwishyura wa 1/8 cy’igikombe cy’amahoro wahuzaga ikipe ya Bugesera FC na As Muhanga i Nyamata, urangiye Bugesera itsinze Muhanga ibitego 4-0, iyisezerera mu gikombe cy’amahoro ku bitego 4-1 mu mikino yombi.

AS Muhanga yari yatsinze igitego 1-0 mu mukino ubanza, yananiwe kwihagararaho muri uyu mukino, itsindwa hakiri kare ibitego birimo ibya Iradukunda Bertrand na Ikechukwu Samson mu gice cya mbere mu gihe Bigirimana Shaban yatsindiye iyi kipe y’i Nyamata ibindi bitego mu gice cya kabiri.

Gutsinda uyu mukino kuri Bugesera FC, bivuze ko ikomeje muri 1/4 ku bitego 4-1, aho izahura na APR FC, imikino iteganyijwe mu kwezi gutaha kwa gatandatu.

Umutoza wa Bugesera FC; Kanyankore Gilbert ’Yaounde’ watsindaga umukino wa mbere mu mikino ine muri iyi kipe y’i Nyamata, azaba ahura na APR FC yamuhaye akazi mbere y’uko uyu mwaka w’imikino utangira, ariko ikaza kumusezerera nyuma y’iminsi 43!

Yaounde watsindaga umukino wa mbere, azahura na APR FC yamwirukanyeYaounde watsindaga umukino wa mbere, azahura na APR FC yamwirukanye


Uko amakipe azahura muri 1/4 kirangiza:

  • Rayon Sports vs Police FC
  • AS Kigali vs Amagaju
  • APR FC vs Bugesera
  • Marines FC vs Espoir

Muri 1/2 kirangiza, ikipe izatsinda hagati ya Rayon Sports na Police, izahura n’ikipe izatsinda hagati ya Marines na Espoir. Naho ikipe izatsinda hagati ya APR FC na Bugesera, izahure n’izatsinda hagati ya AS Kigali n’Amagaju.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. claude

    Kuya 17-05-2017 saa 17:10'

    APR kombona ishobora kugwa mugatego!ariko RAYON nubwo igiye gutwara igikombe cya champion nireba nabi iratsindwa gatanu nigikona mbambaroga!uti gute:cyabatsinze gatatu,hasigaye uwo muri champion umwe,na final kucyamahoro!,bavandi muzaba mureba.

  2. Musesenguzi

    Kuya 16-05-2017 saa 17:53'

    Ikipe zose ko ndeba zitangiye kumenya kubatiza raaa!!??
    Ariko ni byiza, bigaragara ko gahunda Rayon yatangije yo kwigisha umupira mu Rwanda irimo kugenda neza.
    Ikiyoni ubu noneho umutima watangiye guterera mu bworo bw’ikirenge.
    Narababwiye ngo: Nimucika Bugesera na AS Kigali hanyuma kuri final mugatsinda Rayon Sports, muzagitware muzaba mugikwiye.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru