RUHAGOYACU.com

Prezida Kagame yemereye Infantino ko u Rwanda rwiteguye kwakira ibikorwa by’umupira w’amaguru FIFA yarusaba

Perezida Kagame kuri iki Cyumweru yakiriye Gianni Infantino uyobora ishyirahamwe ry’umupira w’Amaguru ku Isi, FIFA, amusezeranya ubufatanye mu byatuma uyu mukino ukomeza gutera imbere.

Aba bayobozi bombi bahuriye i Gabiro mu Ntara y’Uburasirazuba mu Karere ka Gatsibo ahari kubera umwiherero w’abayobozi bakuru b’u Rwanda ku nshuro ya 14, mbere gato y’uko Perezida wa FIFA asura urwibutso rwa Jenoside yakorewe Abatutsi ku Gisozi.

Umuvugizi wa Ferwafa, Ruboneza Prosper, yabwiye itangazamakuru ko Perezida Kagame na Perezida wa FIFA baganiriye ku bijyanye n’iterambere ry’umupira mu Rwanda by’umwihariko ndetse Infantino aboneraho kumushimira umusanzu we mu guteza imbere ruhago yo mu karere.

Aha yagarutse ku marushanwa Perezida Kagame asanzwe atera inkunga arimo nk’iry’amakipe yabaye aya mbere mu bihugu byayo mu Karere ka Afurika y’Iburasirazuba, CECAFA.

Perezida Kagame yamwijeje ko u Rwanda rwiteguye kwakira ibikorwa byose by’umupira w’amaguru FIFA yashaka ko bibera mu rw’imisozi igihumbi. Yanamusezeranyije kandi ko leta y’u Rwanda izakomeza gushyigikira igikorwa cyari cyamuzanye mu Rwanda cyo gutangiza kumugaragaro ibikorwa byo kubaka hotel ya Ferwafa

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. DUSABE TUWOMBE

    Kuya 2-03-2017 saa 19:46'

    Mberenambere turabashimiyecyane yuko mutugezaho ibidukwiye kandi mukamenya ndetse mukanazirikana ibyo twifuza mukabitugezaho nange ndi umufana wa Rayon Sport ariko nkuko bigenda bigaragara guhembwa kwabakinnyi ba ekipe yacu bibabigoranye tukibaza niba arikibazo cy miss management kuruhande rwababishinzwe bikatuyobera niba bishoboka mwazicara nka FERWAFA mukareba aho ikibazokiri kuko bitera igisebo abakunzi ba Rayon sport murakozecyane lmana ibarinde!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru