RUHAGOYACU.com

Rayon Sports ni nka pépinière- Masudi Djuma

Umutoza w’ikipe ya Rayon Sports; Masudi Djuma avuga ko nta mukinnyi ushobora kuguma muri iyi kipe ku buryo yashingirwaho, ko ahubwo igihe agiye, asimburwa n’abandi bashobora gukora ibyiza kumurusha, aho agereranya iyi kipe nk’aho abakinnyi bakurira (pépinière).

Masudi Djuma yabitangaje nyuma yo gutsinda Amagaju FC ibitego 3-0, bahatanira umwanya wa gatatu w’igikombe cy’amahoro.

"Ntabwo ari uko twifuzaga kugera muri 1/2 cyangwa umwanya wa gatatu, oya, twashakaga igikombe cy’amahoro, ubwo bidashobotse ibyo twakoze turabishimira Imana, turifuza ko umwaka utaha bigaruka."

Rayon Sports yegukanye umwanya wa gatatu itsinze Amagaju 3-0Rayon Sports yegukanye umwanya wa gatatu itsinze Amagaju 3-0

Agaruka ku bakinnyi bashobora kuva mu ikipe ya Rayon Sports, n’abamaze kuyivamo barimo; Nshuti Savio wasinyiye As Kigali, Nsengiyumva Moustapha werekeza muri Police FC n’abandi bashobora kugenda, Masudi yagize ati:

"Narababwiye ariko, Rayon Sports imeze nka transit, umuntu araza agakora ibintu byiza akagenda, ntumubuze. Yarabikoreye, mureke agende, ushake abandi. Rayon Sports ni nka pépinière. Ntabwo twashingira ku muntu umwe, nanjye narakinnye, naragiye, abandi baraje, barakinnye, ibikombe barabitwaye, ni uko bimeze. Nibagende nshake abandi."

Masudi asanga Rayon Sports imeze nka pepiniere (ikuza abakinnyi nyuma bakagenda)Masudi asanga Rayon Sports imeze nka pepiniere (ikuza abakinnyi nyuma bakagenda)

Abajijwe niba hari imyanya abona azongeramo abakinnyi mu rwego rwo gukomeza ikipe ya Rayon Sports izanahagararira u Rwanda mu mikino ya CAF champions League mu mwaka utaha wa 2018, Masudi Djuma yavuze ko bizaterwa n’abazaba bamaze kugenda.

" Birumvikana, uyu mwaka twari muri Confederation Cup, uyu mwaka dufashe igikombe tugiye muri Champions League urumva ko tugomba abakinnyi bafite experience kuruta ya yindi bafite. Niba hagiye uwo hagati, tuzamusimbuza uwo hagati, nihagenda umunyezamu, tuzazana umunyezamu, poste par poste."

Rayon Sports ikaba iri kwitegura guhabwa igikombe cya shampiyona y’uyu mwaka yegukanye, aho izagihabwa ku mukino wa gicuti uzayihuza na Azam FC yo muri Tanzania, hano mu Rwanda, tariki ya 8 Nyakanga.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Irma Aphrodis

    Kuya 6-07-2017 saa 19:22'

    Rwose gikundiro niyacu kandi ntanarimwe tuzayivaho ubundi iyi ni equipe y’ imana

  2. Kwizera

    Kuya 6-07-2017 saa 05:38'

    Wtf we don’t care about rayon sport shit 😂😂😂

  3. ishyamba

    Kuya 5-07-2017 saa 13:55'

    nubagende rayon yagize abakinnyi benshi beza,bagiye bagenda equipe igasigara kandi igatwaribikombe, igiti kimwe ntikitwa ishyamba. gusa naraye ngaye Mustapha ubwo yangaga guha akaboko Masudi biriya yakoze bizamugaruka ubuzima bwe bwose ndamuvumye arakapuuuuuuuuu!!! iyo ataba rayon ntabwo aba ari uwariwe uyumunsi.

  4. zyma

    Kuya 5-07-2017 saa 13:04'

    nubundi bamenyekana kubera abafana igiri oooh rayon nibagende tumenyekanishe abandiii

  5. nibyo

    Kuya 5-07-2017 saa 09:39'

    rwose nibyo nibagende dushake abafite experience

  6. Habiyakare

    Kuya 5-07-2017 saa 08:03'

    Yego nibyo, Rayon si gereza kd ntamukinnyi kamara kuburyo adahari Rayon itabaho. Imbaraga za rayon nabafana cyane si abakinnyi.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru